السلام عليكم ورحمة الله

اشكرك يا اخي الفاضل على التفاعل معنا بقولك مشكلتي باختصار بما انو عندك خبرة بنظام مكتب العمل انا حصلت لي مشكلة في عملي وبصراحه كارهه الشغل وماني قادرة استحمل الوضع لدرجة اني فكرت استقيل بس ماحبيت اتقدم باي خطوة واستعجل الا بعد ما اسال احد خبرة المهم بدخل بالموضوع انا اتوظفت في شركة خاصة وظيفة بائعه في محل لانجري طبعا بالبداية الي وظفتني كانت مشرفه وكل شي تمام حتى مديرة المعرض كانت قمة في الاخلاق وتعاملها روعه المهم ربي رزقها بوظيفة حكومية وتركت الشغل وايضا المشرفه قدمت استقالتها انا كملت شهرين معاهم وبعدها باسبوع اتعينت مديرة جديده واصبح المشرف اجنبي الله لايوفقه
المهم من بداية مامسكت الادارة وهيا حاطتني براسها وضغطتني بالشغل بشكل مو طبيعي وتهددني ادا مانهيت الشغل بمده معينة ووقت قصير تخصم عليا من راتبي المشكلة انا دوامي صباحي ومافي غيري بالمحل والله العظيم كانو مافي غيري بالمحل تحاول تتصيد اخطائي واول ماتجي الدوام تدخل قسمي وتجيب معاها وحده من البنات ال هما بائعات مثلي وتجلس تفتش قطعه قطعه وتحاول تطلع اخطاء تافهه وتسوي مشكلة وتوقعني على خصم والبنات الباقيين ماتكلمهم ولا تشوف اخطائهم مع اني اشوف قسمهم مليان اغلاط ولما واجهتها وقلتلها ليش ماتشوفي اخطاء البنات مو بس انا مستقعدتلي جلست تصارخ وطلعت من المحل وراحت اشتكت للمشرف طبعا المشرف لان سارت معاها مواقف قبل كدا واشتكت عليه بالشرطة لانه كان بيوقعها عل بضاعه ما استلمتها سار يخاف منها ومايقول الحق لما اشتكيه عليها يحط الاغلاط عليا ويكذبني ويقول السبب مني ويقولي ادا مو عاجبك الشغل استقيلي بس ماقالها صريحه يقول انا عاجبني اسلوبها حتى هوا حاسه انه حاطني بباله اناا طفششت وربي ومو قادرة استحمل الوضع وغير كذا يكذب علينا طبعا هو من الجنسية المصرية لما سالناه في تامين طبي قالنا لا بس للاجنبي واحنا موقعيين على العقد ومكتوب انو في تامين طبي واسفه لاني طولت عليك لاكن وربي اني مقهورة وحاسة بالظلم والتسيب من المشرف و اول ما اصبح مشرف علينا حاول فصلي بدون مبرر وانا في اجازة اختبار ولم اكمل 3 اشهر عندهم ورجعت للوظيفه وهددته اني اشتكي عليه مكتب العمل لانه فصلني وانا باجازة اختبار ورجعني للشغل

ايش رايك اشتكيهم لمكتب العمل والا ماراح استفيد وايش الاجراءات الي اتخذها للشكوى
ايوا صح للعلم انا كملت الان 4 شهور لديهم في الشركة وقبلي اثنين تركو الشغل بسببها ومستعده اجيبهم شهود وحده ظالمة ورزقي بينقطع بسببها الله لايسامحها بس رجعه مستحيل ارجع يعني لو اشتكيتهم هل يعوضوني ماهو الحل ؟ يعني نترك الاجانب تلعب فينا وبالبلد انا ماراح اخليها تعدي سلامات

الله يعطيكم العافيه ظروري احد يرد علي ،
انا توظفت في شركه ووقعت العقد في تاريخ 8/5/2013 وباشرت عملي في تاريخ 22/5/2013
شهادة الخبره تعتبر من بداية توقيع العقد او من المباشره ع طول ،

والله انا بأزمة مايعلم فيها الا ربنا يأست وقدمت اسقالتي وكتبت سبب الاستقالة ضغط عمل ومحاولة افشالي من المديرة والمشرف ولما عطيته الاستقالة جلس يتكلم عليا ويستفزني بالكلام انا دحين لي 3 ايام ماداومت ومارد على الاستقالة ايش الحل مقهههورة

السلام عليكم ورحمة الله وبركاته

إشتغلت في شركة لمدة 3 أشهر .. من بداية شهر 8 /2013 إلى نهاية شهر 10/ 2013 وبعدها قدمت استقالتي وقبلت في نفس اليوم

الشركة ما شالت اسمي من عندها الا بعد خمس اشهر بتاريخ 31/ 12 / 2013 هل اقدر اطالب برواتب شهر 11 و 12 او انها راحت علي ولا لي حق بالمطالبة وطيف اشتكي على الشركة ..

آمل افادتي وشكرا

الحين راتبي الاساسي 2400 وبدل سكن 500 و بدل مواصلات 600 .
المجموع = 3500
وتفاجئت بالتامين لي ب 3000 .
كيف يعني ؟؟؟!!!!!!..
ارجوكم افيدوني لو تكرمتم .

السلام عليكم ورحمة الله وبركاته
اخي الكريم استقدمت عاملات خياطات من الفلبين وبعد وصولهم تبين انهم لا يعرفون الخياطة والتفصيل بشكل جيد وقد اختبرتهم في اكثر من قطعة قماش وما خيطو بشكل جيد
توصلت معهم على اتفاق ان اغير مهنته الى عاملات منزلية علما انهم وصلو من 10 ايام فقط
فهل يسمح النظام اغير مهتنهم الى عاملات وانقل كفالتهم قبل استخراج اقامات ام ماذا افعل
ولك الشكر والتقدير