اللي يعرف عدد المقبولين لدخول الاختبار ياليت يعلمنا

السلام عليكم

يا جماعة الخير الوصف اللي تحت وين بالضبط

الصالات الرياضية الخضراء بحي الهداء (طريق الأمير فيصل بن فهد بن عبدالعزيز).

كتبت بقوقل ماب طلع لي المزاحمية !

مبروك مقدما للي جاتهم الرساله ، والله يوفق اللي ماجاتهم في فرص اخرى
انا مقدم على وظيفه مقدر املاك مساعد ومحاسب مساعد
والاختبار بالشرقيه بالصاله الخضراء بالدمام
اللي عنده خلفيه عن الاسئله وطريقتها او روابط يفيدنا
جزاكم الله خير

مبروك للي تاهل للاختبار مقدما
انا تاهلت مقدر املاك
بس ياربع انا على كثر ما عرف بالدمام اول مره اسمع بالصالة الخظراء وينها فيه

بقوقل ماب اسمها المدينه الرياضيه بالدمام

السلام عليكم ياشباب الله يعطيكم العافيه فين موقع الصالات الرياضيه الخضراء بحي الهداء ( طريق الامير فيصل بن فهد بن عبدالعزيز ) وينها ياشباب في الرياض او فين موقعها بالضبط وشكرا

السلام عليكم جميعاً.
ياشباب انا قبلوني مبدأي وعندي اختبار في مكه ملعب الملك عبدالعزيز في الشرائع يوم الاثنين 9/1 الساعة 4 العصر.
والوظيفة المتقدم لها هي مقدر املاك مساعد ومحاسب مساعد. ياشباب نبي تفاعل هنا وكلن يساعد الثاني لتعم الفائدة للجميع.

خلونا ندور بالمواقع لعلى وعسى نلقى اسئلة من المتقدمين اللي قبل ونرسلها هنا على شكل روابط
وبعدين ابي اعرف وش يعني (مع احضار مسند للكتابة ) ؟؟!!

ياشباب كل احد يكتب الوظيفة المتقدم لها وموعد اختباره متى وفي اي مدينة عشان كل شخص يعرف الشخص الاخر.

والله يوفقنا ويوفقكم ان شاءالله.

قبل الدخول لاختبار كاتب ضبط خذوا فكرة عامة ومختصرة وموجزة عن عدة أمور ومنها ما يلي:
- القضاء في العهد النبوي
- القضاء في عهد الخلفاء الراشدين
- القضاء في السعودية: النشأة، التاريخ، أول وزير
- أنواع المحاكم في السعودية
- مهام كاتب الضبط
- الفرق بين كاتب العدل والضبط
- السجلات
- أنواع التوحيد والتعريفات
- شروط الصلاة وأركانها وواجباتها
- نبذة عن الزكاة
- نبذة عن الصوم
- نبذة عن الحج
- تعريفات فقه المعاملات:
* كتاب البيع
* كتاب الوقف
* كتاب الفرائض
* كتاب النكاح
* كتاب الصداق
* كتاب الطلاق
* كتاب الظهار
* كتاب الأطعمة
* كتاب الجنايات
* كتاب الديات
* كتاب الحدود
* كتاب القضاء
* كتاب الشهادات
مجرد فكرة وتصور عام وتجدون التعريفات في أي كتاب فقه مكتمل مثل عمدة الفقه أو زاد المستقنع أو الملخص الفقهي أو من النت..
- تعريفات عامة عن النحو والإملاء:
الفعل، الفاعل، المفاعيل، الصفة، الحال، التميز، البدل، العطف، المضاف، المضاف إليه، المبتدأ، الخبر، نواصب الفعل المضارع، جوازم الفعل المضارع، كان وأخواتها، إن وأخواتها، ظن وأخواتها، الممنوع من الصرف... وتجدون التعريفات في "الآجرومية" أو شرح ابن عقيل أو أوضح المسالك أو أي كتاب نحو مكتمل أو من النت..
- والإملاء: الهمزات في أول الكلمة وفي وسطها وفي آخرها، وعلامات الترقيم: النقطة، الفاصلة، الاستفهام وغيرها

أنا دخلت التحريري واجتزته السنة الماضية واجتزت المقابلة واستبعدت لأني تربوي والتخصص في الوثيقة غير مطابق لإعلانهم مثل ما يقولون!!!

وبالتوفيق

مبروك للذين تم قبولهم لدخول الاختبار
والذين لم يقبلوا تحلوا بالصبر ماتضيق الا تفرج

استفسار يا شباب
اللي مضيع الهوية وش يسوي ؟؟؟