السلام عليكم ورحمة الله وبركاته

نفسي ابدا مشروع نفسي كل مره بيكون معاي مبلغ وبعدها بتخوف وبصرف المبلغ باشياء مالها لازم ..
ابيكم تساعدوني حاليا دخلي الشهري من 1000 ال 1200 ريال وانا بنت جامعية وماعندي اطفال وشاطرة بالكمبيوتر وعندي سرعه النت عاليه جدا احب الخياطة جدا بس مااعرف اخيط ولا هي مهنتي نفسي استغل وقت فراغي الزايد ..
ايش تنصحوني اسوي مشروع مربح تعبت من الفراغ .. قراءة كتب شفت محاضرات ازاور ووو بس الا ويكون عندي وقت فراغ دورت ع شغل وماحصلت نفسي افتح مشروع بسيط ايش تنصحوني

الله يوفقك ماعندي فكره ان شاء الله الأعضاء يفيدونك

حطي الف على الف وريال على ريال لين مايتكون مبلغى تأسيس محل ( متجر خاص فيك) ويكون اختصاص المتجر نسائي من اكسسوارات الى كل شيء وفي نفس الوقت تقتدرين انت تقومين بمحلك وتداومي فيه واذا ربي اكرمك ومشت امورك نقدرين توظيفن موظفات يساعدوك وكذا حلالك بين يدينك , وفكري بديكور خاص ومتميز وبضاعه شكل جديد بالسوق من الاكسسوارات الى الاحتيجات الكماليه للمرأه , وركزي على البدايه من الصفر , يعني ابدأي من الشهر الجاي وريال على ريال ادخري فلوسك لايغريك اي شيء وتقولي بشتريه لأجل ماتندمين بعدين , فالك التوفيق .

اضافه بسيطه : فيه مقوله بالسوق نقولها شيء فيه ( اكل , او شي يخص الحريم) مافيه خساره والاهم انتي نت يعني تكون لك الخبره في احتيجات المرأه شكل عامم ووش الموظه الي هابين فيها , وكذا تكوني مدركه الوضع ع قولتهم , واسف ع الأطاله .

بعض الأسواق تضع ركن تسوق خاص بالأسر المنتجة كنوع من المسؤلية الإجتماعية
وأحيان يكون برسوم رمزية وأحيان تقيم بعض الأسواق بازارات مؤقتة ..

بكل الأحوال .. يمكن إستغلال هذه الفرص وخاصة لكم باي شغلة وفكرة للبيع .. كمثل منتوجات يدوية
أو حتى أكل منزلي كبعض الأطباع والحلويات أو إكسسوارات أو أي فكرة جيدة أخرى ..


طبعاً يعتمد النجاح على عدة عوامل .. منها شهرة السوق والموقع والمدينة ..

والأرزاق بيد الرازق ..

وش رايك في فكرة المعمول ؟؟
اذا تعرفين تطبخين حتى لو ما تعرفين تعلمي لين تضبط الخلطة
أنا جالس أفكر فيه ههههههههه
جربي وابحثي في النت عن معمول
للتوضيح معمول أكل وليس دوسري هههههه

مررره مشكورين الله يعطيكم العافيه .. انا اعرف اسوي معمول اكل لبيتي بس مااظن يكون فيه تجارة مربحة.. الله يبارك فيكم

4000 كافيه لطابعه ومكبس حراري وكم تي شيرت
وصممي ع الفوتيشوب واطبعي ع التي شيرتات والاكواب
وحساب انستغرام وتويتر متجر لك

ماقصروا الاخوان بالافكار،،

طيب.. عندك النت وعندك الفلوس وناقصك الفكره ، احسبيها حسبت شياب
النت و 1000 ريال كيف ينتج منهم مشروع
ممكن انك تتوجهين الى التصاميم وتطبعين على الملابس ، بحيث ان 1000 ريال توفرين فيها قيمة الاقمشة والطباعة الخ..
وممكن انك تستغلين النت في التسويق السريع وتنزيل منتجاتك على اكثر من موقع الكتروني ، واهم شي تضعين هدف..

الهدف الاساسي مو الربح المادي فقط ، لابد يكون هدفك اكبر..

تحياتي طالب جامعي1