المشاركة الأصلية كتبت بواسطة للصمت حكاية

المشاركة الأصلية كتبت بواسطة خالد9145

[FONT="Arial"][SIZE="5"]

السلام عليكم ورحمة الله وبركاته

البطالة اخخخ يالبطالة تحس ان الدنيا مسكرة في وجهك ولا لك مستقبل والوظائف وإن توفرت فهي اما شاقة او قليلة الراتب او بعيدة او او او والقائمة تطول وانتم عارفين
نعيش في واقع حارس المرمى يستلم عشرات الالوف بينما حارس الامن 3 الاف
واقع غير منطقي ابدا, مطالبون بشهادة جامعية وان ندرس وندرس وندرس للحصول على وظيفة جيدة
والعجيب في الامر ان هذه الوظائف في معظم الاحيان لا نستخدم فييها ربع ما درسناه !!
لو سألنا طلاب الجامعات هذا السؤال : هل تدرس طلبا للعلم بحد ذاته او لضمان الحصول على وظيفة براتب ممتاز؟
اراهن ان اكثر من 90% راح يقول (اكيد عشان الوظيفة الزينة والفلوس)
جميل جدا الفلوس هي الشئ اللي اصلا عشانه جلسنا نكرف 12 سنة على الاقل وكلها ندرس بالطيب بالغصب تحب الدراسة ما تحبها بتدرس يعني بتدرس
ايواااه هنا اغفلنا عقلنا ومشينا ورا قوانين وضعية اوهمتنا ان الدراسة هي الحل الوحيد المضمون لمستقبل وظيفي ناجح وبالتالي مستقبل مالي ناجح
صار كل من يترك الدراسة يوصف بالكسول عديم النفع مهما كانت قدراته العقلية والجسدية ممتازة
يا سلام اذا حنا متفقين ان العالم يمشي على نظام غير منطقي , صحيح الدراسة شئ طيب ولها تأثيرها الايجابي على الشخص وانا لا اعترض على الدراسة بحد ذاتها انما اعترض على انها مرتبطة ارتباط قوي بالوظيفة والفلووووس


طيب تفاءلو بالخير وشوفو اجدادكم الله يطيل بأعمارهم ان كانو احياء ويرحم الميتين منهم,بعضهم أمي لا يقرأ ولا يكتب ومع ذلك وفقه الله وتزوج وامتلك بيت وسيارة وغيرها من الامور اللي حنا اصحاب العلم ما امتلكناها ونشوف انها صعبة في هالزمن او على الاقل بالنسبة لي حتى لا أعمم
طيب وش السر وشلون اقدر افلح واكسب رزقي في هالزمن ؟
يا سلام عليك كلام منطقي وواقعي الحين بدأنا الموضوع ,سر اجدادنا يا طويل العمر انهم على وقتهم ما كانت عندهم ملهيات وكان رعي الغنم والزراعة هي هوايتهم وتسليتهم والطريقة اللي يقضون فيها وقتهم ويكسبون رزقهم
واكيد اغلبنا سمع هالكلمة من جده (ايييييه وانا ابوك عبرت زماني ولا كنت متصور ان هالخير كله بيجي بس الحمدلله ربي وفقني)
جميل جدا هذا هو السر انهم كانو يسوون الشئ بالخيار لا بالاجبار وكانو يحبون مهنتهم
وحنا للأسف مجبرون على دراسة ومجبرون على وظيفة لا نحبها
طيب يعني وشلون نرعى غنم وبنلقى الرزق ؟!!
ههههههههههههههه لالا طولو بالكم
انت لك الحق ان تعيش الحياة اللي تبيها بالخيار لا بالاجبار ولك الحق انك تختار الطريقة اللي تبيها لكسب الرزق دامها حلال , وبالمناسبة الوظائف هي في النهاية تعتبر دخل محدود لكن الدخل العالي يكون من مشاريع واستثمارات واعمال حرة ممكن انها تخليك ثري جدا وما يخفا علينا قصص التجار والناجحين كيف كانت بداياتهم .
طيب تعالو نشوف وش المشكلة وكيف نحلها , انت ولله الحمد شاب لا عليك اي التزامات تجاه اي احد لا زوجة لا ديون لا ايجار شقة ولا ايجار سيارة (هذا افتراض من عندي وحتى لو عندك بعض الالتزامات مو مشكلة)
يعني من الاخير انت كل اللي تبيه 1000 ريال في الشهر تقريبا عشان تغطي اكلك وشربك وبعض المصاريف الاساسية.
ايواااه تعرف وش يعني هذا يعني انك مجرد ما تحصل الف ريال بطريقتك الخاصة تخرج من مسمى عاطل عالة على اهلك والكلام هذي منطقي وواقعي بل بالنسبة لي اعتبره حرية مالية واستقلالية وسعادة
يالييل وشلون يعني بس اجيب الف ريال في الشهر واجلس طول العمر على كذا يا شيخ رح بس
ههههههههههههههه لالا طول بالك
يا اخوان المسألة عبارة عن تحديد اهداف وهذا بس كان الهدف الأول كيف اخرج من مسمى عاطل , بالنسبة لي اشوف 1000 ريال هو الحد الأدنى اللي لازم استلمه شهريا بالطريقة اللي انا احبها
عشان اخرج من مسمى عاطل فعليا طبعا الناس لسا بتبقى في نظر عينهم عاطل بس مثل ما اقتنعنا انهم غافلون عن الحقيقة ويعيشون في واقع غير منطقي واتفقنا على ذلك
ايواااه رجعت أأكد على (الطريقة اللي احبها) مثل ما كان اجدادنا يسوون ,طيب وكيف اجيب هالألف وش الحل, الحل يا طويل العمر انك تسأل نفسك هل تقدر تتحمل الكرف البدني يعني مثلا اذا انت تحب تفرفر بالسيارة وتطلع كثير فيه تطبيقات على الجوال يصير كأنك سائق اجرة وطبعا ميزته حلوة انت رئيس نفسك وانت تحدد متى دوامك ورزقك يجيك على قدر اجتهادك ,وفي نفس الوقت يمكن انك تهوى الشئ هذا ويتطور مع الوقت وانت كذا حر ما فيه دوام معين محكوم بساعات ولا اي شئ من هالقوانين الوضعية السخيفة الغير منطقية كما اسلفنا سابقا

باستخدامك لهذا التطبيق فإن مشوارك الاول هو ربح لك بدون رأس مال والله فرصة جميلة ,مشوار واحد غطا تكاليف عيشك ومع الاجتهاد انظر اين تصل
طيب انت ما تحب السواقة , وش رايك مشروع صغير راس ماله ما يتعدى 500 ريال تشتري بضاعة وتبيعها قدام اي مسجد او في المنتزهات ,تعالو نشوف وش مميزات هالمشروع:
انت الرئيس وعمل حر وراس مال بسيط ومدة العمل ما تتجاوز نصف ساعة الخسارة فيه شبه معدومة لأن البضاعة مصيرها تنباع او حتى تستخدمها
واختر اشياء مرغوبة من كل الاجناس والانواع يعني مثلا خل بضاعتك شرابات وملابس داخلية , ان ما انباعت راح تستخدمها في كل الحالتين كسبان

طيب نرجع للسؤال مرة ثانية انت ما تحب ترهق نفسق جسديا ولا لك في التجارة وما تحبها , اسأل نفسك هل تحب الاعمال اللي فيها تفكير واتخاذ قرارات
عادي جدا انا مثل ما قلت لك دائما خل الهدف الاول انك (تسوي شئ تحبه) والدنيا ما راح تنتهي حتى لو فشلته في مشاريعك الصغيرة , انت ما راح تموت من الجوع ! نعم يا اخوان ارفعوا معنوياتكم
طيب نرجع لموضوعنا فلووس تبي فلوس من اجتهادك وعشان كذا لازم بذل مجهود ,واتفقنا ان المجهود يكون جسدي وتكلمنا عنه اوعقلي ويتطلب تفكير والمجال الوحيد اللي راح يوفر لك هالنوع من الاعمال هو الانترنت على حد علمي .
يا سلام جالس في بيتك وما عندك اي مشكلة تجلس بالساعات على الانترنت وطبعا اغلبنا كذا طيب النت بحر ومجالاته كثيرة تقدر تسوي لك مدونة او يوتيوب (طبعا فيه اشياء ثانية مثل البرمجة وتصميم مواقع وبيعها وغيرهاابحث عنها ممكن تستفيد)واذا صرته مشهورتكسب فلوس من الاعلانات اللي تجي على مدونتك او اليوتيوب ,ايوااه ادري بتقول يا رجال طفسة كلها كم هللة ومشوار عشان ارفعها ,معليك انا فاهمك ودارس كل شئ وكل ردود الفعل في البداية احب اقول لك تشوف شركة قوقل العملاقة هذي بكبرها حصة كبيييرة من ارباحها تعتمد على الاعلانات
,طيب من وين لي اصير مثل كبر قوقل ومن ين لي كل هالافكار اللي بتخليني مشهور اصلا وحتى بعضها يمكن يبي له ميزانية
طيب فيه مجال في الانترنت اسمه PTCوهو عبارة عن موقع يدفع للمستخدمين فلوس مقابل انهم يشاهدون الاعلانات عليه,فعلا فكرته مبتكرة لأن مثل مانتم عارفين الدعايات هي اكثر شئ مسحوب عليه
واغلبنا ما يركز عليها اذا جت في التلفزيون او في الشارع او اي مكان الموقع هذا قال انا راح ادفع لكم بس شوفو الاعلانات وهذا بيخلي الناس تعلن عندي اكثر واكثر لأنهم يعرفون ان المشاهدين راح يتابعون الاعلان بتركيز دام ان الدعوا فيها فلوس.
اييه يا رجال اعلانات كل اللي مطلوب اشوفها هذي مقدور عليها بس ما قلته لي كم يعطون ؟ هم بيعطونك بس كم هللة على الاعلان الواحد.
يالييل رجعنا للهللات وش ابي بهللات لا تعيشني ولا شئ, صحيح كلامك ومنطقي واحترمه وبرضو نفسه موقع الاعلانات هذا عارف الشئ بعد عشان كذا عندهم طريقة ترفع فيها دخلك من هللات بسيطة الى دولارات كثيرة لا محدودة حرفيا
طيب تراك حمستنا وشلون نجيب هالدولارات اللي تتكلم عليها ,قبل ما ادخل في التفاصيل خلوني اوضح لكم فكرة الموقع اكثر واكثر , انتم عارفين ان الموقع من صالحه يكون عدد المستخدمين كثير وبالتالي يجون ناس يحطون اعلاناتهم عنده ويضمون مشاهدات اعلى وبالتالي فرصة اكبر للاقبال على منتجاتهم ياسلااام كل شئ منطقي في هالموقع المعلن والموقع والعميل نفسه
طيب الموقع يقول انت يالعميل لو قدرته تجيب ناس يسجلون في الموقع ويشوفون اعلاانات ترا بنعطيك عمولة وعلى قد ما تجيب ناس اكثر بنعطيك عمولة اكثر
هههههههههههه يعني باللهي تبيني اراكض ورا عيال الحارة كلهم واقول لهم شوفو اعلاانات في موقع ؟!!
هذي الطريقة الاولى لزيادة الربح ,والطريقة الثانية نظرا لأن الموقع يعرف ان الطريقة الاولى صعبة قال راح اعطيك ناس يشوفون اعلانات (لان الموقع اصلا عنده الاف المشاهدين)
ويكونون تابعين لك وتاخذ عليهم عمولة كل ما شافو الاعلانات بس ترا تستأجرهم بفلوس رمزيه كم هللة برضو , يعني باختصار الطريقة الاولى تجيب ناس تعرفهم انت شخصيا ببلاش
الطريقة الثانية تستأجر ناس من الموقع بفلوس تدفعها للموقع بسيطة كم هللة
ياخي انت لسا تتكلم بالهللات وين الدولارات متى بتجيني ؟ الدولاارات يا طويل العمر اذا تبي اقل ربح ملموس يعني تقريبا 20 ريال في اليوم
لازم يكون معك على الاقل 2000 واحد يشوفون الاعلانات وطبعا رقم كبير الحل الوحيد انك تستأجرهم من الموقع
طيب كم يبي لي وقت عشان اجيب 2000 واحد عاد هنا كل واحد وامكانيته,اذا انت والله واحد مستعد ياخذه كمشروع جدي ويستثمر 5 الاف ريال او اكثر
تقدر خلال ثلاث شهور ,واذا تبي الدعوى مجانا ترا تبي تصبر فترة طويلة يمكن 3 سنتين على الاقل وطبعا هذا شئ منطقي لأنه دائم الفلوس لها تأثير على انجاز العمل .
وغيرها الكثير من المجالات وفرها لنا الانترنت وانتم عارفين مايكروسوفت وفيس بوك وتويتر جعلت اصحابها مليارديرات ! ارسم خطتك وليكن هدفك الاول 1000 ريال شهريا واعتبره انجاز وبعد كذا اي فلوس زايدة فكر تستثمرها وبالنسبة لي اشوف الاسهم هي انسب خيار لأنها رخيصة واسهل شئ تبدا فيه بعض اسهم الشركات ما يتعدى سعر السهم 10 ريال والفكرة انك تشتري اسهم وتخليها عندك تخزنها ولا تفكر تبيعها انت نيتك استثمار طويل الاجل (اكثر من 20 سنة) وراح تلاحظ ان كل سنة راح يوزعون لك ارباح على كل سهم شريته في الغالب نصف ريال ,
ومع الوقت راح تلاحظ ان فلوسك تزيد وبتكون قادر على الاستثمار في مشروع ثاني وهكذا .. في الختام احب اقول على قدر اجتهادك بتنال نصيبك , فلا تستحقر شئ خاصة العمل عن طريق الانترنت بعضهم ما يعترف فيه لأن البداية يكون الدخل جدا قليل ولكن الامتيازات انك رئيس نفسك وتحدد متى تعمل على كيفك , بينما الوظائف العادية دوام 7 ساعات على الاقل ورواتب متفاوته وغير ان الموظف يمكن ما يكون راضي بعمله ,,