السلام عليكم

بعد معاناة مع الفوتوشوب لقيت اكثر شي ابدع فيه اللي هو CV

وربحه ممتاز جدا .. كون بحط اسعاري 100 للانجليزي والعربي 50 للغة الواحدة

فابي رايكم في هذا التصميم طبعا المعلومات مو كاملة فبحاول اضبط المعلومات من وضع خلفية لون خلف المعلومات والكلام

http://www2.0zz0.com/2016/10/12/04/500458681.png

حطتها رابط عشان التصميم كبير

بالنسبة للاعلان لقيت وحدة سعرها 200 فقط مقابل 500 لايك على الاقل اما اللي يشوفون التصميم يوصلون الف بالراحة

طبعا بالانستقرام ويشوفون التصميم الالاف من الناس ممكن توصل للمئات

هل ينفع لو اسوي كذا ورايكم بالتصميم ؟

واحط خصم 50% لاول ثلاث طلبات

شكرا ع التطنيش

مالي وجه ارد لاني حطمتك ب فكرتك الاولى 😂، المهم فكرتك حلوه بس اول شي و اصعب شي الي هو لازم تخلين متابعينك كثير و تكونين معروفه ، ولازم تتعبين على هالشي ولا ما راح تحصلين طلب كثير ، وحاولي يعني تسوين عرض للي يبي انقليزي وعربي بسعر خاص وكذا ، وخذي نصيحه اذا تبين تسوين شي توكلي على الله و سويه ، وانتي بالنهايه ما راح تخسرين في هالشي ولا ريال و توكلي على الله وابدي فيه يمكن يفتح ربي عليك وتتوفقين ، والحياه تجارب جربي و ان شاء الله تتوفقين ، واذا ما تسهلت عادي منتي خسرانه شي ، والحياه فيها فرص و الايام تجيب هالفرص و استغليها و ان شاء الله تتوفقين .

ملاحظه ، ال Cv لازم يكون واضح و سهل و بسيط وكل المعلومات تكون فيه بشكل واضح لاي واحد يقراه ولا يكون تصميمه يعني زياده عن اللزوم ، وشكرا 😀.

شكرا لك

http://www.m5zn.com/newuploads/2016/...53e350b915.png

ايش رايكم فيه

كلميني خاص عندي أستفسار بخصوص التصاميم

فكره حلوه
واخر تصميم ممتاز بس غيري الصورة وحطي صوره واحد ماسك معدات عمل بدل صوره الجبال
اضيفي الدوارات
و المهارات

بتوفيق

مافي فكرة حلوه وفكره شينه، المهم التسويق وايجاد شريحة العملاء اللي مستعيد يدفعون لخدمتك ..
والأهم اخذ عملك على محمل الجد والتفكير بمصلحة العميل ولا تكون مادي في بداياتك!

1- اعرضي خدماتك مجانا لشخصين بشرط اخذ منهم تقييم عالخدمة + توصية منهم لشخصين آخرين. بمعنى لك ببلاش ولصاحبك بخصم.
2- معرفة شريحة عملائك. (شباب، بنات، معرفة رغباتهم وحاجاتهم للعمل، يتواجدون في اي برنامج تواصل اجتماعي؟، موظفين قطاع عام او خاص؟، يهتمون بالتقنية ولا لا (سيفي صورة او سيفي ورقة مطبوعة)، كيف اتواصل معهم؟، كم احتاج من ساعة لإنجاز السيفي وهل الوقت يناسبهم او لا؟، كيف ارضي ذوق العميل وفي نفس الوقت اكون راضي عن شغلي؟
3- المحتوى مهم جدا، قدم معلومات لعميلك المستقبلي واي خدمات مجانية ماتكلف عليك، اعطيه سبب يخليه ينشرلك الكلمة الطيبة ويجيبلك معارفة.
4- وهي آخر واهم نصيحة بينهم. في عمل ارضاء الاذواق لا تنتظر الالهام يجيك لفكرة تصميم جميل.. يقول الشيخ بيكاسو "الفنانين الجيدين يقلدون، لكن الفنانين العظماء يسرقون." اسرق الهام غيرك وشغلة وضيف له لمساتك الخاصة. (السرقة اعني فيها برضا المصدر وليس بالنصب والاحتيال!)
5- لا بد من الاطلاع ومتابعة السوق واعمال غيرك من المنافسين هذا شيء مهم جدا.

لان الكلام جديد عليك بتحس بإحباط لكن لاتخليه يمنعك من الاستمرار، امسك ورقة وقلم وسوي بحث عن عملائك وحاول تفهم كل شي عنهم وكيف يفكرون وايش يحتاجون!

تعلم ثم خطط ثم نفذ. بهالبساطة.
الكل يتمنالك التوفيق من الله، هذي مغامرة مافيها خسارة وبتعلمك الكثير (مغامر سابق).