السلام عليكم ..

الله يسعد ايامكم ويرزق الجميع الخير والرزق الحلال

زوجي فصل من عمله برغبته من ضغوط العمل وحطني تحت الامر الواقع
( كان عسكري بالامن العام ) بعد خدمه 10 سنوات وعمره 33

الله كاتبله كذا قدر الله وماشاء فعل والحمدالله على كل حال وهو حالياً يسعى لوظيفه تناسب ان معه خدمه عسكريه

وانا حاليا انا وياه شبهه منفصلين واهلي ضاغطين علي اتركه وانا ابي اساعده بوظيفه رغم انه يدور

فاللي يعرف وظايف تناسب مؤهلاته ( شهادة ثنوي + خدمه عسكرية 10 سنوات )

انا قريت ان وظايف مسمى أمن وسلامة تقبله بس وين ؟
الله يخليكم دلوني على وظايف بجدة او مكة او الطايف الله لايحرمكم الاجر انا ع وشك انهار وابي مساعدتكم ودعواتكم

والله يوفق الجميع لما يحبه الله ويرضاه

الله يعوضه خير منها اي يقدر على وظايف حراسات امنيه اكيد راح ياخذونه خصوصا معه خبره 10 سنوات

يقدم على الوظايف بشكل يدوي وملفه معه افضل له وياخذ الشهادات معه والله يرزقه انصحه يقدم على حراسات امنيه بالبنوك او شركات امنيه تابعه للبنك رواتبهم زينه

نعم وظائف الامن والسلامه وايضا تغذيه الصرافات الاليه يعني وظيفته نقل اموال وحطها بالصرافه


الله يسهل اموركم يارب

بعض الشركات الامنيه التقديم يدوي وهذا الافضل يقدر يراجعهم حتى يتوظف اما من النت ليلهم طويل قبول مبدئي وبعدين مقابله وبعد المقابله قبول نهائي وتاخذ وقت طويل بالذات وظايف النت المعلنه من اي جهه اما القطاع الخاص يمديه يشوف اي شركه رواتبها عاليه ويروح لهم خصوصا معه خبره على طول يأخذونه واحتمال يمسك منصب بحكم وجود خبره طويله معه والله يسهل امره يارب

الاخت الكريمه ماقصروا الاخوان وماخلو لي شي علشان افيدك ولكن بوجه نصيحة ولو انها مو في الموضوع زوجك لاتخليه مهما صارت الظروف وفكري في الاولاد ترى المرأة الحقيقيه اللي تقدم التضحيات اسال الله ان يوفق زوجك ويوفقك ويوفق اولادك
تحياتي

السلام عليكم ورحمة الله وبركاته

شوفي ياختي الكريمة مثل ماقالو الاخوان اغلب شركات الحراسات الامنية توظفة بشكل مباشر وبما انه معة خبرة عسكرية

احتمال كبير راح يتوظف مشرف أمن او رئيس أمن . غير شركات الحراسات الامنية في الفنادق