24-10-2008, 11:13 PM
|
|
(عضو لم يقم بتفعيل عضويته)
|
|
تاريخ التسجيل: Jun 2008
المشاركات: 33
معدل تقييم المستوى: 0
|
|
|
خرجت من ديرتي ادور الرزق بديرة ثانية...لكن؟
لفت نظري عنوان في احد اقسام هذا المنتدى الرائع وهو (خرجت باولادي وزوجتي ....)
فتذكرت نفسي بان يمكن ان اكون مثله ولكن على العكس فا نا هاجرت من منطقتي للبحث عن وظيفة تعول اولادي وزوجتي وتكفينا وتسدد بعض ديوننا ( من ايام الزواج) طبعا توظفت قبل الشركة اللي انا فيها في شركة قبلها ( من شركة في شركة ... آآآه ياقلبي)
حصلت وظيفة بشركة الحين لكن الراتب 2500 ريال والله ما زادوه ريال من اربع سنوات مع العلم ان الدوام فترتين يعني كرف على مستوى مايتناسب مع الراتب
يروح الراتب كل ابوه حتى الدين ما سددته
1000 ريال الاجار وندفعة شهرياً الله يبيض وجه صاحب البيت سمح لي اسدده شهرياً ولا العقد دفعتين بس تورطت عند السداد ماعندي ريال اضطر اني استلف ماسويت شي زادت ديوني
500 ريال قسط دراسه (ادرس انا ووجهي _عصامي )
500 للبقاله فزع لي الباكستاني وصار يسلفني لاخر الشهر بيض الله وجهه
باقي 500 للجوال ولا الكهربه ولا المستشفى ولا البنزين والا الضيوف ولا...ولا....ولا
هذا حال شاب سعودي من ارض الذهب الاسود
على فكرة عندنا موظفين اجانب والله ان اقل راتب فيهم 4500 ريال يعيشه بالسعودية ويعيش اهله بالسودان وجيرانهم بعد
احد مثلي يا جماعة خلها تهون مصيبتي
على فكرة والله اني قدمت في عشرات الوظائف الحكومية عن طريق المنتدى الله يخليه لنا وعن طريق غيره وما عمر احد اتصل فيني مع العلم ان عندي شهادات ودورات بالهبل
حسبنا الله ونعم الوكيل
|
العرض العادي
