السلام عليكم ورحمة الله وبركاااته

حاب استفسر عن وضع سوق الخضار بالرياض
ايش هي شروط الشغل فيه في الشراء والبيع
كم اقل مبلغ اقدر ادخل فيه وهل مسموح لي ابيع واشتري بدون ما يكون عندي محل
ياليت الى عنده اسرار السوق يعطيني خبر لاني ناوي اسير عليه بكره باذن الله قبل الفجر

يعني ياليت تعطوني زبدة السوق ماودي اغامر في شي والمبلغ الى معاي قليل ويطير علي

55 مشاهد بدون اي رد على العموم حاليا راح اطلع السوق واشوف الوضع بنفسي

اللهم اكتب لي الخير والرزق

يامرحبا ..

اتمنى ان الله يوفقك ويفتح عليك ابواب الرزق ..

انا مالي خبره في هذا المجال لكن عندي بعض المعلومات اللي ممكن تفيدك ..

أولا سوق الخضرة من الاعمال المربحة اذا عرفت مداخلها ومخارجها وبدلالة انك لو تعرف لك احد يعمل في سوق الخضرة تعال له بعد فترة بتحصل محله تطور وكبر ومو شرط ..

اللي انا اعرفه ان العمالة هم اللي لاعبين في السوق ولعبتهم كالتالي :

اولا : يشترون الخضار من المزارع بارخص الاثمان لأنهم يشترون مزرعه كاملة وشراء مزرعة كاملة فيها مخاطرة الا لشخص يستطيع تصريفها بشكل سريع او بتخرب عندك .

ثانيا : بعد شراءهم للمزارع وبقيمة التراب يتم التوزيع على عمالة " عادة من نفس الجنسية " يكونون متعاونين معهم وبسعر ايضا رخيص بالنسبة للبيع في السوق

لذلك اذا استطعت ان تدخل السوق وتتعرف عليه وعلى اللي يشترون من المزارع مباشرة او من المستورد ممكن تكون فرصة ربحك اكبر .

اسال الله لك التوفيق وعذرا ان كان هناك خطأ في ردي

ماعندي خلفيه كبيرة
لكن اشوف حقين الجملة في سوق عتيقة والعزيزية بكثرة هناك
اعتقد انه ارخص من غيره