السلام عليكم ورحمة الله وبركاته
مساكم الله بالخير
كيف حالكم يا شباب عساكم بأحسن حال
اقولكم يا حبايب
بحكم خبرتكم ومعرفتكم
ايش رايكم بألافضل هل تكون موظف معيد بالجامعة او تكون ضابط برتبة ملازم بكلية الملك فهد الامنية ؟
ادري ان كل واحد له ميول لكن ابي مشورتكم ورأيكم بالأفضل
وش سلبيات وايجابيات الضابط
لاني كل ما سألت عن ضابط اشوف الناس يطيرونك فوق وكأنها الوظيفه الحلم
وش ميزاتها راحه ولا فلوس ولا منصب ولا ايش ؟!!!!
وكمان وظيفة المعيد وش رأيكم فيها وايش سلبياتها وايجابياتها؟

ابغى مميزات الوظفتين من البداية الى التقاعد

بستخير , وبرضه على قولتهم ما خاب من استشار

الضابط :
- الراتب تقريباً افضل بحاجه بسيطه ، وشالو بدلات كثير وصار قريب من المدنيه
- بعض الاشخاص داخل العسكريه فقط عشان وجاهه فقط .
- وبصراحه مافيه مميزات كثير بالنسبه للضابط
السلبيات :
- الاوامر العسكريه
- التنقلات من منطقه الى منطقه ،
- قد تعمل في قطاع لايتناسب مع مؤهلك الجامعي
- الراتب بعد التقاعد ، للاسف سيء
- البنوك تاخذ نسبه على قروض العسكر اكثر من المدنيين
- راحه مافيه راحه


المعيد:
- تعيينك خلاص في نفس الجامعه ومحد يجبرك تنتقل
- فيه تطوير في وظيفتك وتحقيق لشهادات اعلى ويبتعثونك ، بعكس العسكريه ماتقدر تكمل دراستك
- ساعات العمل بسيطه وراحه
- الحضور والانصراف فيه سهالات ( قد يكون جدولك محاضرتين او محاضره وممكن تجمعها كلها بيوم واحد وباقي الايام off )
- مرونه في العمل .
- الراتب بعد التقاعد متماسك
السلبيات :
- الراتب فقط .


وانا ماكتب لي ربي نصيب في العسكريه وان شاء الله انها خيره
وهي ترجع للشخص ،، ومدى صبره وتحمله ،
ورغم سلبيات العسكريه الا اني ممكن اتحمل كل سلبيات العسكريه ، تحقيق لطموح ارغبه من الصغر وارضا لامي ان شاء الله .

معيد وانت مغمض نصيحه

سلامات اللي يقول معيد عيبه الراتب راتب المعيد افضل من الضابط بالف مره ثاني شئ معيد انت تتعامل مع كبار وفاهمين مو زي المدرسين تتعامل مع مبزره ناهيك عن الدوره العسكريه وتعب العسكريه في المرابطات والمساندات وهذا غير الاجازات اللي تاخذها
صراحه انا مستغرب جدا من سؤالك ناس كانو في كلية الضباط وجاهم تعيين مدرسين وسحبو اجل لو معيد وش بيسووا لاكن انت استخير وماتدري وين الخيره لكك
دعواتك لي ي غالي

ما ادري يا صاحب الموضوع هل انت بكامل قواك العقلية وانت تقارن بين الثنتين وتسآل ؟!

طبعا المعيد افضل وحتى ف الوجاهه لو بتكمل دراستك

اذا تبي نصيحتي رح الأمنية وماراح تندم بحول الله

وانت أستشير ناس متخرجه من الامنيه واستخير ربك


لكن وش تخصصك انت ؟

ونسيت اقولك

للي يمدح وظيفة المعيد

اذا تعينت معيد توقع ع عقد اذا مانجحت في إكمال الماستر والدكتوراه ينزلوكً في مستوى وظيفه اقل

والدراسة طبعا اغلبها راح يكون خارج المملكه واحتمال تكون صعبه ويمكن ماتمشي


فالأضمن لك رح الامنيه وظيفه مضمونه

وبعدين عندك جامعة نايف للعلوم الامنيه تقدر تكمل دارسات عليا

وتجمع الثنتين ضابط + دكتور ✔️

اتمنى لكً التوفيق وارسلت لك رساله ع الخاص