السلام عليكم ورحمة الله وبركاته

مساكم الله بالخير و السرور
وصبحكم الله بالورد المكنون

ارغب بفتح مطعم برجر ابي من اي شخص يدخل الموضوع
ويعرف اي شي او عنده اقتراح او فكرة او اي شي يخص المطعم يتفضل مشكورا

مهمه بالنسبة لي
شروط و الرسوم و الاجرائات اللازمة لفتح مطعم برجر
ووش تنصحوني فيه من عندكم يفيدني ويفيد الاخوان الراغبين بنفس المجال

لا تنسون العماله وش تنصحون
الاسم للمطعم
اوفر شاورما او لا
شركات تنصحوني بما اني في الرياض اخذ منهم الخبز او اللهم المفروم او اي شي قد يجهلني

ولو احد يعرف التكلفة التقريبيه لمحل مطعم برجر مثل برقرايزر همبرقيني همبورش الخ

السلام عليكم

ناوي مثلك بس للأسف ما لقيت من يدعمني ماديا من اهلي
اهم شيء اللحم طازج راح يكون طعمه جيد مو مهم أي قطعة مثل ما ينشرون انا جربت احاكي شيك شاك خلطة شيك شاك وطريقة سماش برجر القرمشة من برى لها سر بتتعلم عليه مع التجارب.

نصحني بنقالي بلحم عجل وتطعيمه بشحم غنم بس ما جربته لأن ما هنا حافز بعد ما شريت مكينة الشوي ب1200 وتجارب ل3شهور هههههه.

اهم شيء اللحم طازج وعندك خبز برجر لوزين ممتاز.

مشكور على النصيحة

بس خويك غلطان يفتح اكثر من 4فروع في مدينة حتى لو كانت بحجم الرياض.

انا معك السوق يخوف لكم يوم بعدها يتعود او يحلها ربك بوزراء جدد.

نصيحة لك اتجه مع الفرص والفرصة لان في قطاع الاتصالات والتكلفة قليلة جدا ولا تحتاج لعمالة انت سوف تدير المشروع بنفسك .

بالتوفيق لك

تبي النصحيه اخوي صمملك عربه متنقله وفيها برجر بجميع الانواع وتكون متميز عن الباقي