السلام عليكم

الله يسعدكم احتاج منكم مواقع ومصادر تساعدني في تجاوز اختبار قبول كلية اعداد المدربين ، لأني سمعت الاختبار عن الانجليزي ومعادلات حسابيه ، قولوا لي وشلون طريقة اختبار القبول وابغى مواقع اراجع منه واذاكر واستعد ل تجاوز اختبار القبول ،، وشكراً لكم 💔

لي تقريباً 4 شهور ادخل على الموضوع واقول ان شاء الله فيه امل احصل احد يجاوب على استفساري لكن للأسف 😓 يا اخوان تكفون اللي يعرف يفيدني باللي يقدر عليه ، والله محتاج مساعدتكم

يعني ما فيه لو واحد منكم دخل اختبار قبول كلية اعداد المدربين ؟؟؟؟؟
ربعن تعاونوا ما ذلوا .. يا اخوان تعاونوا معي وشوفوا حل ل استفساري ..اخوكم ف الله متوهق للآخر 💔

قليلين الصراحة اللي دخلوا اعداد المدربين و موجودين هنا انا الصرااحة كنت اتمنى اقدم فيها لكن شرط العمر مو مطابق فيني لكن الحمد لله اني انقبلت في بكلوريوس الكليات التقنية و اتوقع طريقة الاسئلة شبيهة في الكليتين كلها اختيارية وشاملة في الرياضيات و الفيزياء و في التخصص والمقابلة اللي قبل الاختبار يسألونك شفويا بعض الاسئلة يشوفونك فاهم في التخصص او لا في السايق كان المعيار فقط درجة اللغة اما الان صار في عدد كبير للمتقدمين فصاروا يركزوا على درجة اختبار القبول فشد حيلك فيها قد ما تقدر و راجع بعض المواد الاساسية في التخصص بالاضافة للرياضيات العامة الله يوفقك

يا اخوان متى يفتح القبول للفصل القادم بكلية إعداد المدربين التقنيين؟

مراسي الحياه الله يسعدك دنيا واخره وشاكر لك على هالرد الجميل .. حبيت اقولك العمر المسموح في كلية إعداد المدربين إلى 35 ، انا تواصلت معهم ع الإيميل وردوا علي كذا .. وارجع اقول اشكرك كل الشكر يا غالي

تقني متفائل جداً .. كفيت ووفيت يا غالي وانت اللي اعذرني إني تعبتك معي
والله انك انقذتني بهالمواد اللي تحتاج إلى مراجعه وخصوصاً رابط الحقائب كنت ابحث عن طريقة توصلني ل كتب تخصصي اللي درسته .. الله يبيض وجيهكم انت ومراسي الحياه