شوفي فكرتي ونوروني بأقتراحاتكم

أم المزعجة · #1 (**permalink**) 11-12-2016, 02:47 PM

السلام عليكم

فكرتي تطوعية وهي أعطاء دورة في الحاسب الآلي للمبتدئين
طبعا مؤهلاتي ودوراتي تسمحلي ..

والمكان منطقة نائية بعيده عن المعاهد والمراكز اللي ممكن تعطي دورات
والفكرة نشأت من طلب الأخوات في نفس المحافظه محتاجات كثيير تعلم مبادئ الحاسب على أقل ومو مهم الشهادات عندهم
وهذا اللي خلاني أشوف الموضوع سهل

فاحصلت المكان فقط طلبت مني صاحبة المركز رسوم لأستخدامي المركز
لكن واجهتني عقبه وهي محتاجه أجهزة كمبيوتر

أخواني وأخواتي اللي هنا أنتظر أقتراحاتكم ونصائحكم للفكرة

sultaaan · #2 (**permalink**) 11-12-2016, 04:04 PM

عليكم السلام
فكره جميله الله يوفقك
الاجهزة الان سعره رخيص جدا اشتري مجموعه ومادام المنطقه نائيه اعملي الدورات في بيتك خصصي احد الغرف وجهزيها ووفري المبلغ

نقطة فرصة · #3 (**permalink**) 11-12-2016, 10:45 PM

الدوره اون لاين افضل بواجد مثلا دوره مدتها اسبوع ساعتين باليوم تكفي

جهزي ورقه وقلم و قسمي من اول يوم ل اخر يوم و اخر يومين يكون للاسئله

و تكون ب بمقاطع بالسناب شات او تطبيق لايف ( مباشر )

تحتاجين مثبت جوال فقط واغلب المثبتات يكون معها ريموت للتصوير قيمته ظ،ظ¥ ريال

و بعدين راح يكون السناب المخصص للدوره جميل و ذو هدف و مستقبلا يكون للاعلانات التجاريه مبلغ رمزي كون

الدوره راح تجذب بنات المنطقه الي عندكم و خارجها

abdullah-91 · #4 (**permalink**) 12-12-2016, 08:48 AM

أنصحك تزورين مراكز الشركات مثلاً توشيبا أو dell او غيرها

وممكن عندهم حسابات على تويتر تقدرين تتواصلين معاهم وتطلبين منهم اجهزه

وقد يكون لك سعر خاص بحكم انك تحتاجين مجموعة وليس جهاز او جهازين

ونا مع كلام سلطان ليه ما تضبطين غرفة فالبيت من و إلى وتوفرين مبلغ اجار المركز ؟؟

المهم ونا اخوك انتبهي تستغلين حاجة الناس لك والله يوفقك ويرزقك

وإذا فيه احد من اخوانك تقدرين تساعدينه ويصير متعاون معك ويكون فيه تناوب على المركز فترة للرجال وفترة للنساء أو تقسمينه جزئين

حبيت أقول كل اللي عندي وأعتذر على الاطاله .

بحثت ولم اجد · #5 (**permalink**) 12-12-2016, 02:32 PM

اطلبي من المتدربات احضار لاب توب اغلب المعاهد سارت تطلب احضار اللاب توب

الجهنية36 · #6 (**permalink**) 13-12-2016, 05:13 AM

عندي جهاز مكتبي استخدام شهر فقط بكامل الطقم من طابعة وفاكس واسكنر وكل شي مواصفاته عالية جدا لدرجة ينفع للشركات معروض بـ 3000 وجهاز لاب توب مستخدم مواصفات متوسطة بـ 800 ريال وعلى ضمانتي لو حابه ارسلي رقمك خاص وارسله لك والفكرة جميلة وممكن تعلمي الأطفال بعد مو بس الكبار وموفقة يارب

أم المزعجة · #7 (**permalink**) 14-12-2016, 04:43 AM

تقديري الكبير لأضافاتكم الأفكار الجميله وجعل الله نصحكم في موازين أعمالكم

وبالنسبة للأخ عبدالله نصيحتكـ على العين والراس لكن أطمئن ولله الحمد لو مفكرة مجرد تفكير بأستغلالهم على الأقل طلبت مبلغ رمزي لكن ماأبي الآالأجر من رب العالمين ودعواتهم لي خاصتاً لأني مغتربة عندهم

نص محامي · #8 (**permalink**) 15-12-2016, 12:57 AM

الله يعطيك العافيه ويرزقك فوق ماتتمنين على فعل الخير

أم المزعجة · #9 (**permalink**) 02-02-2017, 06:35 AM

اقتباس:

المشاركة الأصلية كتبت بواسطة نص محامي

الله يعطيك العافيه ويرزقك فوق ماتتمنين على فعل الخير

اللهم آمين وللمسلمين أجمعين

عاشق المرقاب · #10 (**permalink**) 05-02-2017, 02:56 AM

مو لازم اجهزة كمبيوتر لو عندك شاشة lcd او اي شاشة كبيرة تدعم مداخل الكمبيوتر واغلب الشاشات كذا اصلا
وصليها بالكمبيوتر واعرضي الدرس بإستخدام زر شعار الويندوز اللي جنب alt مع حرف p تأتي عدة خيارات للعرض اختاري مايناسبك

وان حصل ولقيتي معمل حاسب اشترطي وجود برنامج نت سبورت سكول
هذا البرنامج يتيح لك عرض ماتقومين به على بقية الأجهزة