السلام عليكم ورحمة الله وبركاته
انا سجلت قبل كم يوم والطلب كان مكتمل وكل شي تمام
وماجاني لا بريد الكتروني ياكد الطلب ولا طلعلي رقم طلب ولا اي مسج ولا اي اتصال ولا اي شي يدل عالتسجيل غير كلمة الطلب مكتمل باللون الأخضر في صفحة التسجيل

بس بعد ما قفل التسجيل اليوم جربت متابعة الطلب يقول خطا في اسم المستخدم او كلمة المرور ، وجربت كل كلمات المرور الي ممكن احطها في اي تسجيل وواحد منهم زبط (مع انه مو نفس الباسوورد الي حطيته في التسجيل) المهم وطلعلي البيانات الي مقدمة عليها مو نفس الي انا قدمت عليها وقت التسجيل ... لقيتهم حطوني كلية العلوم الطبية التطبيقية تخصص صحة عامة ؟..

وتم رفض الطلب لانه غير مطابق للشروط المعلنة ...

طيب انا ما اخترت هادي الكلية لا دا التخصص !!!
ولمن شيكت عالاعلان حق الجامعة لقيتهم طالبين محاضر(وانا بكالوريوس) << ذكر (وانا انثى) << صحة عامة (وهادا التخصص ابدا ما اخترته) !!!!
تفسيري الوحيد ويارب يكون صح هو انه السستم مضروب ههههههههههههه

وشكله انا قبل كده قدمت عندهم عشان كده واحد من الباسووردات حقتي زبط ( ومتاكدة مليونين في المية انه مو الي سجلت فيه قبل كم يوم) ..

شكله السستم مضروب

لانه لمن كان مفتوح التقديم وملفي كان مكتمل افتكرت ورقة نسيت ارفقها والموقع فجاة ماسار يفتح يقول URL مدري UVL

ووقتها فتحت الصفحة هادي

https://services.kfu.edu.sa/Assistan.../TGuest2/Login

وسار يقول اسم المستخدم او كلمة المرور خطا وانا متاكده انهم صح (لاني حطيت نفس باسووردي حق جدارة)

انتظرت تقريبا نص ساعة والموقع حق التقديم رجع فتح ودخلت على ملفي وحملت كل شي وشيكت على كل المعلومات والحمد لله ...

بس برضه قلبي مو متطمن الله يستر

اوك اليوم اتصلت ع رقم موجود هنا...
قال لي كل بداية ونهاية اسبوع يرسلون عدة نماذج للجنة ويقيلون ويرفضون.

يعني يمكن احد يطلع اسمه هذا الاسبوع... يمكن يطلع اللي بعده يمكن الشهر القادم او العام القادم.. الخ..

الله يعين.

اللي عملو مقابله قبل
ايش افضل اجابه لسوال عرف بنفسك
ايش يقولوا