يـا مــن لعـيـنٍ فــي محاجيـرهـا شــوك
والقـلـب بــه عــن لــذة الـنــوم دكـــاك

لا دك فــي قلـبـي مــن الـهــم داكـــوك
جـاوبــت طـربــان الـحـمـايـم والأديــــاك

عـــزي لـحـالـك يـــا عـزيــز وأنـــا أبـــوك
كــان الـزمــان الـلــي وطـانــي تـوطــاك

أمـشــي وكـنــي يــــا عــزيــز بـتـابــوك
فـي حبـس جبـارٍ تـحـت حـكـم الأتــراك

عـلـى عشـيـرٍ دونـــه الـبــاب مـصـكـوك
مــــا غــيـــر أمـــــرّه وأتــعـــداه مــنـــاك

بــابٍ وراه حـــروس مـــا هـــو بمـفـكـوك
ومــبـــرزٍ دونــــــه مــكــايــن وشـــبـــاك

وبقيـت أنـا فـي حضـرة الـوقـت ممـلـوك
دولــــة زمــــانٍ بــيــن جــــاك وتــعــداك

إفـهــم وصـاتــي. يـاعـزيـز!! وأنـــا بـــوك
دامـــك صـغـيـر وغـايــة الـعـلـم يــقــراك

تـــراه مـــا ينـفـعـك خــالــك ولا أخــــوك
لا صــار مـــا تـقـضـي لـزومــك بيـمـنـاك

وربعـك إلـى بــان الخـلـل فـيـك عـافـوك
أقـرب قريـبٍ لـك مـن الـنـاس!! يشـنـاك

إن كـثـر مـالـك صـدقــوا لـــك وطـاعــوك
وإن قـل مـا بيـديـك شـانـت سجـايـاك!!

لو تطلب الماء عندهـم كـان مـا أسقـوك
أبـعــد مـــزارك عـــن وطـنـهـم ومـربــاك

إن جـــاد حـظــك صــدقــوا لــــك وزاروك
وإن بــار كــلٍ مــا يـبـي غـيــر فـرقــاك!!

وإلى اعترض لك من صـروف النيـا صـوك
كـــلٍ تــبــرا مــنــك مــاهــوب وإيــــاك!!

وهـراجـة المجـلـس إلـــى جـيــت وروك
مــنـــازل تــطـــرب نـظــيــرك بــدنــيــاك

وإلـــى قـضــوا مـنــك الـلــوازم وخـلــوك
تفـرقـوا وأنــت احتـمـل كــل مـــا جـــاك

كـنــك ســـراج الـبـيـت لـلـنـور شــبــوك
وإلـى قضـى الــوارد حــدا الـربـع طـفـاك

وإلا كـمــا لـيـمـونـة الـحـمــض مــصــوك
وإلـى قضـى منـه الطـعـم فـرغـوا لــذاك

واللـي يجـي مـن رفقتـه ريـب وشكـوك
إحــذر عـنـه لـيـاك تـصــدق بـمـسـراك!!

وإلـى جفـوك أهـل الـوطـن واستخـفـوك
قـلّـع غريـسـك مـنـه وإهــدم ركـايــاك!؟

تـراك لــو تنـجـع عـلـى الـرجـل صعـلـوك
أحسـن مـن اللـي تلتجـي لـه ويـاطـاك

عطـهـم وضيايفـهـم إلــى منـهـم جــو
وغـلّــق ضـمـيـرك لا تـعـلـم بـقـصـيـاك

وخدمـتـك شـيـخٍ كـنـك العـبـد مـمـلـوك
يـامـرك فيـمـا يشتـهـي وأنــت ينـهـاك

إعـــرف تـــراك مـبـرقـعٍ مـنــه مـشـبـوك
حــدّرك فــي حـبـل المهـالـك ولا أرقــاك

وإصـحــا لـخــلان الـرخــا لـــو تـغـالـوك
اعرف ترى أطيبهم إلى احتجت يجفاك

كـنـك خــوي مقـيـط دهـــووك وأغـــووك
وحقـك عـطـاك رشــاك وأقـفـى وخــلاك

وإحـذر عـن العيلـه تـرى الحـق مــدروك
مـثـل العـمـل يـــدرك مـــا مـنــه فـكــاك

وإن كـان عدوانـك علـى الضيـق حـدوك
إخـصــم طلابـتـهـم بـعـجـفـاك. وقــــداك

وإن كانـهـم لمـشـرّف الـحــق مـاشــوك
نـاظــر مطـالـيـع الـفــرج قـبــل مـبــداك

وإن طوعـوا شيـطـان الأنـفـس وهـانـوك
فاصـبـر عـلـى البـلـوى ودفـنـت رزايـــاك

زرهــــم تــــراك إلـــــى تـوانــيــت زاروك
إمــا بـديـت بـصـاحـب الـســو يـبــداك!!

مــا دامـهـم مــا طـاوعـوا لــك وعـرفــوك
إضرب على الكايد إلـى عمسـت أريـاك

لــو هـذبــوك مـــن المـصـايـب وضـــدوك
مـــا يذبـحـونـك قـبــل تـدنــي مـنـايـاك

واحلم عـن الجاهـل تـرى الحلـم مبـروك
وقـم للضعيـف اللـي مـن الضيـم ينخـاك

وادمـح خطـا جـيـران بيـتـك إلــى أوذوك
تــرى القصـيـر وحـرمــة الـجــار بـحـمـاك

عطـهـم رواتــب حـقـهـم لـــو تـنـاسـوك
فــي كــل مــا يـصـلـح لـديـنـك ودنـيــاك

وقـم للضيـوف إلـى عـنـوا لــك وضـافـوك
أغـلــى كرامـتـهـم حـجـاجـك وبـشــراك

وإعرف ترى ما لك مـن الضيـف مشـروك
لــولاه يطـلـب حاجـتـه فـيـك مــا جـــاك

وقــم لـلـرجـال إن ريـعــوا لـــك وحـبــوك
واحشـم خويـك وأكـرمـه عـنـد ملـفـاك

وإلــى اعتـبـرت بسـيـرة الـنـاس كـفـوك
مــا كـثــر مـــن شـــي تعـبـتـه وعـنــاك

ولا تــبـــات بــهـــم دنــيـــاك مـضــنــوك
مـا طـاب لــك مــا دام لــك وإفتـهـم ذاك

لـو يطلبـون إخفايـك النـاس مــا أخـفـوك
والرجـل مثـل النجـم فـي كـل الأفــلاك

وصـــلاة ربـــي عـــد الأوراق والــشــوك
مـــا نـــاض بـــراقٍ ومـــا هـــل سـفــاك

علـى الـذي مــا فـيـه ريــبٍ ولا شـكـوك
مـحــمــدٍ مـــــا دك بـالـقـلــب دكـــــاك

لا اله الا الله

صح لسانك