السلام عليكم ورحمه الله وبركاته

ممكن احد يفيدني انا دخلت على موقع ااختبار تقييم 1

ووافقت على الشروط وضغطت موافق وبعدها طلع لي


لقد اخترت التسجيل في الاختيار الوظيفي - اختبار القدرة المعرفية العامة (تقييم-1) - ربيع الأول 1438هـ
الرجاء إدخال رمز موعد الإختبار، إذا كان رمز الموعد غير معروف اضغط على
استعراض المواعيد

وضغطت عليه استعراض المواعيد بعدين اخترت المدينه والجامعه وطلع لي

عفووا لا يوجد مواعيد متاحه للتسجيل تناسب خيارات البحث

اتمني احد يفيدني مع العلم اني غيرت المتصفح بس ماضبطت معي والله يوفقكم ويجزاكم كل خير

السلام عليكم
حتى انا مثلك ابغى اسجل لاخوي ويطلعلي نفس الشيء
والسبب الله يسلمك انه المقاعد فل ما فيه مكان ولكن فيه فرصه بالدخول بشكل متكرر لعل وعسى واحد يلغي حجزه او حجز وما دفع ويروح عليه الحجز ويصير من نصيبنا

صحيح صدقت

توهقنا الله يعين

حسبي الله ونعم الوكيل والله اني مصدوم ابي موعد ماحصلت لي 4 ايام على هالمؤؤال

الحال من بعضه
احاول اسجل لاخوي ما بقيت ديره والا واخترتها حتى عرعر وما فيه امل
ليل نهار فجر هو يحاول وانا بعد هذي مو حاله والله
لو يفوته هذا الاختبار يجلس سنه كامله ينتظر طيب لو انتظر راح يضمن يحصل له مقعد السنه الجايه طبعاً لا وكل سنه على هذا المنوال نصير يعني

الله يعين

حاول اسجل لكن من الأساس اختبار القدرة المعرفية ( تقييم 1 ) ما يطلع لي في موقع قياس

ليش الله اعلم ...

اتصلت بمركز قياس ورقهمه الموحد ( 920033555 ) واستفسرت عن الاختبار يقولون لازم يجيك ترشيح من طرف الخدمة المدنيه .. !

المهم واتصل مره ثانيه بـ نظام الخدمه المدنيه عبر الرقم ( 199099 ) تحويله رقم 102 وسألتهم عن الترشيح للأختبار الا يقولون الاختبار عن طريق مركز قياس فقط وسألتهم يقولون لازم ترشيح من طرفكم الا وهو الخدمه المدنيه ولكن رجعت تقول انه الاختبار في قياس ولا يحتاج ترشيح ورجعت اتصلت بمركز قياس من جديد وبلغوني بنفس الكلام لازم ترشيح من الخدمه المدنيه
الكلام كله هذا صار في 1438/01/23هـ الساعة 12ظهراً

لا حول ولا قوة الا بالله

يعني نفقد الامل في تسجيل الاختبار !!

سبحان الله

انا يوم جيت بسجل بعد ثلاث ايام من افتتاح التسجيل لقيت العبارة(عفووا لا يوجد مواعيد متاحه للتسجيل تناسب خيارات البحث )
اتصلت على قياس وقلت لهم كل المقاعد سكرت ماقدرت اسجل. قالت الايام الجاية راح نفتح مقاعد زيادة وكل اللي ماسجل يقدر يسجل.
قلت اكيد قالت اكيد وماذكرت لي انه لازم ترشيح من الخدمة المدنية! المهم بعد المكالمة جلست كل شوي اشيك ع قياس لما حصلت من بكره مقعد انتظار وسجلت فيه الحمدلله..

شباب اسم الاختبار ما يطلع والحل ؟
المره اللي طافت راحت عليي الوظيفه والسبب اني ما اختبرت اختبار تقييم 1

احد عنده عليم يفيدنى