يا اهل الخبرة والافكار مطلوبين الله يرزقنا وياكم

منعنع · #1 (**permalink**) 06-12-2016, 02:58 PM

السلام عليكم.
فصلوني من العمل والحمدلله قبل خمس شهور والان باذن الله ابي ادخل العمل الحر بدون مذلة أحد. فاليوم ان شاء الله بدفع عربون لمحل موجود في الشرقية بحي جديد يمكن فيه 40 فلة مسكونة ولا في الحي اي محل تجاري قائم لقيت لي مجمع محلات وناوي استرزق الله المحل عبارة عن فتحة دورين الدور اللي تحت مساحته 85 تقريبا وفوق فيه نص دور تقريبا ابي اخذ فتحتين جنب بعض وافك الجدار تكون المساحة 170 تحت وفوق تقريبا 60 متر سعر الفتحتين ب 50 ألف.. وناوي اسويها تموينات (سوبر ماركت صغير) .

انا جديد في البزنس الشخصي ولا افقه شي بس ان شاء الله الواحد بيخاف على حلاله وبيتواجد بشكل شبه دايم.
رأيكم في الفكرة تستاهل او اغير النشاط؟ فتحتين او تكفي فتحة؟ هل سعره مناسب؟ كيف طريقة السيطرة على نظام البقالة ؟ كم احتاج عامل؟ (ان شاء الله بيكون فيه عامل للتوصيل المنزلي) هل اضمن الثلاجات من الشركات نفسها بدون ما اشتري؟ الدور الثاني اقدر اخلي نشاطه اخر تحت نفس مظلة البقالة ؟ (مثلا قرطاسية مصغرة او محل خضار بس ما تكون في السجل؟)
ثقلت عليكم ولكم خالص شكري وتقديري .

sultaaan · #2 (**permalink**) 06-12-2016, 10:26 PM

السلام عليكم
الله يعوضك باللي خير من الوظيفه
ابتدء بفتحه واحده فقط بتكفيك وتزود ان شاءالله
اذا ماتقدر تتفرغ للبقاله انصحك تترك الفكره وتبحث عن نشاط اخر
البقاله تحتاج تفرغ تام لتستفيد

مونت كارلو · #3 (**permalink**) 07-12-2016, 02:29 AM

باختصار اقول لك اصرف نظر عن الموضوع تماما

منعنع · #4 (**permalink**) 07-12-2016, 05:24 AM

اقتباس:

المشاركة الأصلية كتبت بواسطة sultaaan

السلام عليكم
الله يعوضك باللي خير من الوظيفه
ابتدء بفتحه واحده فقط بتكفيك وتزود ان شاءالله
اذا ماتقدر تتفرغ للبقاله انصحك تترك الفكره وتبحث عن نشاط اخر
البقاله تحتاج تفرغ تام لتستفيد

الله يسعدك مشكور
فكرتي بفتحتين للعوايل عشان الحريم يقدرون يدخلون الفتحة الواحدة ضيقة عرض 4 في 21 متر واكيد بيكون لي تفرغ تقريبا 80‎%‎ ما عندي شغلة غيرها وعندي اخوي وابوي قريب التقاعد يبيله شي يسليه فتقريبا ما رح تكون بعيدة عن الاعين وابي اعرف سالفة البار كود كيف بامكانها تحافظ على بضايعك من السرقة؟
واشكرك مرة اخرى

منعنع · #5 (**permalink**) 07-12-2016, 05:30 AM

اقتباس:

المشاركة الأصلية كتبت بواسطة مونت كارلو

باختصار اقول لك اصرف نظر عن الموضوع تماما

حياك اولا،
ثانياً ليه ابعد وش السبب؟
مريت على بقالة فتحة وحدة قريبة من الحي اللي باخذ فيه يشتغل فيها يماني ضيقة البقالة دردشت معه شوي يمدح شغل البقالة بالذات وسألته تدخل خمس الاف يوميا؟ قال اكثر وبملامح وجهه تقول يمكن يدخل 10 بالراحة الله يرزقة فالألف يكون الربح 150 تقريبا نعمة من الله، استغربت من ردك اتمنى توضح وجهة نظرك يا مونت.

وابغى ابداء وجهات النظر من الجميع لتعم الفايدة لا هنتم.

محب الجغرافيا · #6 (**permalink**) 07-12-2016, 08:53 AM

الله يوووووفقك يارب أستخر قبل كل شئ وحط ببالك قاعدة أنه لازم تتفرغ لهالشئ

منعنع · #7 (**permalink**) 07-12-2016, 03:20 PM

اقتباس:

المشاركة الأصلية كتبت بواسطة محب الجغرافيا

الله يوووووفقك يارب أستخر قبل كل شئ وحط ببالك قاعدة أنه لازم تتفرغ لهالشئ

الله يسلم قلبك ويرزقنا وياك وان شاء الله يتم التفرغ

منعنع · #8 (**permalink**) 07-12-2016, 03:22 PM

افا يا هل الخبرات وينكم تساعدون اخوكم ولكم الدعوة.
قربوا لا عدمتكم

مونت كارلو · #9 (**permalink**) 07-12-2016, 03:29 PM

وانت صدقت اللي قالك يبيع بأكثر من خمسه الاف في اليوم ؟
وعلى فرض انه صادق مو شرط تكون زيه !!

عموما لاسباب كثيرة قلت لك اصرف النظر من ضمنها موقعك مو تمام وشو حي فيه 40 فيلا
البقالة اذا ماكانت في موقع تمام ماتسوى

احسب مصاريفك التشغيلية الشهرية بشكل سريع
ايجار 4200
فاتورة كهرباء ماراح تقل عن 2500 ريال لان كله ثلاجات وفريزرات ومكيفات
راتب العامل خلنا نقول 1500
مصاريف ورسوم حكومية خلنا نقول 300 ريال ( وياعالم بيجي زيادة ولا لا )
500 ريال هامش مصاريف عامة وتلفيات وصيانة وانتهاء تاريخ صلاحية .... الخ
الاجمالي 9000 ريال شهريا

يعني يبي لك تبيع يوميا بالفين ريال عشان تغطي مصاريف التشغيل فقط

نصيحة اشتغل في بنده او التميمي وخذلك 5000 شهريا وتأمين طبي وبونص وعمولات احسن من بقاله في حي ناشئ يمكن ماتبيع في اليوم ب 500 ريال او حتى الف ريال