السلام عليكم

هذا هشتاق راح نطلقه في تويتر

ماعليكم سوى نسخ هذا الهشتاق ووضعه في تغريده وياليت الكل يشارك فيه احنا واهلنا واصدقاءنا انشروه عشان يوصل صوتنا

هذا هو الهشتاق👇

#الضمان_يطلب_صك_هجران_والمحكمة_ترفض

بصراحه استهتار مابعده استهتار وش هالانظمه الغبيه كيف يقولون جيبي صك هجران والمحكمه اصلا ماهي معترفه فيه قولوا انكم الغيتوا شي اسمه مهجورات بكل صراحه ليش اللف والدوران بعضنا اشتكوا لاكن اجراءات المحكمه تطول لانهم يقولون اما اصلاح او طلاق يعني لازم يحكم الشيخ والاغلب مايقدرون يشتكون لانهم يقولون لو اشتكينا اخذوا اولادنا او بهذلونا وذلونا والشي اللي يبط الكبد انهم مازالوا يمددون الهجر بس من تحت لتحت وللي يبون لاني سالت وحده مهجوره قلت لها ايش سويتي طلعتي صك هجران قالت لا جددت قلت كيف قالت فيه واحد نعرفه بمكتب الضمان مدد الهجر لي سبحان الله ياويلهم من ربي

ونعم بالله يااختي هو القادر على كل شي وحسبي الله ع الظالم

احتا اليوم راسلنا هذي الرساله في حساب الملك سلمان


‏‏âپ¦â€ھ@KingSalman‬âپ© âپ¦â€ھ

@MLSD_SA‬âپ©

‏âپ§â€«#ياملكنا_سلمان_فزعتك_للمهجورات‬âپ©

الضمان طلب صك هجران والمحكمة ترفض اعطاءنا صك الا بورقة رسمية من الضمان والضمان يرفض
وكتبنا في هذا الهشتاق

#ياملكنا_سلمان_فزعتك_للمهجورات

انا توي راجعه من مكتب الضمان ودخلت ع المديره ومعي خطابي وكتبت فيه ظروفي وطلب التجديد مثل ماقال اخونا المنتصربالله ولاكن للاسف رفضت وقالت لازم صك او ورقه تفيد بان زوجك هاجرك من الشيخ وبالنسبه لاقرار ذوي العصبه خلاص وقفناه والحمدلله على كل حال

حسبي الله ونعم الوكيل
ياحبهم لضرر الناس وتعقيدهم ضاعت الاتفاقيه بين وزاره العدل والعمل والتنميه
شوفي محكمه الاحوال شاهدين و2 مزكيين اول يطلع الصك بنص ساعه الان والله ماادري

__________________
لااله الا انت سبحانك اني كنت من الظالمين .. استغفر الله العظيم
اللهم احفظ بلادنا وولاة امرنا وأمدهم بالصحه والعافيه
ان غبت يوما فتذكروني بدعوة صادقه وان اسأت او اخطأت بحقكم فكونوا كرماء
دخول للمنتدى قليل والمعذره

فكوووونا من مذله اباء عيالنا الله يرضى عليكم وسلمونا السلطه على عيالنا

والله العظيم ماراح يصرفوا عليهم

افهموها ياجماعه ليش قدمنا بالضمان الا انهم مايصرفوا

وانا واتكلم عن مليون وحده غيري

ما ابغى اشتكي ابو ولدي لأنه راح يحقد عليا وعليه

راح ياخذ الولد مني قسرا باي طريقه عشان يقهرني ليش امرمطه محاكم

مراح يفهم ابدا انه هو مقصر او انه مايبا يشيل مسؤوليات

كل الي حيفهمه انه هذه الانسانه دخلتني محاكم واقسام وراح انتقم منها

اول شيء يلوي ذراعي ويشيل ولدي - وصارت كثير بالواقع بيني وبين طليقي - ومايرجع الولد الا بواسطات من اهله

ثاني شيء نفسه الطفل تصير سيئة جدا

الطفل متعلق بامه ولو حرموه منها يتعقد

يرحم امكم وصلوا كلامنا للروس الكبيره ليش يصعبوا علينا تحصيل الراتب الوحيد الي نصرف منه على عيالنا ليش مستكثرينه وليش يحطون شروط مالها حل

انا انسانه مستعده ينقطع الضمان ولا اشتكي ابو ولدي لأنه سهل جدا ياخذ الولد ممكن من روضته ممكن من شيء وع بال مايرجعه تكون ساءت نفسيه الولد