السـلام عليكم ورحمة الله وبركاته
كيـف الحال اخواني .

انا طفشت من وظايف القطاع الخاص . لي الان من بعد ماتزوجت الى الان ما اجلس بوظيفه مهما تعبت واجتهد فوق طاقتي (حتى والله اجي قبل الدوام بنص ساعه واطلع بعد الدوام بساعه زياده حرص لاني خدمة عملاء واحب هذي الشغل ) والله ماتطول الوظيفه اكثر من 6 شهور الى سنه بمشكله مع مديري الي فوقي او افلاس للشركة وما ادري العيب فيني او بالاختيار .وزادت ديوني بسبت اني اطلع وما اقدر اسدد بعض الاوقات فقلت ابي اعتمد على نفسي يمكن ربي ماكتب لي الوظيفه الزينه حتى الان.

المهم مالكم في الطويـله ..

اولاً ابي دعواتكم لي . والله اني احبكم في الله ؟

ثانياً
ابي استشارتكم انا جمعت مبلغ اقدر افتح فيه محل جوالات .
فا ابي الايجابيات في المحل والسلبيات هل اقدر اعتمد عليه اعتماد كلي يغنيني عن الوظيفه اذا تعبت فيه وحرصت فيه .
وفي الرياض وشو افضل المجمعات الي افضل افتح فيها .
( مجمع النزهه او المرسلات او التخصصي )

انا متزوج وعندي ولد وابي والله استقر بشي زين وشفت التوطين في محلات الجوالات ودرت بكذا مجمع اشوف شغلهم جميل وسالت راعين المحلات ونفس الفكره لكن ماخاب من استشار

با انتظاركم واسف اسف اسف على ازعاجكم

عليكم السلام
متوسط دخل المحل المتكامل من 1- صيانه 2- برمجه 3-اكسسوارات 4- اجهزه جديد5-اجهزه مستخدم
يتراوح من 10 الى 15 الف صافي ربح بأعتبار ان موقع المحل في مجمع ناجح

ابي انصحك قبل تسوي كل شئ ان تستخير الله فهو مقسم الارزاق

ثانيا ادرس السوق
بمعنى مر المجمعات اللي انت حاط عينك عليها وشوف الاقبال عليها كثير والالا
بعض المجمعات ميته علشان ماتستاجر وتتورط
ادرس السوق ادرس المواقع في العصر والمغرب والعشاء وشوف اكثرها اقبال

برضو وانا اخوك دور لك واحد من احد المحلات قط وجهك عليه وخله يشرح لك كيف التعامل مع الموردين بالجمله وارقامهم واسعارهم وطريقه سدادهم كيف
كذاك انصحك نصيحه ذهبيه فيه دورات تبع التقنيه شهر ونص تدريب على الصيانه خذها وبعدها قدم على رياده يعطونك ظ¢ظ*ظ* قرض حسن وراتب ظ£ظ*ظ*ظ* لمده ظ،ظ¨ شهر غير مسترد ويعطونك مهله سداد للقرض بعد يصبرون عليك
يعني شئ عظيم عموما اذا ودك فيها قدم عليهم والا مرهم وخذ من روسهم
والا اذا ماودك فيه ناس الان تعمل دورات بفلوس في شقق ومؤسسات للتدريب على الصيانه ابحث عنهم في موقع حراج تحصلهم
واحرصك انك تتحرى المصداقيه ودور الاجدر والانفع
واخير انصحك تشوف سناب واحد اسمه منصور الرقيبه شوفه معرفه في تويتر
انصحك تتابعه سناب اليوم تلحق سناباته يتكلم عن هالموضوع بالتفاصيل
واسال الله ان يوفقك وويسر امرك واخير انصحك تدرس خطواتك وتستشير من هم اكبر منك او اقدم منك بالسوق
لتجنب العثرات او النكبات
واوصيك بالتمير والاحترافيه لان المنافسه على اشدها
بالتوفيق واسف على الاطاله