السلام عليكم

مثل ما أنتم عارفين القرارات الأخيرة اللي صدرت من بينها قرار ايقاف التعيين لنهاية السنة


السؤال المهم الآن هو:

هل المقصود ايقاف إحداث وظائف ؟

يعني مثلا أخوي الصغير مقدم على مسابقة وظيفية لوظيفة حكومية في شعبان الماضي .. وفي شوال اختبر .. وفي بداية الحج سوا المقابلة الشخصية .. مثلاً لو كانت هذه الوظيفة من نصيبه .. هل هذا القرار راح يلغيها ؟ يعني وش راح يصير ؟ انتظار الشهور بيروح سدى ولا ايش ؟ أو أن هذه الوظيفة التعيين فيه مباشرة لان الاعلان عنها صدر قبل عدة شهور

ياليت تساعدونا نفهم

خلال الثلاث اشهر القادمة سيتم ايقاف التوظيف ويأجل التعين حتى انقضاء هذه المدة
العام حصل نفس الشي تم ايقاف التعيين بنفس هذه الفترة اللين نهاية السنة المالية

يبدو ان التوظيف توقف نهائيا والله يعوضنا خير يارب

من متى كان التوظيف سهل

الوظائف طول عمرها لاهل الواسطات

واللي يمشي بالنظام يحطون مليون سبب لرفضك

الله يعينكم ويرزقكم الوظائف عاجلا غير اجل

عليكم بالعسكرية بابها مفتوح

انا خريج بكالوريس صار لي 8 شهور متخرج والى الان مالقيت وظيفه
ماخليت شي ماقدمت عليه والحين مع هالقرار الجديد اتوقع خلاص بهاجر واشوف حياتي برا
ماابي اشوف سنين عمري تمشي قدامي وانا ماسويت شي توني في اول شبابي وعندي طاقات

من قبل الازمه كانت الوظايف محصوره على الواسطه وشفت هالشي بعيوني وعانيت منه
والحين مع الي صار خلاص اتوقع مالي نصيب

ما راح تروح عن رزقك . ﻻ تيأس إن الله معنا.
ليه الخوف ورزقك بيد الله مو بيد الخلق . صح الواحد يشيل هم لكن وكل أمرك لله وأحسن الظن . وبإذن الله سنرزق.

بالتوفيق