السلام عليكم ورحمة الله وبركاته
اول شي اخواني اخواتي انا انسانه مطلقه صار لي الحين 9 سنوات وعندي من طليقي 4 اطفال بنتين وولدين
تطلقت وهم صغار وربيت وكبرت وعلمت من كان بنتي صف اولى ابتدائي الى الحين بالثانويه والى اصغر منها بالمتوسطه
والباقي ابتدائي سادس ورابع ومازلت اكافح ومازلت صامله ..مع العلم ان ابوهم ماصرف عليهم مدة خمس سنوات وبعدها 700ريال للاربعه بالقوه بعد لاني طحت في شيخ ظالم بس حسبي الله ونعم الوكيل
المهم دارت الايام واخذ العيال وصارت معه مشكله معه انه عنفهم لدرجة تقشعر له الابدان من ضرب وحروق بالدخان
واخذهم بحكم الزياره لجدتهم لان زوجته ترفض يدخلون بيتها لانها تقول البيت لي او لهم وهو السبيكه مايقدر يدخلهم بيته بناء ع تعليمات الست هانم المهم يوم جتني بنتي محروقه بالدخان في ايديها واخوها مشوه الوجه بالضرب اخذتهم للمستشفى وبلغت القسم اللي بالمستشفى وفحصوهم وطوالي ارسلو الاوراق اللي القسم التابع للحي اللي ابوهم ساكن فيه وانا صورتهم واحتفظت بالصور طبعا صور التعنيف وكذا وانسجن ابوهم رغم انه جاء بلبس العسكريه قالوله اقعد هنا الى احد من اهلك يجيب لك ملابس وبعدها اتصلو وقالو انه في هيئة الادعاء العام المهم تحقيق وكذا وبعدها طلع بكفاله بس مازالت القضيه معلقه مدري وش صار فيها ..
وبعدها مسك الولد ضربه الين غمى عليه ويوم عرفت بالسالفه اخذ الولد وخباه ولا دريت عنه مدة اسبوع حتى المدرسه ماراح لها هالفتره وبلغت دار الحمايه لان الشرطه قالو مانقدر نسوي شي لان الولد مادري صدق فيه شي ولالا
ودار الحمايه اشتغلت ع الموضوع وبالقوه الجبريه طلعو الولد من بيت جدته ل ابوه ومسكو ابوه بس ماطلع الولد الا بعد اسبوع خلاص صاير بخير مبدئيا واللي يقهر انه ماقدر يقول ايه كلام امي صحيح نكر بحكم التهديد والوعيد ويكتب ابوه تعهد ع نفسه وان الولد لو تجي شكوى ثانيه عنه بيدخلونه السجن غير المعاناة اللي ياخذهم يسفرهم من مدينه لمدينه وانا الحق وراهم من مدينه ل الثانية لانهم صغار
واخرررر شي جت زوجة ابوهم ورمتهم عند الباب وتوكلت ع الله واخذت عيالي عندي وللحين عندي
ولا عليهم قصور ربي يرزقهم وهم في بيتهم ..مع العلم انهم تعرضووووو لتحرش من قبل عمانهم اخوان ابوهم لانهم يروحون زياره لجدتهم ام ابوهم لانها انسانه تصارع المرض الخبيث وماابي امنعهم من زيارتها عشان حالتها الصحيه...
وخلاصة الكلام جا وقت اني اتزوج ل اصرار امي عليا بالزواج لاني حسب قولها صغيره ولازم اتزوج وابي شوركم في الموضوع هل يستحق اني اعطي العيال ابوهم او اني اخليهم معي او اخليهم عند امي ؟؟لاني صراحة ما أمن احد غير نفسي عليهم وابي شوركم واحترم ارائكم
ربي يوفقكم جميعا وشكرا لكم