السلام عليكم

كيف الحال

يا اخوان والله عظيم تعبت نفسيا الحياة صعبة كل شي صعب انا مريت بظروف صعبة وخطيرة جدا

وتحديت الحياة الله ستر علي لي 3 سنين عاطل والترم الي فات اعتذرت بسبب امراض صحية بالراس ماعرف وش سببها والحالة مادية سيئة جدا

سويت حجامة وارتحت شوي كان يجيني صداع ونوم ودوخة بالراس فضيعة

صدمت بسيارة مرتين ماقدرت اركز غصبن علي المهم لم خفت مني للحين موجودة عالموم مو هذا موضوعنا

انا ي اخوان افكر انسحب بالجامعة خلاص ابي انسحب بس ماني عارف وين اروح

لو احد يساعدني هل الحكومة توفر لي برنامج منتهي بالتوظيف ياناس خلاص ضقت ذرعا بنفجر تعبت

احيانا اقسم بالله احتاج فلوس في امس حاجة مابلقى شي خلاص تعبت نفسيا وفوق هذا جامعتي سكرت اترام صيفية حسبي الله ونعم الوكيل

انا قبل 3 سنين كنت بالجامعة الامام واجلت سنة كاملة بسبب قيادتي كانت سيئة جدا وكنت راح اموت ومحد وقف معي قعدت لحالي اتعلم لما جت السنة جديدة وبدأت سواقتي تحسنت لاكن قليل وتحملت وصبرت واخرتها صدموني ان مالي مكافأة وانتظر سنة كاملة واضطريت انسحب لان ماعندي مصدر دخل الوالد مديون من كل صوب

الوالدة مديونة وتزعل كل ما طلبت منها ريال اقسم بالله استحي لانها تعبت وشافت الضيم ولا شافت التعب اثمر في عيالها واشيل هم وغم لاطلبت اذا ماحد معطيني من طيب نفسه نفسي تعوف الريال وتنسد نفسي والله اني عايش مثل ميت مادري وش اسوي واحيانا اتمنى اني ما انولدت في هالدنيا لاني ماشفت غير الضيم احس نفسي فاشل يعني لو بغيت اترك الجامعة وين اروح ولاني مبدع في شئ
اقسم ما امزح اشوف مثلا خطي وتنسد نفسي من دراسة واشوف نفسي فاشل ودايما احس نفسي اني اقل من غيري لاني ما افهم بسرعة او نقول اهوجس كثير وافكر بمشاكلي كيف احلها

قسم بالله سيارة اقساط متعثرة شهور وتهديدات سحب وانا احس الدنيا ظلمت بوجهي

حاولت اشتغل بمطعم عيا الوالد لاننا عيال قبايل وتعرفون قبايل البدو يستنقصون الي يشتغل في هالاماكن

او يمكن بس حنا واصلا لما قدمت على هرفتي ردوني ورفضوني بسبب اكتمال العدد

ورجاءا ما ابي نقاش في هذي الفقرة ابوي ضغطه يرتفع وقد تنوم في مستشفى الحرس بسبب ضغطه العالي

مابي يصير له شي

جربت اشتغلت في محل لاكن كنت اقعد 6 ساعات يعني يومي كله برا الجامعة من 8 الى 5 ومعا طريق السفر لان جامعتي تبعد عني 80كيلو وبالموت اوصل 6 معا زحمة العمال وغالب أتأخر واخرتها اطردت طبعا اشتغلت بدون تأمينات ليه ما ادري راعي المحل كان سعودي وتحملني واجد ولاكن كان محتاج شخص يدير محله

وقتها كرهت كل شي وطايح بحركة اني اللعن نفسي واحس براحة والله اذا لعنت عمري وعلى حظي

هالجامعات ما تخاف الله ما يقصرون الدوامات نبي نشتغل نبي نترزق اقسم بالله حتى صرافات ماجتنا

من وين اجيب فلوس بنزين وفلوس زيت سيارة وفلوس اكلي وشربي برا من وين ؟؟؟؟؟؟

والله مافي علةة بالدنيا الا وجتني اقسم بالله محد يحس بنار الا واطيها

ارهاق وتعب نفسي وفوق هذا حزن وغبنة وايضا مشاكل في البيت

لاتقولون انت رجل من مفروض تصبر محد يعرف ظروفي انا صبر الويل في سنيني كلها وانحرمت في امور ماتتخيلونها ولا ابي اذكرها وتحملت امور كثيرة من بلاوي ومصايب

لاكن هنا الواقع المرير اجبرني اني ما اكافح خلاص مابقدر على شئ ماعندي مصدر دخل اترزق منه

والوالدة حتى تجمع فلوسها عشان راتب الخدامة وراح تتدين مبلغ كبير لان مامعها شئ

مادري وش اسوي والي يغبنك الناس الي ماتخاف الله وانعدمت فيهم رحمة مادري شلون يرقدون وفيه مظلوم مايسمع انينه الا الله ويدعي عليهم ليل ونهار

انلعب علي مرتين لاشخاص أوهموني بالوظايف سعودة طلاب اذكياء مايحطون رواتب عالية يحطون رواتب عادية عشان الناس تصدق مثل راتب 1000ريال او 1500ريال

كان معي 500 ودفعت لهم وارسلو لي اوراق وكان قلبي ناغزني مارتحت اوراق نسخة من العقد

واسم الشركة بحثت عنه مالقيته وكل ما اراسلهم يقولون فيه مشكلة بشركة ويطلعون الف عذر 6شهور وانا صابر عليهم محد سجلني ولما تهاوشت معهم عطوني بلوك في واتس اب وتويتر

حسبي الله عليهم ونعم الوكيل

بغيت اسأل هل وزارة العمل تعطيني تدريب منتهي بالتوظيف واستفاد من دعمي 7شهور لاني قد اشتغلت في شركة الفنار في احد مشاريعها وخلوني اداري رغم حاطيني سواق !!!!!!!!!!!!!!!!!!!!!

لاكن دوام كان قصير وهذا في وقت لما كنت بجامعة الامام وأجلت سنة كاملة لاكن طردوني لانهم بغوني اداوم شفتين ورا بعض
ولما بدت الدراسة في الامام ماقدرت اجمع بينهم وفصلت منهم


اعتذر وسامحوني كلام مخربط واحداث غير متناسقة لاني ما استعديت ارتبها


انا افكر جديا اني انسحب واشوف شي ثاني يصرف لي راتب اقدر اصرف فيه على نفسي

او اشوف اذا فيه سعودة طلاب او وظيفة دوامها قصير


الي مابيده شي يكفيني دعاه لي لحالها تسعدني