السلام عليكم
هم بالتقديم ماحددو شهادات معينه مدري الي سجل بشهادة المعهد المهني ووصلته رسالة قبول راح يتعين والا يرفضوونه

والروواتب كم تقريبااا اذ عندكم خبره

ياشباب سؤالين ممكن إجابة : -


س 1 : اللي مقدم على وظيفة / إخصائي موارد بشرية - الجبيل , أحد جته رسالة باالأختبار.


س 2 : وشى معنى : الطلب تحت الإجراء .

اللي مقدم على وظيفة / إخصائي موارد بشرية - الجبيل , مين جته رسالة باالأختبار.

السلام عليكم ورحمة الله وبركاته
:
اليوم اختبرت عندهم
:
وحاب انقل تجربتي من البداية حتى النهاية
:
أول شيء ولله الحمد جتني رسالة اشعار تفيد بالقبول المبدئي ومضمون الرسالة اني احضر هذا اليوم 2/8 الأثنين
:
فقبل 3 أيام حجزت بوكنق شقة 150 ريال قريبة من القوات البحرية اللي في الجبيل وخاصة
:
أنهم مرسلين لي من ضمن الرسالة خريطة الموقع
:
فيوم جاء صباح الأحد حركت من الرياض إلى الجبيل على موتري طبعا
:
لأن دخول الشقة يكون الساعة 3 العصر وخفت يطير الحجز فالحمد لله وصلت قبل الموعد
:
ريحت وعينت من الله خير وبعد كذا أخذت بروفه عشان ما اضيع الصبح ماشاء الله ما اخذ 3 دقائق
:
بحكم ان السكن جدا قريب
:
المهم هنا مربط الفرس واعتقد اللي يهم الجميع الحضور الساعة 7 صباح في الموقع اللي مرسلينه لنا
:
مع احضار المتطلبات اللي طلبوها في رسالتهم
:
بعد كذا يجي الباص ويأخذنا من مكان التجمع
:
ويحضرونا المهم راح يكون هناك اختبارين
:
الاختبار الأول وهو اختبار اللغة الانجليزية 100 سؤال عبارة عن خيارات ومع ذلك يعتبر وجع راس
:
الاختبار الثاني وهو تخصصك برضه قرابة 100 سؤال وبالانجليزي وبصراحة فيه صعوبة جدا جدا وأيقنت انه
:
تعجيزي لأن الشخص اللي واقف علينا منصدم قال اتحداهم هم يجاوبون الأسألة هذي
:
طبعا ياجماعة أتكلم أنا عن تخصصي فما أدري عن بقية التخصصات لكن سيماهم في وجوههم واضح انهم مثلنا
:
بعدها تجي المقابلة الشخصية ماتاخذ دقيقتين وخلاص ويجي الباص وياخذنا لسياراتنا
:
وأنا بعدها حركت من الجبيل إلى الرياض
:
وصلت المغرب وراسي صاكني صداع من الاختبار
:
والله يسهل ان شاء الله وأتمنى إني أفدتكم

الله يوقفك اخوي ماوكلي
بغيت اسالك
وش تخصصك؟