السلام عليكم شباب انا عمري ١٧ وطولي ١٦٧ وابي اخش كلية الدفاع الجوي بالطائف بس عندي مشكله مادري هل هي عائق لدخولي العسكريه ولا لا انا عندي اصبع الخنصر زمان انكسر علي طحت من على السيكل ومارحت المستشفى من الخوف بعد مرور الزمن الاصبع التحم وهو مكسور الاصبع يمديني احركه طبيعي زي اي اصبع غيره بس عندي ميلان فيه وابي اسألكم هل يقبلوني ولا لا اخاف يرفضوني بس الاصبع يمديني احركه طبيعي ومافيه مشكله بس اللهم فيه ميال رحت قلت لابوي قال لا تروح المستشفى بيكسرونه وقروشه سألت عيال عمي انهم يقبلوني كلهم مايدرون مع ان انعم عسكر معليش طولت بس ولله مقهور اصير عاطل ونسبتي تراكمي ٨٥ الله يوفقكم فرجوا عمي الله يفرج همكم

ينقل للقسم المخصص

__________________
ومن يعمل من الصالحات وهو مؤمن فلا يخاف ظلما ولا هضما

يارجال محد يدري عنك توكل على الله وروح بس لاتقول لهم عندي كسر خلك طبيعي هم يركزون على النظر والسمع واللياقة البدنية والأمراض المزمنة اما غيرها محد حولك توكل على الله ربي يسهل دربك وييسر لك

ي رجال فالكشف الطبي الناس معك واجد مهب فاضين يدققون يمشون وبعدين امرك بسيط صدقني بتمشي امورك توكل على الله وادع ربك واسال الله التوفيق للجميع

بعدين كشفك متى ؟

لا ماينتبهون لان بالكشف انا ماسويت اشاعه لليد الاشاعه للصدر بس انا كشفت للقاعده مو للدفاع المهم ومن ناحية اليد يخليك تسوي قبضه الي هي تقفل اصابعك كلها ويشوفها من بعيد يعني تقريبا عنك هو حوالي مترين يعني مابينتبه اذا هي مو مره وبعدين توكل على الله ورح لهم حتى لو يجيك احد يقولك كذا وكذا يمكن تطيح لك بواحد يبي الخير ويمشيك وبالتوفيق لك

جزاكم الله خير وفرج الله همومكم احبكم من الفرحه معرف وش اقول ما اقول الا الله يرزقكم ويوفقكم وين ماتروحون يعطيكم العافيه ولله اني فرحان ليتكم عندي اسلم ع روسكم شكرااااااا