السلام عليكم ،
حبيت اخذ رايكم بـ وظيفة التسويق لـ النساء ،
يوم الخميس كان عندي مقابله مع مدير التوظيف بـ مؤسسه وقابلته ومبدئياً وافق علي لكن قال هالوظيفه ماتبي لها وحده ساكته لازم تستفسرين وتاخذين وتعطين ماكنت ادري وش قصده على انه قال مبين انك ماتبين اختلاط لكن راح احطك ب هالوظيفه بحكم انها بيئه نسائيه مستقله !
انا وقتها ماتوقعت اللي بيقابلني رجال على بالي حرمه ومن الصدمه ماسألت عن نشاط المؤسسه ولا ايش منتجاتها ولا كم الراتب ولا اعرف كيف اسوق ولا كيف بيكون تسويقي يعني كلام اصفصفه من عندي ولا من عندهم ، بالعربي ما اعرف من الوظيفه الا اسمها ..
حالياً متردده احسها مهيب شغلتي ومو اللي ابيها لان الوظيفه تعتمد على الاسلوب والاقناع وانا من هالناحيه فاشله جداً ..
عطوني رايكم فيها ومن اللي توظفت بـ هالمجال وكيف كانت شغلتها ؟ وهل فعلاً بعض المؤسسات تمنع الاختلاط ب هـ الوظيفه ولا الأخ قاعد يسلك لي !