السلام عليكم.
فصلوني من العمل والحمدلله قبل خمس شهور والان باذن الله ابي ادخل العمل الحر بدون مذلة أحد. فاليوم ان شاء الله بدفع عربون لمحل موجود في الشرقية بحي جديد يمكن فيه 40 فلة مسكونة ولا في الحي اي محل تجاري قائم لقيت لي مجمع محلات وناوي استرزق الله المحل عبارة عن فتحة دورين الدور اللي تحت مساحته 85 تقريبا وفوق فيه نص دور تقريبا ابي اخذ فتحتين جنب بعض وافك الجدار تكون المساحة 170 تحت وفوق تقريبا 60 متر سعر الفتحتين ب 50 ألف.. وناوي اسويها تموينات (سوبر ماركت صغير) .

انا جديد في البزنس الشخصي ولا افقه شي بس ان شاء الله الواحد بيخاف على حلاله وبيتواجد بشكل شبه دايم.
رأيكم في الفكرة تستاهل او اغير النشاط؟ فتحتين او تكفي فتحة؟ هل سعره مناسب؟ كيف طريقة السيطرة على نظام البقالة ؟ كم احتاج عامل؟ (ان شاء الله بيكون فيه عامل للتوصيل المنزلي) هل اضمن الثلاجات من الشركات نفسها بدون ما اشتري؟ الدور الثاني اقدر اخلي نشاطه اخر تحت نفس مظلة البقالة ؟ (مثلا قرطاسية مصغرة او محل خضار بس ما تكون في السجل؟)
ثقلت عليكم ولكم خالص شكري وتقديري .