السلام يااخوان فيه بيانات ماعرفت ايش اكتب فيها ساعدوني الله يجزاكم خير انا مطلقة وخريجة عاطله استلم من الضمان وعندي تقاعد الوالد الله يرحمه لكن التقاعد ماينزل لحسابي لان احنا بنات وعندنا ولي اخونا الكبير وهو اللي ينزل على حسابه مبلغ التقاعد وبعد كذا يوزعه علينا انا نصيبي منه الف ايش اكتب بخانة الدخل يرجد او لا واذا كتبت كم اكتب مبلغ التقاعد كامل او فقط نصيبي منه علما انه ينزل على حساب اخوي مو حسابي وبالنسبه للسكن انا ساكنه مع اهلي بشقه ملك ايش اكتب بخانة السكن وبالنسبه للقدره على العمل هل اكتب قادره او لا انا خريجه عاطله اتمنى تجاوبوني ايش اكتب واذا فيه شي بمعلوماتي ممكن يسقطني من الضمان او لا مثل السكن الملك والتقاعد والقدره على العمل الله يجزاكم خير وشكرا مسبقا

وعليكم السلام
ذكر الحقيقه افضل
تكتبي اللي يخصك فقط وال 1000 لايمنع المعاش فهو دون الحد المانع وبالنسبه للسكن لاتكتبي ملك اكتبي مع الاهل او اخرى والعمل اكتبي قادره هذا مااراه
ربي يوفقك

__________________
لااله الا انت سبحانك اني كنت من الظالمين .. استغفر الله العظيم
اللهم احفظ بلادنا وولاة امرنا وأمدهم بالصحه والعافيه
ان غبت يوما فتذكروني بدعوة صادقه وان اسأت او اخطأت بحقكم فكونوا كرماء
دخول للمنتدى قليل والمعذره

مشكور اخوي جزاك الله خير اذا ممكن سؤال ثاني نوع العنوان البريدي ايش المقصود فيه اكتب ايش وبالنسبة للآيبان انا حدثوه لي المكتب زمان بداية القرار يعني ماحدثته من الموقع اعتمدت تحديث المكتب الحين يحتاج احدثه قبل لااسجل بياناتي او خلاص تم تحديثه من المكتب وكيف طريقة كتابته لازم اكتب الsa اللي في البدايه مع الارقام وعذرا على كثرة الاسئله

العنوان البريدي اذا عندك صندوق بريد في مكتب البريد
او عندكم عنوان وطني وعارفته
اكتبيه
مو عارفته او لا يوجد عنوان او صندوق بريدي
اختاري لا يوجد

الايبان مايحتاج تحدثيه دام انه محدث وينزل مخصصك الشهري عليه
يظهر لك الايبان وانه تم التأكد منه
كملي التحديث التالي الى ان تنتهي الصفحات

المنتصر
الخيارات كذا

بيت ملك
فيلا
بيت شعبي
مع الاهل


؟؟؟؟


ولا انا غلطانه لاني نسيييت تكفى ذكرنا او الاخت صاحبة الموضوع تكتب وش الخيارات

في خانتين

حالة السكن والخيارت هي
فيلا
شقة
بيت من طيب
خيمة
بيت شعبي
صندقة
دور
بيت خيري
مع الاهل


وخانة نوع السكن
هل هو ملك
اجار
غير ذلك

مزيزن الجنوب
فيه فرق بين الطيب والطين هههههه

المعذره ياصاحبة الموضوع بكتب استفساري بموضوعك

في خانة السكن كتبت غير ذلك ،
لأن البيت ابوي الله يرحمه ماكمل القروض ولا قبلوه في الإعفاء يعني مرهون للدوله
صح اختياري ولا لااغير

المنتصر بالله تكفى جاوبني انا حطيبت نوع السكن فلا حالة السكن ملك هل اللي عندها فلا ملك يسقطونها والله ماعندي دخل الا الضمان لان سبق وسألتك قلت لا مايسقطونها بس الان تقول للاخت لاتكتبين ملك وهي ساكنه شقه ملك والله خفت وفيه شغله ثانيه قريبتي ساكنه عندي وحدثت لها وحطيت نوع السكن مع الاهل حالة السكن ملك هل صحيح ولا اعدل وهل عادي افدر اعدل البيانات بعد ماتم الحفظ وارجو انك ترد علي او اي من الاخوه والاخوات عندهم معلومات مشكورين