التأمينات الأجتماعية (الله يفرج همكم) ؟

ولد آلبلد · #1 (**permalink**) 26-10-2016, 01:54 PM

السلام عليكم ..

اخواني انا لدي مشكلة وودي اقولها لكم ..

لقيت اعلان عن احد المدارس ورحت وقدمت السيرة الذاتية لي لهم ، وقالوا خلص اجرائاتنا (الأدلة الجنائية ، فتح حساب ، كشف طبي...) وتعال داوم الثلاثاء (امس) !

رحت امس وداومت وباقي ماوقعت على العقد ، وللأمانة المدرسة ما اعجبتني مارتحت فيها نفسياً ، يعني احس اني في سجن ابو غريب ! ، غرفة المعلمين صغيرة ومافي مكان وحطوا غرفة جلوسي في المعمل !

يعني اشرح للطلاب واذا خلصت اروح للمعمل !!!

جيت وقلت لهم خلاص انا اسف بنسحب لظروف خاصة ، قالوا اسمك مسجلينه في التأمينات الأجتماعية !

وفعلاً حصلت اسمي مسجل !!

بأي حق يسجل اسمي وانا ماوقعت وماداومت الا ساعات ! (قالوا مسجلينه من الخميس يوم قدمت لنا السيفيي) !!!

قلت طيب ياليت تزيلون اسمي !

قالوا ، مانقدر نزيل اسمك ، حنا كمدرسة نعطي التأمينات الاجتماعية المبلغ عنك (مافهمت وش يقصدون) ، قالوا تبينا نزيل اسمك عندنا 3 خيارات !

1- يا انك تكمل شهر معنا وتستلم راتب الشهر وبعدها نزيلك !

2- او انك تكمل معنا اسبوعين ونشوف موظف اخر غيرك وبعدها تنزل لك فلوس التأمينات ونخصم منها 1300 بيبقى لك حدود 1200 ريال هاذي لك !

3- او انك تدفع الأن لنا 1300 ريال عشان نزيل اسمك !

انا ياخوان المدرسة ماواطنتها ، كلهم اجانب ومكان جلوسي فقط في المعمل ، ودي ارجع زي قبل عاطل ولا استمر معهم !

فما ادري ياخوان وش الحل ؟؟ ، المشكلة يقولون نزيل اسمك الأن تدفع لنا 1300 ريال !

دقيت على التأمينات الاجتماعية وشرحت لهم المشكلة وقالت الموظفة لو تسحب منهم الأن افضل لك لان بعد 5 ايام بنودع المبالغ !! قلت لها هم طالبين مني 1300 ريال عشان يزيلون اسمي ، قالت والله مالنا علاقة بهالشيء ، وسألتها هل يحق للمدرسة تطلب مبلغ لأزالة الأسم ؟ قالت والله مادري !

تكفون وش الحل في وجهة نظركم ؟؟

ولد آلبلد · #2 (**permalink**) 26-10-2016, 01:56 PM

وسوال اخر ياخوان ، لو نزل لي الراتب من عندهم وازالوا اسمي هل بتكون علي مشاكل ؟؟

لاني سمعت من شخص قالي طالما الجهة سجلت اسمك فخلاص اسمك راح ، يعني حتى لو فصلت ورحت لأي وظيفة في القطاع الخاص بيقولون لك الله معك لانهم مايبون احد قد تسجل اسمه في التأمينات !

لانهم يدعمون الشخص مرة واحدة في جهة واحدة !

معيد بإذن الله · #3 (**permalink**) 26-10-2016, 02:11 PM

اقتباس:

المشاركة الأصلية كتبت بواسطة ولد آلبلد

وسوال اخر ياخوان ، لو نزل لي الراتب من عندهم وازالوا اسمي هل بتكون علي مشاكل ؟؟

لاني سمعت من شخص قالي طالما الجهة سجلت اسمك فخلاص اسمك راح ، يعني حتى لو فصلت ورحت لأي وظيفة في القطاع الخاص بيقولون لك الله معك لانهم مايبون احد قد تسجل اسمه في التأمينات !

لانهم يدعمون الشخص مرة واحدة في جهة واحدة !

لا مالها دخل عادي تستقيل وتقدم وظيفة اخرى هذا بالنسبة للقبول.

الحل تروح لمكتب العمل . انا مثلك اشتغلت بشركة وما عجبني الوضع بعد شهر وقلت بستقيل قال لي لازم تقول لنا قبلها بشهرين قلت شيل اسمي . المهم رفض قلت خلاص بروح مكتب العمل وشال اسمي في غضون ساعات
الحل ﻻن مكتب العمل لو يدري ان مستغل اسمك راح يقفل المنشأة عليه . وكويس انك م وقعت العقد معهم هذا شيء مسكته عليهم.
رح لهم مرة أخرى إذا رفضوا قول بقدم شكوى ﻻنكم سجلتوا اسمي بدون توقيع عقد وانكم تقولون ادقع حتى نزيل اسمك من التأمينات . خلك معهم شديد.

قدم شكوى لمكتب العمل . وبالتوفيق

ولد آلبلد · #4 (**permalink**) 26-10-2016, 02:34 PM

اقتباس:

المشاركة الأصلية كتبت بواسطة معيد بإذن الله

لا مالها دخل عادي تستقيل وتقدم وظيفة اخرى هذا بالنسبة للقبول.

الحل تروح لمكتب العمل . انا مثلك اشتغلت بشركة وما عجبني الوضع بعد شهر وقلت بستقيل قال لي لازم تقول لنا قبلها بشهرين قلت شيل اسمي . المهم رفض قلت خلاص بروح مكتب العمل وشال اسمي في غضون ساعات
الحل ﻻن مكتب العمل لو يدري ان مستغل اسمك راح يقفل المنشأة عليه . وكويس انك م وقعت العقد معهم هذا شيء مسكته عليهم.
رح لهم مرة أخرى إذا رفضوا قول بقدم شكوى ﻻنكم سجلتوا اسمي بدون توقيع عقد وانكم تقولون ادقع حتى نزيل اسمك من التأمينات . خلك معهم شديد.

قدم شكوى لمكتب العمل . وبالتوفيق

والله ياخوي اني جايهم بشدة ، والمشكلة صاحب المنشأة سعودي ومتدين !!

داومت امس وماعجنبي الوضع وجيت اليوم قلت له بستقيل ،يقول مانقدر نزيل اسمك ، وانا ماوقعت عقد عمل معهم !

المشكلة اسمي مسجل في وزارة العمل وفي التأمينات الاجتماعية !

فهل لو جيت مكتب العمل يزيل اسمي من عندهم ومن عند التأمينات ؟؟

لاني حاس بغبنة وقهر ، مانزيل اسمك الا اذا دفعت 1300 !!

المدعي_العام · #5 (**permalink**) 26-10-2016, 02:53 PM

اقتباس:

المشاركة الأصلية كتبت بواسطة ولد آلبلد

والله ياخوي اني جايهم بشدة ، والمشكلة صاحب المنشأة سعودي ومتدين !!

داومت امس وماعجنبي الوضع وجيت اليوم قلت له بستقيل ،يقول مانقدر نزيل اسمك ، وانا ماوقعت عقد عمل معهم !

المشكلة اسمي مسجل في وزارة العمل وفي التأمينات الاجتماعية !

فهل لو جيت مكتب العمل يزيل اسمي من عندهم ومن عند التأمينات ؟؟

لاني حاس بغبنة وقهر ، مانزيل اسمك الا اذا دفعت 1300 !!

مطاوعة هالزمن مش حالك

على العموم قدم شكوئ رسمية لوزارة العمل ... هذولا ما يجيب لهم الضراط الا وزارة العمل

إجتماعي عاطل · #6 (**permalink**) 26-10-2016, 05:07 PM

انصحك تروح لمكتب العمل وتشرح لهم المشكلة وباذن الله تلقى احد يستجيب معك ، مكتب العمل متعاونين جدا. او قدم شكوى عليهم.

سكر نباااات · #7 (**permalink**) 26-10-2016, 06:25 PM

الامر عادي

تقدر تبعد نفسك من التامينات
1/ من الموقع اون لاين ولاكن يجب مرور 30 يوم من تاريخ تسجيلك
2/ من خلال مكاتب العمل هدف
3/ من خلال صاحب المنشأة

SOLIDSHIPUDDEN · #8 (**permalink**) 26-10-2016, 07:55 PM

لا تقهر نفسك ولا شيء.
جرب خليك شهر واستقيل منت خسران، بيعطوك راتب وبعدين يشيلوك.

موفق

زيت الجوجبا · #9 (**permalink**) 26-10-2016, 08:47 PM

ال1300..هذا حق الشرط الجزائي بس شكلهم ماقالولك من البدايه لانك ماكتبت العقد معهم..وهذا يحطونه عشان يضمنون الموظف خلال 3 شهور يكون عندهم صارت لاحد مننا بس الشرط 2000بس قالو قبل لايكتب العقد ..وفي بعضهم يحط لمده سنه...فانت طالب بالعقد اولا وشوف على اي اساس اخذ 1300..