السلام عليكم شباب
انا تخرجت من الثانوي هاذي السنه وببدا جامعه اليومين ذي
وانا كليات الدفاع اقبلوني ولله الحمد لكن رفضت اروح لها لاني متعلق بالامنيه وطموحي لها من سادس ابتدائي وتحديدا اني اكون بالاستخبارات او القوات الخاصه لكن بعد تخرجي سئلت التخصص الي غالبا ما ياخذونه الاستخبارات وعرفت انه قانون دولي او علوم سياسيه وحبيت ادخل قانون وبالاخص قانون دولي وثم الامنيه

لكن المشكله انا خايف اني ادخل قانون واتخرج منه واقدم على الامنيه ويرفضوني ساعتها راحت ال4 سنوات على الفاضي وراح الحلم معها والقانون ماله مستقبل كبير
لذالك راح اتبهدل واتجرجر انا وملفي

على شان كذا نصحني واحد من الشباب قالي ادخل هندسه وبعدها قدم على الامنيه واحتمال يحطونك بالاستخبارات واذا ماقبلوك الهندسه مطلوبه بارامكو وغيرها يعني منت خسران شي وانا عجبتنس فكرته على شان كذا بسئلكم وللي عنده خبره يعلمني والله اني محتار انا اصلا قبلتني الحربية ولا رحت لها لذالك علموني هل المهندس اذا دخل الامنيه ممكن يحطونه بالاستخبارات او القوات الخاصه او يكون شغله بس بمجال تخصصه لاني بصراحه التخصص هذا انا مبيه ن يعني التخصص ذا ماعليه خوف اذا ماقبلتني الكليه

ضيعت اكبر فرصه وهي قبولك في الدفاع
هل تعلم انك ضمن 500 شخص اللي قبلو من عشرات الالف
ووضابط خريج كليه هو المستقبل ولو لك طموح تقدر تكمل قانون
والاستخبارات ليس فقط من الامنيه بل كل الكليات يتم منها الاختيار

ارحب يالغالي شرفني مرورك واسعدني تجاوبك معي
والله ماكنت اعرف ان الاستخبارات للكل الى توو منك
لاني سئلت الاقارب وقالو الاستخبارات تابعه للامنيه ويوم قبلتني الحربيه انا قلتلهم انا ابي استخبارات وقالو لي الحربيه تابعه للقوات المسلحه واستخبارات القوات المسلحه تختلف عن الاستخبارات العامه وللاسف توني عرفت منك ان الاستخبارات للحربيه ايضا والعوض على الله وراحت هي .

لكن لازال طموح الامنيه مشغلني من ايام الابتدائي
لذالك اتمنى ياهل الخبره تجاوبوني على سؤالي فوق والله يوفقكم ويستر عليكم يالغوالي

بالعكس .. اخوي اشوف ان قرارك سليم ، بالنسبة للدفاع .

الأفضل انك تدرس .. وبعدين حتى لو بغيت تدخل الدفاع او الامنية تقدر ، بشهادتك .

وبالنسبة لتخصص اشوف ان الهندسه افضل بمراحل .. حتى لو ما قبلتك الامنية او الدفاع .. عندك ارامكو وسابك وشركة الكهرباء وغيرها .. بس خل في بالك ان الهندسه يبي لها جد واجتهاد .

والله يوفقك ويكتب لك كل خير ..