بسم الله وسلام عليكم يا قوم

الموضوع واضح من عنوانه ..

انا حبيت ادخل عالم الفلوس بس مع الوقت الحالي ماشوف ان فتح محل تجاري اصبح سهل مع الرسوم الجديده والكفالات وتجديد الاقامات وووووو إلخ تعقيد وتدخل في صعوبات وقد يفشل مشروعك ..!

المهم فكرت اشتري حساب بتويتر متابعينه مليون و100 الف شخص طبعاً الحساب يتابعه مشاهير ومسؤولين كبار بالدولة وحساب له ثقل كبير طبعاً السعر 50 الف ريال بعد التفاوض مع صاحبه

البعض بيقول انت خبل تحط مبلغ زي كذا في حساب تويتر !! لكن انا لي فترة طويلة بتويتر خصوصاً واعرف اصحاب حسابات لهم متابعين بمئات الألوف يدخلون من الاعلانات 12 الف بالشهر على حسب قوة الحساب وتأثيره وكثير يسغرب بيع وشراء الحسابات وبعضهم يقول هاؤلاء مجانين الي يشترون حسابات لكن الاخ الفاضل مايعلم ان هذه الحسابات تُدر فلوس وانت بالفانيله والسروال ومنسدح تتقهوى شاي وقبل مده واحد عرض علي حساب فيه 150 الف متابع وقلت ليش بتبيعه قال لقيت حساب دخله الشهري من الاعلانات 6000 افضل من هذا الي يدخل لي 3000 بالشهر او بالشهرين ...


والان اصبحت وسائل التواصل الاجتماعي مؤثرة جداً واصبحت الشركات والمؤسسات والافراد يعلنون بتويتر زمن الصحف والتلفاز انتهئ

وابي مشورتكم يا شباب وارائكم حتى لو ما احد عنده خلفيه يعطيني رايه ونستفيد



وللمعلومية / خلال سنة قد ترجع المبلغ الي دفعته من خلال الاعلانات والتسويق للحساب

مرحبا .. انا رائي انه لو كان المبلغ متوفر لديك وانت مستغني عنه يعني مو سلف والا محتاجه فما يمنع تجرب واعتبرها تجربه على الاقل ..
اما لو انت مو مستعني عن الفلوس فلا والله ياخوك ابعد عنها .. وادخل تجاره فيها اصول تجاريه ..يعني محلات تجاريه مثلا .. وترى الرسوم والرخص رسومها مو عالي مثل ما يعتقد البعض .. وخصوصا رسوم البلديه الاخيره الحمدلله ما كانت مثل ما انتشر سابقا ..

لو تشتري حساب فيه 30 مليون اذا ماعندك شي تقدمه في الحساب
الحساب راح يفشل ويمل المتابعين منه
لازم تفكر ايش بتقدم للمتابعين قبل تفكر بالاعلانات
لان المتابع وتفاعله مع حسابك هو الي يجيب لك الاعلانات