السلام عليكم
انا هالحين اخذت فاتورة الماء وانصدمت من المبلغ 5140 لمدة 3 شهور مدة الايام 210 طيب هم قالو ان اللي مستفيدين من الضمان ماراح ترتفع عليهم فاتورة الماء والله انصدمت سرق بسرق واضح وضوح الشمس حتى قلت للموظف قالي خليها ع الله حتى حنا زيكم طيب من وين نجيب وانا ما عندي الا الضمان وراتب الضمان 2140 اقسم بالله ماستخدمت هالكميه كانت تجيني فاتوره 13 ريال وبعدها 28 ريال وهالحين 5140 والله بموت من الصدمه من جيت وانا ابكي الله لايوفقهم حسبي الله ونعم الوكيل

حسبنا الله ونعم الوكيل خمسة الاف ليش لو مصنع ماتجي الفاتورة كذا , اتواصلي معهم على رقمهم واستفسري يمكن يكون فيه غلط , وارفعي شكوى ترا ماينفع معهم الا الشكاوي اذا المبلغ صحيح,, والله يعينا وياك

وعليكم السلام
3 شهور مده ايامها 90 وليست 210
اذا اشتكيتي المبلغ هذا حينزل وماتروحي لموظف على المدير على طول
عمي جاته 17467 راجعهم وخلوها 1052 ريال حساباتهم كلها على عماها بالبركه ماشين

__________________
لااله الا انت سبحانك اني كنت من الظالمين .. استغفر الله العظيم
اللهم احفظ بلادنا وولاة امرنا وأمدهم بالصحه والعافيه
ان غبت يوما فتذكروني بدعوة صادقه وان اسأت او اخطأت بحقكم فكونوا كرماء
دخول للمنتدى قليل والمعذره

فعلا 210 يعني 7 شهور والله من الصدمه ضيعت وصحيح مكتوب بالفاتوره عدد الايام 210 لان دايم ماتجيني الفاتوره على طول كله استعلم عنها بالصراف بس ماتصدر واليوم سمعت الناس جتهم فاتورة الماء زايده خفت ورحت الشركه واخذت الفاتوره وانصدمت واخوي والله دخل على المدير ولا قال شي بس خلها تدفع حالها حال الناس الارتفاع بالفواتير على كل الناس اخوي قال بيروح الوزاره وبيشتكي وان شاء الله خير

الله يعين كان الماء 10 ريال او 13 وهالحين بالله يخلونها 500 ولا 1000 حسبي الله عليهم والله شي يقهر صدقت اخوي يحسبونا مصنع انا م حرق قلبي إلا يوم يقولون المواطن اللي من الدخل المحدود ماراح يتعرضون له وهم اعصرونا عصر

خليهم يجون ويقرأون العداد مره ثانيه مستحيل 3 او 5 تصل لهذا الحد ولو الواحد فتح الصنبور وخلاه شغال 24 ساعه شغال مايصل قراءتهم الله اعلم فيها المهم عندهم ادفع وخلاص
وبعدين الفاتوره اخذتيها وقدمتي على الضمان

لا الضمان ماعندهم فاتورة الماء بس فاتورة الكهرباء يعني الضمان الان طبقو دعم فاتورة الماء عشان اروح بكره لهم واسجل فاتورة الماء والله عارفين كله نصب وكذب بس ندفع غصب عنا وش نسوي الله يفرجها ربي يجزاك خير ع ردك واعطائي الحلول لهل مشكله

فيه عندك مشكلة راجع اقرب مكتب عندك وقدم اعتراض يوجدلديك تسرب

مدام الوضع كذا نجلس على الوايت احسن