السلام عليكم ورحمة الله وبركاته

انا عسكري فالامن العام وانفصلت بسبب غياب ويعلم الله انها بضروف صعبة مدة الغياب 30 يوم كلمني مرجعي مرتين بس يبلغني انهم يسجلون علي محاضر غياب وكملت مدة الفصل ويشهد علي ربي اني وقتها في ضروف حرجه وصعبه وبعدها بشهرين نزل قرار فصلي وتوهقت قلت ابي ارجع لهم وحاولت وخصوصا علي مطالبات ماليه من بنك الاهلي وما اقدر اعدل مهنتي الا لين اسددهم وانا ماعندي والله والي سنتين اراجع ورا رجوعي ومافي فايده قدمت برقيات لصاحب السمو ولي العهد ومافادت واغلبها تضيع مدري وين تروح كلمت حاولت اتوسط مالقيت اي فايدة وانا اللحين معلق لا رجعت لوضيفتي ولا رحت ادور وضيفة بسسب دين البنك والي امر وادهاء البنك مشتكيني اللحين ويبغون اسدد دينهم ويشهد الله ماقدر كيف اسوي ي اخوان الي يعرف وش اسوي وش الحل يفزع لي الله يفرج همه ويسر امره والي عنده واسطه تكفون لاتبخلون علي الله يسر اموركم ويفرج كروبكم

الله يكون بعونك الدنيا ماهي منصفه اعرف شخص بقطاع الداخليه غيابه بالشهور ويمكن مداوم 14 يوم بالسنه فقط او اقل وياخذ اجازاته كامله ويسافر برااا ويستانس وراتب كامل ينزله اواه نصفه الله يعلم لانه عنده واسطه بااداراته ومحد يرفع فيه خطاب ولا محضر غياب وكله عشان عنده الدسك برقبه تعبان فيها بس هذا لايعيق عمله حسبي الله ونعم الوكيل

مالك غير الله وثم مكتب حقوق الانسان الله يفرج همك

سبحان الله ولد عمي كان موظف في الدفاع المدني إسعاف وبنفس الديرة يجي وقت مايبي وبروح متي مايبي وطلع أسمه في مستشفي وقال افصل من وظيفتي وأروح المستشفي وفصل وتوظف في مستشفي راتبه كان يوصل 10 الف لكن الدوام زفت وبعيد عن أهله وقال ابي افصل وارجع لدوامي عند بيتنا وراحه وفصل بدون مايسأل وراح لدفاع المدني يبي يرجع طلع اسمه بقائمه المفصولين ، ويحاول يرجع للدفاع المدني وتواصل مع اداره مانفع لازم ينتظر 10 سنين ويقدم من جديد .. واحب اقول ياجماعه لحد يتهاون بالغياب والله انا عاطل ولين الحين مو محصل وظيفه يشهد الله اني أحس بتعاسه غير طبيعي لكن الحمدلله ع كل حال .. احط صحتي فوق كل أعتبار