سلام عليكم ياجماعة الخير انا عندي استفسار وان شاء الله احصل الجواب عندكم انا مقبل على التخرج من الجامعة بإذن الله وحبيت اسأل عن اختبار القدرة المعرفية ( الخدمة المدنية ) سمعت انه مره واحد فقط هل هذا صحيح ولا اقدر اعيده لو ماجبت درجه فيه ولا له فترة وينتهي صلاحية الاختبار

اللي أعرفه ان الاختبار يقدم من قبل مركز قياس مرة واحدة في السنة ويبدأ التسجيل من 8/1/1438 والاختبار حيكون في شهر 3
أما بالنسبة لإمكانية إعادته السنة اللي بعدها ما عندي أي علم.
بالتوفيق يارب

https://www.mcs.gov.sa/ASCSP/AboutUs.../Policies.aspx

هنا راح تلقى سياسات الاختبار مجاوبين على بعض أسئلتك ..

بالنسبة لردي السابق إنه مرة واحدة في السنة كان من خلال بحثي هذي سنة 1437 كنت أبغى أختبر في شهر 6
ولقيت إن الاختبار أنتهى وكان في شهر 3 ..!

والله الحقيقة مافهمت من الكلام ذا حق الخدمة المدنية شي بس اتمنى احد يختصر الموضوع ويجاوب هل اذا اختبرت السنة ذي وماجبت درجة ممتازة اقدر اعيده السنة القادمة طبعا تخصصي هندسة

كمان الرابط اللي طرحه الاخ قوربتشوف .. فيه اجوبه لاستفساراتك ..

1. يتم تطبيق اختبار القدرة المعرفية العامة (تقييم-1) لجميع الوظائف مرتين في السنة.
2. يتم تطبيق الاختبار التخصصي (تقييم-2) لأي وظيفة مرة واحدة في السنة.
3. حضور اختيار (تقييم-1) يعد شرطاً للتقديم على اختبار (تقييم-2).

4. صلاحية نتائج اختبار الاختيار الوظيفي (تقييم-1 وتقييم-2) هي ثلاث سنوات.

5. يمكن ​للمتقدم إعادة الاختبار خلال صلاحية النتيجة حسب الفقرة (4) على أن تعتمد الدرجة التي حصل عليها المتقدم في آخر اختبار, حيث لا يحق للمتقدم اختيار أفضل درجة.

6. لا يتطلب دخول الاختبارات الوظيفية أي مقابل مادي.
7. يحق للمتقدم الدخول لأكثر من اختبار تخصصي (تقييم-2) في حال كان مؤهله يسمح بذلك.
8. إذا تقدم مرشح لأكثر من اختبار تخصصي (تقييم-2) فإن نتيجة أي من هذه الاختبارات تصلح فقط للوظائف المستهدفة بذلك الاختبار.​



الخلاصة من اللي فهمته ..

نتيجة الاختبار صلاحيتها 3 سنوات ..
وتقدر تعيد الاختبار خلال 3 سنوات من أول اختبار لك
والنتيجة تكون لأخر اختبار لك .. "يعني ماهو مسموح لك تختار أفضل درجة"

يعني انت السنة هذي اختبرت الاختبار .. وتبي تختبر مره ثانية؟
لك 3 مرات تختبر "خلال 3 سنوات"

هذا اللي فهمته ..

ولكن الأفضل استفسر من حسابهم على تويتر .. يفيدونك بالأكيد