السلام عليكم
اسعد الله ايامكم بكل خير. انا مطلقه وعندي بنت رضيع 9 اشهر هل اقدر اسجلها بالضمان والا الافضل اني ارفع قضية نفقه بالمحكمه ع ابوها حتى يصرف عليها. وش الافضل ووش تنصحوني فيه وهل اقدر اطالب بمسكن لي انا وبنتي من ابوها لان انا حاليا ساكنه ببيت اهلي وبالاخير هذا البيت راح يتوزع للورثه بعدين انا وين اروح انا وبنتي وين راح نسكن.
وعلى فكره طليقي مريض نفسي وعندي ورقه من الصحه النفسيه تثبت هالشي هل اقدر بالورقه اطالب بالحضانه واالولايه ع بنتي انصحوني بارك الله فيكم وكم تاخذ المطلقه من الضمان.
وربي يجزاه كل خير كل من يساعدني .

وعليكم السلام
بالنسبه لك قدمي على الضمان وسيتم قبولك
المطلوب
صك الطلاق
رقم الايبان بفتح حساب بأي بنك
الهويه
فاتوره الكهرباء
وتاخذي خطاب من الضمان للأحوال لاحضار برنت
شهرين ويجي المعاش
1000 + 84 غذاء + اعانه كهرباء تنزل بالفاتوره وتحسم من المبلغ الاجمالي 79 ريال + مساعده مقطوعه 10400 ريال واحتمال تجيك لأنك مقدمه عليها اول مره
بالنسبه لابنتك
طالما هو مريض نفسي فماذا يمكنك ان تأخذي منه وكيف يصرف على ابنته واذا الزمه القاضي بالدفع فسوف تجدين منه الامرين شهر يدفع و4 اشهر يتهرب ارى انك بموجب التقرير الطبي بحالته ان تتقدمي على المحكمه وفي نص ساعه تحصلين على صك ولايه وبموجبه تلحقي ابنتك معك بالضمان وتحصل ابنتك شهريا على 284 ريال وشوفي جدول المخصصات لعدد 2 انتي وبنتك
http://sd.mlsd.gov.sa/ar/content/%D9...85%D8%A7%D9%86
اما المطالبه بسكن من الزوج لك ولابنتك بالتأكيد لا الا اذا رغبتي بتسليم ابنته له واعلم انك لاتوافقين على تسليمها له اما انتي فمكانك بيت اهلك وامامك طرق اخرى للسكن قدمي على مؤسسه الوليد الخيريه والجمعيات المتواجده بمنطقتكم وربك يحلها من عنده

__________________
لااله الا انت سبحانك اني كنت من الظالمين .. استغفر الله العظيم
اللهم احفظ بلادنا وولاة امرنا وأمدهم بالصحه والعافيه
ان غبت يوما فتذكروني بدعوة صادقه وان اسأت او اخطأت بحقكم فكونوا كرماء
دخول للمنتدى قليل والمعذره

اخي المنتصر بالله
طيب ماهي شروط صك الولايه هل يحتاج إلى شهود وانا بصعوبة ألقى أحد فاضي يشهد بالمحكمة
ثانيا انا قدمت موعد على بطاقه الشخصيه وموعدي بعد شهر
يعني راح يتأخر علي استخراج البطاقه
يعني ينفع اقدم على الضمان برقم هويتي بدون البطاقه والا مايقبولني إلا بها
ارجو الرد بارك الله فيك.

صك الولاية مايطلع الا للارملة
ولكن انصحك بصك الاعاله
اثنين شهود واثنين مزكين وتاخذينه في نفس اليوم اذا كنتي من اهل الرياض
المحكمة مخرج 13

صك ولايه او اعاله اذا يخرجوا الولايه شئ طيب والاعاله يفي بالغرض المهم ان البنت تضاف وخلاص

كما تفضل استاذنا المنتصر بالله طلعي صك اعاله وسجلي ابنتك في الضمان ،،، وطالما طليقك مريض نفس نسأل الله ان يشفيه ويشفي مرضى المسلمين ماراح تاخذين غير المرمطه في المحاكم والتعب حتى لوصدر حكم بالنفقه اسمحيلي في هذا التعبير ( وش تاخذ الريح من البلاط ) اجتهدي في صك الأعاله وتسجيل بالضمان .. والله يرزكم من واسع فضله

شاكره لكم جميعا