السلام عليكم

انا ابوي كبير بالسن عمره منتصف الستين

ومايقدر على شي يسويه .. وهو يعمل بشي يخلي احد يعمله بداله بس يعطيه الفلوس ..

بس الحين اللي يعمل فيه ممكن ينهار وبننتظر للسنة القادمة للتاكيد بينهار او لا فابي اعرف عن شي سهل

وهل يصلح مثلا افتح مطعم واخلي واحد يعمل بدالي ويعلمني عن كل شيء بس اعطيه الفلوس

يعني بس اعطيه الفلوس وهو يسوي لي كل شي حساباات وغيره بس اجي نهاية الشهر اخذ فلوس

الميزانية كبيرة

المشكلة وين تحصل واحد ثقة تعطيه ويتابع لك الشغل ؟؟

اكثر المشاريع اذا ماتتابع بنفسك تنسرق واحيانا تتابع وماتلحق لكن ارحم شوي

السلام عليكم
اولا الله يخليلك الوالد وخله بس يفكر ويفكر ويشغل نفسة علشان يتناغم مع الحياة طبيعيا ولا يحس بالتعب او الملل
ثانيا ليه حنا نكب فلوسنا وننتظر للسنة الجاية سوها حسبة بدو او خراصة على قولة اهل القرى يعني حسبة اولين
كم كلفة المحل وشف كم كلفة البضاعة او التجارة اسهم اي شي انتوا شغالين فيه واحسب الدخل شهرين من الآن بتكون فكرة بعدها ولا تنتظر اخر السنة ولو هو اجنبي اصلا هو اخر السنة بيقول باي باي
وتراكم محاسبين على المال مو تخويف وانا اخوك الا طبيعة بتحاسبك نفسك وربك والناس
شفلك شغله تمسكها تنتج وتقوم فيها هذا لو انت تبي تشتغل عندك فلوس وتبي تنميها اولا شي حقي عليك كمسلم ومواطن انحش عن الأسهم وربعك راعيين فكرة حلوه والله رهيبة شف سو كذا وكذا ترى التجارب مضارب تصيب يا تموت يا تحيي والبلا اللي دلك على فكرة مجنووونة ولا نصحك لو لاسمح الله طحت مهو جايبلك كيس فلوس يقول هاك العوض ما صارت مع الأولين تصير الحين
انت شاب وتبي أفكار حلوة وتجيب فلوس طاهرة ورزق حلال هلا بك رد علي وخل نسولف انا من النوع اللي يفهم من الكلام نوعية تفكير الرجال وادله الطريق لي في السوق اكثر من 20 سنة شفت العجب ولله الحمد كلها تجنبتها ولو دخلت فيها كان الحين يا مسجون ولا مجنون الله يوفقك

شكرا على المرور ..

بالنسبة للشغل يا خالد هو يعمل بالعقار يخلي واحد يعمل كل شي العمال و هو بس يستلم فلوس بيع الفيلا

وكلامك يا محب الخيل انشهد صح ..

الله يرزفكم ويحميكم من عيال الحرام
بس مو واضح ردك هل هو في البناء او الترميم او العقار الجاهز كلها وانا اشتغلت بهالمجال كلها مصالح لو انت اطهر الناس يلحقك ضرر يعني لو هو اجنبي الأغرائات كلها بين يدية في اسعار المواد
اسعار البيع
اسعار العمولات
ما اشكك فيه وان شاء الله طيب الوالد ينفعة عند ربة بس كل شوي دقق عليه وره انك مريت محل مواد بناء
او قريت عن العقار وارباحة خلة في حذر وانتباه لو هو فعلا منا ومنا بيطيح لو هو صافي نية وسليم ذمة بيستمر معكم
والله يرزقنا ويرزقكم

شكرااااااااااا لك، انا بنت نسيت اقولك، هو يشتغل في العمار يعني يخلي اخوي يبني فيلا كاملة وهو ياخذ ربح واخوي ياخذ ربح

ماعندي خلفيه ..
ن شاء الله احد يساعدك

تخصصي بشي نسائي
للاسف بعض النساء لما تسمع عبارة تخصصي بشي نسائي ، اما انها تشعر بالسوء او تستنقص (الاستنقاص او عدم التقبل وادي يحذَر منه)
المجال النسائي (باب واكثر) من ابواب التجارة..
استعيني بالله واسالي الله ان يلهمك للفكره المناسبه اللي تناسبك


تحياتي طالب جامعي1

إذا شغل عقار
عندي عمي في الخُبر صاحب عقارات ومخ تجاري بيع شرا
شغله في الثقبه وحي الجسر والعزيزيه عماير وايجارات ومحلات تجارية
إذا لك نظر أو للوالد نظر يتواصل معه ويتفاهم معه ... كلميني خاص أعطيك أرقامه

__________________
سبحان الله وبحمده

الله يوفقك