السلام عليكم

يا اخوان عندي مشروعين وابي رأيكم فيها ومتردد وخايف من الخساره ، وانا جازم فيهن كلهن يعني صراحة عندي المقدرة المالية
اللي هم :
1- مغسلة ملابس
لقيت لي موقع ممتاز عند شارع ثلاثين فيه تقريبا حول ال15 عمارة " عزاب وعوائل وشركات " فتحتين بجوار حلاق ..
بس المشكله قالي اجارها 50 الف وصراحة احسها كثيرة وصديق قالي بتطلع عليك بخسارة
وانتم شرايكم ؟

المشروع الثاني :
2- تريلة شعير :
اشتري لي راس اكتروس نظيف وسعره زين " خصوصا ان الاسعار نازلة هالوقت " مع تيدر واروح لميناء الدمام واشتري الكيس ب 36 وابيعه بالمنطقة الوسطى ب 40 ريال " 500 كيس " والربح 2000 ريال وتقريبا تقعد 5 ايام على م تخلص الكمية واروح اجيب ، يعني تقريبا 4 او 5 مرات ويطلع لي الصافي 6000 ريال ناقص الديزل والزيت والصيانة
ولو ابيع ب 39 او 38.5 تخلص الكمية في يوم تقريبا وابيع تقريبا 9 مرات بدال ال4 مرات ومكسب اكثر بشوي بالشهر
لكن المشكله في هالمشروع كيف اشتري من الميناء يعني يحتاج تصريح او يحتاج حجز من قبل او فيه شركات محتكرته !

واللي له تجربة او معلومات موثوق منها يفيدني منها
واولا واخيرا رأيكم ! ويعطيكم العافية

والله يرزق الجميع من واسع فضله

كلها حلوه
ولكن المغسله اريح من تعب الخطوط والمشاوير والبيع والزحام

الله يوفقك المغسلة احلى شيء لو انت بس تشتغل فيها تطلع ذهب

السلام عليكم

خله ياخذ 50 ألف انت بتطلع دبلها
لو ما تطلع في اليوم غير 150 في الشهر 4500
بس أهم شي تكون المنطقة سكنية
احسبها مزبوط وتوكل على الله وربك مو مضيع لك تعب

ياساتر !! ايجار المحل فقط 50000 يعني بالشهر 4200 هذا الايجار

وعندك رواتب عمال 2 مثلا 1500 لكل واحد يعني 3000 غير ايجار سكن للعمال

عندك الديزل والكهرب ومستلزمات المغسلة من معاليق وصابون واكياس ونشا حوالي 2000

يعني مصاريف شهرية بحدود 9200 غير اقامات العمال والرخصة والزكاة

اعتقد مبلغ عالي جدا ..... الا اذا حصلت محل ايجاره ارخص كثير

ايجارات المغاسل عشان تكون مناسبة ما تتجاوز 20 الف ريال .. الا في حالة بتفتح مغسلة اتوماتيكية مثل المغاسل الكبيرة .. الي تغسل السجاد والموكيت .. الخ

التريلا جيب عمال سودانيين انسب ناس لهالشغله لانه بيعها كله الصباح والعصر فقط وباقي اليوم ينام جمبها ..

اذا ملزم على التريلة كل شغلك اسمنت

تاخذ من المصنع اللي بمنطقتك ومكسبك ريالين على الكيس. احسن للسيارة من الخطوط للميناء.

بالتوفيق

بخصوص المغسله مانصحك ابداً اول شي الايجار غالي الشي الثاني وين تحصل العامل الامين مايرضون يشتغلون بالرواتب يطفشونك لين تأجرها لهم بسعر بخس


اما تريلة الشعير مشروع اكثر من ممتاز بحكم اطلاعي عليه من قرب صديق لي وهو شريك في مشروع بيني وبينه اشتغل في الشعير وصار من المتعهدين التريله تجيب 600 كيس ياخذها بسعر 36 ويكسر السوق هناء عشان تخلص بدري يبيعها على 39


يقول والله مالحق لكن للأسف في النهايه هربو السواقين من كثر التعب اللي جاهم

اللي حاب يستري تريلة مان 2001 يراسلني عالخاص
التريلة ممتازة بس للاسف ما اعرف احد يشغلها لي عشان كذا ببيعها