محل جوالات من طلب القرض الى ما قبل الافتتاح

حلم حياتي اتوظف · #1 (**permalink**) 12-12-2016, 06:27 PM

السلام عليكم ورحمة الله وبركاته

في هذا الموضوع راح اتكلم عن تجربتي في طلب قرض من معهد ريادة بالاتفاق مع بنك التسليف لنشاط جوالات ..

وسأسرد فيها جميع التكاليف التي واجهتني حتى هذه اللحظة ..

تقدمت في 05/11/1436هـ الى معهد ريادة عبر موقعها على الانترنت :

و تم قبولي مبدئيا واجراء مقابلة كانت صعبة من حيث اسئلتها ومحاولتهم مقارنة وظيفتي السابقة بالمجال ..

واتوقع انه بسبب تجميعي لمعلومات كثيرة عن النشاط قبل المقابلة كان السبب الوحيد لقبولي لانهم بصراحة كانوا متخوفين من عدم امتلاكي لخبرة في هذا المجال ..

بعد المقابلة اتتني رسالة بالتهنئة بتجاوز المقابلة وتحديد موعد الدورة الي مدتها 1 اسبوع ..

خلال الدورة كان اول يوم تعريف ومحاولة رفع معنوياتنا .. بعد ذلك كان باقي الاسبوع لتعبئة دراسة الجدوى ..

نصيحة لكل من يدخل الدورة احرص ان تضع قيمة كبيرة للايجار لانك راح تواجه ايجارات خيالية من 70-140 الف ريال بالتالي كل ما رفعت قيمة الايجار في دراسة الجدوى كل ما استطعت ان تأخذ موقع افضل .. لأن الايجار الموضوع في دراسة الجدوى هو ايجار 6 شهور يعني لو ايجار المحل السنوي 100 الف البنك يعطيك 50 الف ريال فقط فاحرص ان خانة الايجار تكون عالية 40 الف كافيه وكل ما زادت كل ما كان افضل .

بعد انتهاء من تعبئة الدراسة طلبوا صور هوية وشخصيه وارفقت مع الدراسة وارسلت لبنك التسليف بتاريخ 15/11/1436هـ

بعد ذلك انتهى دور ريادة والان طلبات بنك التسليف ..

ستلاحظ في موقع بنك التسليف في خانة نتائج الاجراءات وصولك للاجراء رقم 6 :

نتيجة الإجراء : تقييم المرحلة الأولية - الشروط منطبقة .

هذه المرحلة يتأكدون ان اوراقك كاملة وان كل شي تمام ..

بعد ذلك في تاريخ 04/12/1436 هـ اي بعد 19 يوم اتى الاجراء الجديد رقم 7 اخيراً

نتيجة الإجراء : تقييم الإقراض - تم الموافقة على القرض

الان اذا وصلت لهذا الاجراء تذهب مباشرة لفرع بنك التسليف ويعطيك ورقة صغيرة فيها طلبات الكفيل وفتح حساب بنكي + فتح سجل تجاري

وايضاً بعد ما تخلص هالطلبات وتعطيها لهم ويقولون لك كل شي تمام ..

هنا يتبقى عليك فقط البحث عن المحل واحرص انك تشوف محل موقعه ممتاز + البنك لا يقبل التقبيل ابداً يعني اي محل للتقبيل يا تدفع التقبيل من جيبك ولا اصرف النظر عنه البنك ماله علاقة بالتقبيل نهائياً ..

اذا لقيت المحل ارجع لفرع بنك التسليف واطلب زيارة للمحل واعطيهم الكروكي وراح يتواصلون معك ويزورون المحل ..

الان تبقى فقط تدفع رسوم القرض وهي 1000 ريال اذا كان قرضك اقل من 100 الف و 2000 ريال اذا قرضك اعلى من 100 الف ..

الان اذا خلصت كل هذي توصل لمرحلة الاجراء رقم 8

نتيجة الإجراء : تم صرف القرض - تم الاعتماد

من اسبوع الى اسبوعين والفلوس في حسابك

هذا الاجراء اتى بعد 4 شهور بالظبط من تاريخ تقديمي لمعهد ريادة احسب حساب هالشي لان بتكون عاطل في هالفترة ..
-------------------------------------------

الان انتهينا من البنك واجراءاته الي ما تنتهي

ودخلنا في المحل وحوسة العمال

تروح لصاحب المحل وتوقع معه عقد الايجار ( نصيحة اطلب ان العقد يبدأ بعد شهر من الان لاعمال الديكور ) راح يتعاون معك اذا شاف الدراهم

الان شوف المحل وايش يحتاج المحل .. هل للمحل لوحة سابقة وتركب عليها استكر فقط ؟ ولا تسوي لوحة من جديد

تكلفة اللوحة شامله كل شي 1200 ريال ..

قبل تركب اللوحة شوف هل المحل فيه باب خارجي او فقط زجاج ؟ اذا فيه باب خارجي تكون ارتحت من هالنقطة ركب لوحتك وامورك تمام ..

لو مافي باب خارجي ركب باب خارجي سحاب يدوي تكلفته 1500 ريال مع التركيب + اشتري قفلين يمين ويسار من 50-200 ريال على حسب رغبتك.. مثل هذا :

انتهينا من اللوحة + الباب الخارجي الان تبقى لك الديكور الداخلي ..

السقف نوعين مربعات مثل هذا :

تكلفته تقريبا 1000 ريال من غير اللمبات + شغل يد الكهربائي

و ديكور جمس بورد مثل هذا :

تكلفته اغلى انا اخترت الثاني وكلفني شامل الكهرباء + بوية + اللبمات 5300 ريال ..

الان هل محلك فيه دور ثاني او لا وهل يحتاج تركب سلم او لا عموما تكلفة الدرج 2000 ريال

الان بقي الجدار وتحتاج تركب لها ديكور انا بما اني صرفت كثير اعلاه قررت ان الجدار يكون الواح خشبية قيمة اللوح الواحد 150 ريال واخت 6 الواح كلفتني 650 ريال + 450 ريال تركيب = 1000 ريال

هذا شكلها وانا اخترت اللون ابيض تقدر تختار اللون الي تبي الالوان كثيرة مرره :

هذي الالواح تركب فيها هوكات وسعر كرتون الهوكات 200 ريال فيه 200 حبة مثل هذي :

ايضا تحتاج الى مكينة تسعير سعرها تقريبا 150 ريال تزيد وتنقص حسب جودتها :

وتحتاج الى طاولات بترينات عرض على حسب المساحه انا فصلت 4 بترينات بتكلفة 2100 ريال مثل هذي :

كذلك تحتاج الى زبالة وانت بكرامة بـ 10 ريال + كرسي كاشير بـ 180 ريال ..

ايضا ممكت تظيف استاندات عرض اظافية بحيث تحطها في زاوية المحل حسب ذوقك ونظرتك للمحل ..

ايضا تركب مكيف اسبلت 24 وحده مع التركيب سعره 2500 ريال ..

اجمالي التكاليف وصلت معي 18 الف ريال وممكن تقل وتكثر معك على حسب الديكور + السلم واذا في ترميم داخل المحل راح تزيد عليك التكاليف ..

الان تاخذ كل هالفواتير مع الايجار وكشف الحساب على فرع بنك التسليف وتقدم طلب للدفعة الثانية عشان تشتري الكمبيوتر + الكاشير + وتشتري الاكسسوارات والمبلغ كافي لتعبئة المحل بكل شي ..

للامانة بقي عليك رخصة المحل انا للحين ما سويتها بحكم تعطل موقع امانة جدة ان شاء الله هالاسبوعين اسويها وهي مهمة ولا راح يجيك مراقب البلدية ويقفل محلك حاول تخلصها باسرع وقت ..

نقطة مهمه يا شباب احرصوا ان اجمالي تكاليف الديكور تتوافق مع المبلغ المحدد للديكور يعني لا تقلل ولا تكثر عن مبلغ الدراسة

اسئل الله لي ولكم التوفيق وجعلها فاتحة خير لي ولكم يارب

الموضوع قابل للتعديل مستقبلا لاظافة الاجراءات الخاصه بالدفعة الثانية والثالثة + رخصة المحل + تكاليف الاكسسوارات + تكاليف الجوالات + بعض الاسرار ( مداخيل ثابته شهريا لك

) ..

وش أختار · #2 (**permalink**) 12-12-2016, 07:08 PM

ماشاء الله بالتوفيق لك
والله يبارك لك

abdullah-91 · #3 (**permalink**) 13-12-2016, 08:43 AM

موفق يابطل والله اتمنى لك كل التوفيق

باين عليك فاهم الصنعه وان شاءالله تكون فاتحة خير لك ولأهلك

حمدان فهد · #4 (**permalink**) 13-12-2016, 10:33 AM

بالتوفيق يارب وان شاء الله يكون محلك من الاشهر على مستوى المنطقة

حلم حياتي اتوظف · #5 (**permalink**) 13-12-2016, 02:55 PM

امين يارب الله يجزاكم خير على الدعاء ..

اي استفسار يا شباب ان شاء الله احاول افيدكم بالي اعرفه ..

اتعبتني ذكراك · #6 (**permalink**) 13-12-2016, 06:02 PM

ماشاء الله بالتوفيق لك
والله يبارك لك
الهمة

عزيز الهلالي · #7 (**permalink**) 14-12-2016, 05:50 PM

الله يوفقك و ييسر امرك يارب شغل نظيف ماشاء الله

لكن ماعلمتنا من وين جبت اللوح و الهوكات واله التسعيرة

وكم عطوك دفعه اولى

حلم حياتي اتوظف · #8 (**permalink**) 15-12-2016, 10:11 AM

اللهم امين واياكم ..

جميع مستلزمات انشاء المحلات من ديكورات واكسسواراتها في جدة في شارع المكرونة مابين شارع فلسطين جنوبا وشارع التحلية شمالا ..

عبد الله 2016 · #9 (**permalink**) 17-12-2016, 02:34 PM

الله يوفقك .. انا مقدم من شهر 11 والى حد الان ما جتني الموافقه عندي كم استفسار
كيف تشوف اجراءات البنك معاك في الصرف وهل اول شي تجيب فواتير بعدين هم يصرفولك و كم قيمة قرضك واستفسار اخير
هل قدمت على صندوق الموارد البشريه للاجل المكافأة وشكرا

حلم حياتي اتوظف · #10 (**permalink**) 18-12-2016, 03:15 PM

اقتباس:

المشاركة الأصلية كتبت بواسطة عبد الله 2016

الله يوفقك .. انا مقدم من شهر 11 والى حد الان ما جتني الموافقه عندي كم استفسار
كيف تشوف اجراءات البنك معاك في الصرف وهل اول شي تجيب فواتير بعدين هم يصرفولك و كم قيمة قرضك واستفسار اخير
هل قدمت على صندوق الموارد البشريه للاجل المكافأة وشكرا

امين يارب واياك ..

انا مثلك مقدم من شهر 11 والان بحمدالله قدمت على الدفعة الثانية ..

انت اي اجراء وصلت ؟ وليش ما وصلتك الموافقة ؟ ياليت تدخل بنك التسليف وتشوف رقم الاجراء ..

اول شي اذا انتهيت من ريادة تتابع مع بنك التسليف وروح تراجع الفرع وتسئل وتتابع ترى لازم تتابع معهم وتسئل وتشوف وش صار على قرضك ووش سبب التأخير ... قرضك حقك محد بيطالب فيه او يهتم فيه غيرك خلها قاعدة عندك ..

الدفعة الاولى يطلبون منك طلباتها بعدين تنزل ..

الدفعة الثانية تستأجر محل + تركب الديكورات + رخصة البلدية ( استثنوني بسبب تعطل موقع امانة جدة )

كل شي تصرفه تجيب فاتورته + صورة للفاتورة بحيث ياخذون صور الفواتير بعد مطابقتها وتعبي طلب الدفعة وبيان بالي صرفته ..

بعدين ينزلون يزورون المحل ويعاينون المحل ويشوفون الي سويته بعدين خلال اسبوع ان شاء الله تنزل لك الدفعة الثانية ..

هذا اخر شي وصلت له وان شاء الله خلال هالاسبوع تنزل لي الدفعة الثانية

محل جوالات من طلب القرض الى ما قبل الافتتاح

قسم مشاريع وأفكار

السلام عليكم ورحمة الله وبركاته في هذا الموضوع راح اتكلم عن تجربتي في طلب قرض من معهد ريادة بالاتفاق مع بنك التسليف لنشاط جوالات .. وسأسرد فيها جميع...

محل جوالات من طلب القرض الى ما قبل الافتتاح

تسجيل الدخول

محل جوالات من طلب القرض الى ما قبل الافتتاح

قسم مشاريع وأفكار

السلام عليكم ورحمة الله وبركاته في هذا الموضوع راح اتكلم عن تجربتي في طلب قرض من معهد ريادة بالاتفاق مع بنك التسليف لنشاط جوالات .. وسأسرد فيها جميع...

محل جوالات من طلب القرض الى ما قبل الافتتاح