السلام عليكم

انا من الرياض

وعندي فرصة كبيرة للتعيين سواء ببيشة او مناطق الجنوب

فمرة محتارة احط بيشة لان سمعتها سيئة من ناحية الطرق ومن ناحية ادارتها
بالاضافة الى ان قطاعاتها بعيدة عن المدينة

فوش اسوي احطها او لا

انا عن نفسي توكلت على الله وحطيت مناطق بعيدة عن منطقتي مافي حل الا كدا اذا نبغى نتعين مثلنا مثل غيرنا الاغلب في البداية لما يتعين
يتعين في منطقة بعيدة وبعد كم سنة ينقل للنفس منطقته يعني مافي الا التوكل على الله والصبر
واما من ناحية ادارتها سيئة والطرق هذا اخر ماأفكر فيه بصراحة وليش اصلا افكر في الادارة في الاصل مالها علاقة بتدريسي ؟؟

اذا تبين التعيين

لازم المرمطة .. فالأفضل من الحين تقدمين على الجنوب وإن شاءالله كلها فترة وتنقلين

والاجازات كثيره تقدرين تزورين اهلك وتشبعين منهم ...


اذا بتنتظرين التعيين بالرياض ماراح يجي... والحمدلله كل المناطق فيها معلمات مغتربات وسكن ومواصلات...

نصيحة قدمي وتوكلي على الله ... لان التعيين اصعب شي// الباقي يهون

توكلي على الله وحطيها وماعليك من الاداره والطرق كلها كم سنه وتنقلين
انا اعرف وحده تعينت بغير مدينتها وبعد سنه بس جاها نقل لمدينتها

الخوف في بيشة من القرى والهجر التابعة لها
أكيد نبغى نتعين بس ربنا يقول: {ولا تلقوا بأيديكم إلى التهلكة}

وأنا شخصيا ما تعينت للآن لكن أختي.. جاها تعيين قبل 3 سنوات في بيشة
وللأسف حطوها في قطاع تثليث في هجرة منقطعة عن الحياة اسمها (يهرة)
وانسحبت منها الحمد لله راح معاها أخوية وهو رجل وما قدر الطريق مو بس وعرة خطرة جدا
والحمد لله انسحبت وتعينت الآن في منطقة ثانية

وأنا أقصد بالانقطاع انعدام الحياة حيث لا يتوفر لا مستوصف ولا صراف ولا محطة وقود أو سوبر ماركت وصيدلية

فهذا فعلا موت وهلاك.. حتى المعلمات كانوا بانين لهم غرفة سقفها حديد وداخلها حشرات وماطور الكهرباء يشتغل ساعات قليلة في اليوم
ويطفي باقي الساعات


أكيد كل ما أضفنا رغبات راح تزيد فرصنا.. بس الفرص اللي وراها فقدان للحياة وانقطاع وسائل الاتصال فهذي الله لا يجيبها
وكم من معلمات سمعنا انهم تعينوا في هجر بعيدة وحصلت لهم ظروف وحوادث ولا أحد درى عنهم


في النهاية استخيري الله واستشيري والديك وعائلتك وربي يقدم لنا ولك ما فيه الخير