السلام عليكم ورحمة الله وبركاته
مساكم الله بالخير
كيف حالكم يا شباب عساكم بأحسن حال
اقولكم يا حبايب
بحكم خبرتكم ومعرفتكم
ايش رايكم بألافضل هل تكون موظف معيد بالجامعة او تكون ضابط برتبة ملازم بكلية الملك فهد الامنية ؟
ادري ان كل واحد له ميول لكن ابي مشورتكم ورأيكم بالأفضل
وش سلبيات وايجابيات الضابط
لاني كل ما سألت عن ضابط اشوف الناس يطيرونك فوق وكأنها الوظيفه الحلم
وش ميزاتها راحه ولا فلوس ولا منصب ولا ايش ؟!!!!
وكمان وظيفة المعيد وش رأيكم فيها وايش سلبياتها وايجابياتها؟

ابغى مميزات الوظفتين من البداية الى التقاعد

بستخير , وبرضه على قولتهم ما خاب من استشار

وعليكم السلام ورحمة الله وبركاته.
راح أقارن لك :
وظيفة معيد:
1- وظيفة أكاديمية ولها مكانة اجتماعية وتسمح لك بإكمال الماستر والدكتوراه . اذا كان ميولك اكاديمي.
2- من ناخيةغ الرواتب نوعا ما كويسة لكن بعض البدلات الغيت وبعضها متوقف. المعيد يستلم حالياً اتوقع 8000 وشوي توقع فقط.
3- من ناحية الاستقرار كويسة لكن النقل فيها صعب شوي ﻻن بعض الجامعات تتمسك يالاكاديمين ولكن كل ك ارتفعت درجة الابتعاث كويسة بمعنى لو اخذت الدكتوراه يمكن النقل فيها سهل بحكم قلة الدكتوراه. بالنسبة للنقل ﻻبد موافقة الجامعتين والقسم .
4-عدد ساعات الدراسة اقل . باختلاف التخصص .

وظيفة ضابط :
1- كويسة وبما أنها في الامنية .
2- رواتبها اعلى ﻻن فيها بدلات ولكن اتوقع الآن الغيت.
3- امكان النقل جنب اهلك.
4- الترقية فيها نوعا ما ميسرة.
5- احتمال اكمال الدراسات العليا باختلاف الإدارة واحتياجها.
6- العمل قد يكون إداري او ميداني بحسب التخصص.


هذا ما لدي وبالتوفيق

عزيزي مربط الفرس بين اختيار الوظفتين هو قدراتك هل تقدر تكمل دراستك ماجستير ودكتوارة، لانها هي جوهر الوظيفة الاكاديمية اذا كنت كذلك فهذا امر ممتاز ووظيفة معيد من اكثر الوظائف عليها طلب واجراءتها من سنوات وهي صعبة، اما وظيفة الضابط فهي تعتمد عليك هل لك ميول عسكرية هل تضمن مكان معين، بالاضافة الى ان سن التقاعد بالنسبة للضباط اقل من المدنيين بكثير والله يوفقك .

اي شي يجيك خير وبركة
الوضع الحالي لا يسمح لك بالتشرط قدم على كل مكان

المعيد أفضل
والضابط افضل

انت من تحدد

كل وظيفه لها سلبيات وايجابيات

اذا بتضمن انك بتنقبل ضابط بوزارة الداخلية اي قطاع

روح ولاتفكر

بتضمن مستقبلك راتب عالي بدلات تطلع لك ماتدري من وين المهم انك بتاخذ كل البدلات اللي تستحقها او ماتستحقها

دورات داخلية ودورات خارجية بسهوووولة

يعني تاخذ لك دورة انجليزي سنة بامريكا هذي بجيبك

تكمل الماستر اذا تخصصك مطلوب وتكمله على حسابهم برا

دوام اي كلام

اجازتك شهرين بالسنة

اللي يقولك العسكرية ماتصلح ايه ماتصلح للافراد بس الضباط وضعهم افضل من المدنيين بكثييير

انا اشوف اذا لك فرصه فيها لاتفوتها

بالتوفيق