الســلام عليكم ورحمه الله
انــأ عندي راس مـال وحــابه افتح مقهى بسسيط يعتمد على القهوه والمشروبات والحلويات في مول لكــن حــابه اعرف كم تكلفته وايش ابداء فيه من اجراءات وتراخيص والخ ــ ومن عنده فكره عن اسـعار الايجـار في المملكه مول او حيـاه مول او بنورمـا او الرياض غاليري .. وهل تشوفون المواقع منـاسبه .؟ وهل تـايدوني في افتتـاح المقهى ؟اتمنى تفيدوني وشـاكره لكــم جدا

السلام عليكم
أولا المولات تعج بمثل هذه المحلات
ثانيا لابد يكون عندك هالهواية لأنها بالضبط مثل هواية الرسم والفنون الطبيعية تتطلب روح ومعنويات أبداعيه
لا يهمك الشركات الكبرى لأنها تضح أموال وتخسر وهامش ربحيتها محسوب لأنها تستند راس مالها من المكان واقبال الناس عليها
والغالب حنا شعب مقلد شفنا الكثرة على المكان صرنا نحبه
أنصحك تشوفين مكان غير المولات يعني محلات بجنب المولات او مدن الملاهي
القهوة ومنتجاتها متعدده وانتي بنت يعني طبيعتك الأبداع في هالمجال سوليك طريقة مثلا نوع الكاس الورق برسوم بنوتية أو طفولية
راس مالك حطي علييه ربع قيمته أحتياط للطواريء
استوردي القهوة من برا المملكة الكل اولهم الرفاعي يبيعون من المخزن والفايض عندهم الشركات الكبرى عندها مصداقية
الملك سلمان الله يطول بعمره فتح باب البيع للشركات يعني سالفة وكيل حصري باي باي
الحين
الفكرة
شوفيلك نوعية ممتازة من الجلسات يعني تختلف بس ما تكون عالية القيمة ربعنا مهما كانوا راقيين ما يتعاملون بأحترام مع الأثاث للأسف
يعني كل 6 شهور يبيلك تعديل فلابد يكون اثاثك صلب ويتحمل
فيه فكرة الأثاث بالسعف اولا رخيص وثانيا روعه ف الشكل
لو حبيتي اروح لصاحب الديكور بأبداع السعف هو عندي قريب في الدرعية اشوف رده ولما يوافق اوصلكم ببعض
لله هالموضوع وتشجيع لك
المهم نعمل بهدوء وثبات
وشكرا

اذا لم يكن لديك فكرة مميزة وحلى مميز وقهوة مميزة وديكور مميز ومال فائض عن الحاجة فابتعدييييييييييييييييييييييييييييييييييي

تكلفة ايجار المتر في تلك الاسواق من بحر 4000-5000 التكلفة خيالية مع التجهيزات افضل حل الاشتراك مع 4-6 اشخاص مقربين لك بشرط ماذكرته في السواق وبالتوفيق

سبق حاولت قبلك لكن المولات المشهوره رفضوا يأجرونني
يقولون لازم تكون مشهور او معك ماركه
عموما اذا لك علاقه او وافقوا يأجرونك ممتاز جدا
حتى لو كان الاجار عالي
وانا ممكن ادلك على من يزودك بالدونات والكروسونات الموجودة في ( شاي مغربي) وبأسعار طيبه

بالتوفيق

ماودي احطمك

ولكن من خلال تجربه شخصية


المولات استحاله انك تفتحين فيها مطعم او مقهى وهالشي انا سعيت فيه الى ان تعبت



شرط اساسي عشان يقبلون ان يكون لك فروع ومعروفين يعني مو اي واحد يقبلون يفتح عندهم



وغير هذا الإيجار يحسب بالمتر يعني يأجرونه المتر بسعر وقدره ويختلف من مول الى مول فيه بـ 2000 ريال واتوقع اقلها وفيه بـ 3000 ريال يعني لو تاخذين 10 متر في 10 متر ايجارها 300 الف


وللمعلوميه عندهم قوائم انتظار يعني ماتحصلين شي فاضي انا زرت غرناطه وحياة مول وصحارى وعدة مولات واخر شي اقتنعت انه مافيه امل ولا عندي مشكله في الايجار ادفعه ولكن المشكله الموافقه