بِسْم الله الرحمن الرحيم.

كيفگم جميع

بداية وباختصار وبدون اي مقدمات انا مقدم ع مشروع باْذن الله تعالى وبعد تفكير وعناء وبحث شفت ان هذا المشروع فيه خير كثير بحول الله بعد ماوقفت بنفسي ع مشاريع مماثله له وبإشراف اصحابها وشفت الكم الهائل من الأرباح اليوميه بعد توفيق الله وهذا شي بيد الله سبحانه واستخرت الله كثيرا ووجدت ان النفسية مالة بشكل كبير جدا لهذا المشروع

واول نقطة بدية فيها طلعت وكالة عامة باسم الوالدة الله يحفظها وكانت هي المحفز القوي لي والمشجع لذلك
دخل في بعض التفاصيل

نوع المشروع / مطعم جاوي اندونيسي
المبلغ المتوفر لدي / 150.000 الف ريال
مصدر راس المال / قرض بنكي
القسط الشهري / ظ£ظ¢ظ*ظ*
الراتب / 9900.ظ*ظ*ظ* بعد القرارات الجديده والخصميات

العماله / تم الإتفاق مع احد المعلمين في احد المطاعم الاندونيسية وقال فيه اثنين معلمين ممتازين يبغو يشتغلو بعطيك رقمهم وتواصل معهم وراضين بالراتب بحيث يكون السكن والإقامات والإيجار علي وانا ماعندي مشكله بهذا الخصوص وبناء ع هذا الشي انا طالع اندونيسيا بحول الله لانى لازم اشوف بعيني وأعرف شغلهم كيف .

المحل المقترح وإيجاره / هذي هي المشكله طبعا صاحب احد هذه المشاريع جلست معه وأعطاني تصور كامل عن المشروع مع انه كان متحفظ ف البدايه بس لمن علمته اني مو نفس منطقته تجاوب معي قالي ضروري سكن العمال يكون فوق المطعم او ملاصق له بحيث تحضير الاكل والتقطيع وغيره يكون ف البيت ويجيبوه جاهز هذي الشغله محيرتني اغلب المحلات مافيها سكن وان كان فيها سكن فهي غاليه شوي .

نقطه مهمه / بعد ماسألت في البلديه اقل مساحه للمطعم 100م رحت دورت وحصلت محل مساحته 125م وفوقه سكن عمال إيجاره تقريبا من 60000 الى 70000 الف بصراحه غالي بس موقعه ممتاز جداً والرجال سمح قال براعيك وعلمته اني شخص مبتدئي
نفترض ايجار المحل 70 الف يطلب صاحب العقار مقدم ايجاز اول ستتة اشهر يعني بعطيه 36000 تبقى من المبلغ 114000 الف هل المتبقي يكفي لتجهيزات المحل وفيز العمال وغيره مع العلم اني مابركز ع الديكورات ف البدايه حتى مااستنزف المبلغ اللي معي واعتق المطعم الاندونيسي اقل في التكاليف من المطاعم الشعبية او المنادي والمطاعم البخارية.

فيه نقطه متخوف منها خايف ابدا المشروع واتفاجا ان المبلغ ماكفى راح تكون صدمه بالنسبه لي صح ممكن اتسلف من احد بس مافي أحسن من جيبك يالواحد .

تقولون لازم اتابع المطعم نعم في البدايه بتابعه لين اجيب محاسب سوداني بجيبه عن طريق نقل كفالة او تاشيرة محاسب من السودان وحصلت واح يجيب بس انتظر اول اشوف لو حصلت هنا يكون افضل .

هذا شي توضيحي لما رغبت ان اوضحهه لكم
واحتاج نصائحكم الايجابيه.

نقاط مهمه
عارف الإجراءات بس ماني عارف كيف ابدا او بمعنى أصح ابدا بأيش اولا من ناحية مايلي .

ايجار المحل
تجهيز المحل
إصدار الرخصة
استخراج تاشيره
اصدار سجل تجاري
السفر للدوله اللي بجيب منها عمال

ع فكره بحثت عن دراسة جدوى لمطعم اندونيسي ماحصلت لقيت لهندي وبخاري فما ادري وين احصلها او اذا احد يفيدني فيها .

المطعم ماراح أتكلف فيه كثير يعني ماراح اصرف ع أشياء غير أساسيه كالديكور والجبسيات وغيره ممكن الاضاءه والدهان بحاول يكون فيه نوع من الفخامه بشكل معقول بعيد عن الخسائر نظرا لمحدودية المبلغ المتوفر .

سامحوني كثرت كلام وتوهتكم يس كنت حريص اذكر كل شي ابغى اعرفه قبل البدء في كل خطوه والاستعجال فيها .

الي اعرفه قبل كل شي تخلص امورك مع البلديه

والباقي انت وتخطيطك

السلام عليكم والله يوفقك
ما عليك مني او من غيري رح للبلدية اول هم يدلونك وهم الي عندهم التوقيع على المعاملة.

دراسة جدوى ما عليك منها حنا صرنا مع الخيل وين وين الرازق الله بعد ما تشوف السوق وتعرف تدبر امورك اغلب المطاعم مثل ما في البيت لابد يبقى من امس لليوم ومن اليوم لبكرة خل عنك المثالية الزايدة حتى الوجبات السريعة نص مستوي وفي الفريز لين وقت التقديم المعلمين اذا جاو تعرف منهم بس انت حاول مع الوقت تقدرها وتخلي البواقي اقل ما يمكن و لا تنس المواد خذ الأفضل لا تقول بيباع اليوم وشي ويستوي وخلاص وإن كان هو الي ماشي كل مكان حتى 8نجوم على ذا النظام.

والله يوفقك ويرزقك من واسع فضله.

[QUOTE=محمد 147;8945218]السلام عليكم والله يوفقك
ما عليك مني او من غيري رح للبلدية اول هم يدلونك وهم الي عندهم التوقيع على المعاملة.

دراسة جدوى ما عليك منها حنا صرنا مع الخيل وين وين الرازق الله بعد ما تشوف السوق وتعرف تدبر امورك اغلب المطاعم مثل ما في البيت لابد يبقى من امس لليوم ومن اليوم لبكرة خل عنك المثالية الزايدة حتى الوجبات السريعة نص مستوي وفي الفريز لين وقت التقديم المعلمين اذا جاو تعرف منهم بس انت حاول مع الوقت تقدرها وتخلي البواقي اقل ما يمكن و لا تنس المواد خذ الأفضل لا تقول بيباع اليوم وشي ويستوي وخلاص وإن كان هو الي ماشي كل مكان حتى 8نجوم على ذا النظام.

والله يوفقك ويرزقك من واسع فضله

بيض الله وجهم ع ردك اللي بصراحة عجبني وشدني فيه اكثر عن كلامك اللي بين القوسين (دراسة جدوى ما عليك منها حنا صرنا مع الخيل وين وين الرازق الله بعد ما تشوف السوق وتعرف تدبر امورك اغلب المطاعم مثل ما في البيت لابد يبقى من امس لليوم ومن اليوم لبكرة خل عنك المثالية الزايدة حتى الوجبات السريعة نص مستوي وفي الفريز لين وقت التقديم المعلمين)

راس المال باذن الله انه يكفي وان ماكفى ناخذ من جيب الوالد يدفنا شوي وانا بصراحة عندي اجازة شهر ونص ابغى استغلها بدل ماني جالس ونايم والله يكتب اللي فيه الخير انا عارف ان شغل المطاعم تعب ومراجعات الدوائر الحكومية ايضا متعبه لاكن مافي شي يجي الا بتعب

بس نصيحتك بالنسبه لامور الرخصة والتاشيرات وغيره يعني بما يسمى الاصول الثابته هل اوكل معقب ولو وكلت معقب يخلصها لي كم حقها اني اعطيه

بخصوص المنيو وطاولات وكراسي المطعم والديكور هل فيه موقع مخصص اطلبها منه والا كيف .

شاكر لك تجاوبك وردك الفعال معي الله لايحرمك الجنة

الله يوفقك ويسهل امرك والافضل ياخوك لو تشتغل بمطعم اندرونسي بجده او اي مطعم عشان تعرف خفايا المطاعم لان بتطلعلك اشياء ماتتوقعها طاولات وغيرها من احتياجات ولازم عندك احتياط مالي نصف هالمبلغ لان عندك ايجار ورواتب وغيرها لكن المشروع ناجح جداً باذن الله واطمنك الوضع بخير صحيح في ركود لكن بيتعدل مع الوقت ولاتياس ياغالي

الله يسمعك منك اخوي مطور مواقع بخصوص الشغل في المطعم فيه احد ملاك هذه المطاعم الرجال مو مقصر مساعد يوجهني عن كل شي من ناحية التجهيزات ومتطلبات المطعم من والى اما من ناحية الاكل فعلا كلامك صحيح لاكن ربك يسهلها جو عمال حقين برجر وشاورما مايعرفون شي والنَّاس ماغير تاكل ومع الوقت الامور تسهلت .
الشي اللي كان قالقني مساحة المطعم الأيام اللي فاتت كنت ادور لي محل للايجار ع ان تكون مساحته 100 م وأكثر والمعروف ان كل مازادت المساحه زاد الايجار ولكن تفاجأت بعد مادخلت ع موقع وزارة الشؤون البلديه ان مساحة 100م للمطاعم اللي فيها لحم مندي مثل المطابخ وغيرها وانا المطاعم اللي مثل فكرتي مساحتها لابد ان لاتقل عن 65م فهذا الشي ريحني شوي لان الاجار راح يقل
من ناحية انه لابد يكون عند مبلغ لرواتب العمال فهذا شي صحيح وفعلا هو ع البال ولكن ابي اعرف مايلي
كم يعطوني تاشيره ع مطعم مساحته 65 م
هل تشطيب المحل بعد الاستئجار ع صاحب الايجار والا علي
اول مااستاجر اثث المحل ومن ثم اروح اطلع رخصه والا العكس