تجربتي مع أول مقابلة بحياتي .. و ظلم القطاع الخاص ( رفضت الوظيفة )

9afwan · #1 (**permalink**) 29-12-2016, 09:17 PM

السَـلام عليكم و رحمةٌ من الله و بركاته

كيفكم ، إن شاء الله تكونوا بأحسن حال ؟

حبيت اليوُم أذكُر لكم تجربتي الأولى في المقابلات الشخصية
كِنت متخوف جداً .. و انا من النوع اللي يجري كُل صباح فصرت أدرب و اسأل نفسي
حتى و أنا اعمل رياضة < من كُثر الوسوسة .

المُهم أرسلت لشركة السيرة الذاتية حقتي على الأساس بكون ضمن طاقم
خدمة العُملاء ، جيتوا بالواتس أب و كلمتوُا و قلت السلام عليكم
و شرحت له الموُضوع المهم قلي ( رجاءاً أرسل السيرة الذاتية ) < لا رد سلام و لا شيءِ

المُهم طنشت و بالفعل أرسلت له السيرة الذاتية و أنا كنت اسوق و رايح ادور وظائف
المهم رد علي الليل و قلي مقابلتك بكرَا ..
و يجي موعد المقابلة و احط انواع العوُد و لبست شماغ البسَام

و جزمة رسمية الله يكرمكم .. المهم ادخل الشركة اتفاجئ برجال و بنات
النظام خُليطي .. قلت خلاص مشيها يا صفوان و لا تدقق
و يجيني مصريِ و قلي عبي ورقة ( كأنوا معروض للملك مو ورقة توظيف ) !
المهم اعطيتوا على جوه و عبيت الورقة و جاء مسؤول التوظيـف
و يسلم علي و الحقيقة كان محترم لأبعد درجـة
دخلنا مكتب .. و قام يسألني
إيش اسمك ؟ و إيش مؤهلك العلمي
فقمت اقولوا .. اسمي كذا و مؤهلي ثانوي و بتخرج من الجامعة بعد اسابيع قليلة
و اخذنا الكلام .. المُهم الرجال اعُجب بشخصيتي و قدم لي عرض توظيفي مُباشر
بس الله وكيلكم زي .. الزفت
يقولي بحطك بإستقبال < معن كان تقديمي لـ خدمة عملاء
المهم قَال : بحطك بالاستقبال لأن لسانك حلوُ من يوم ما خشينا
قلت انا : اوكي جميل .. < لحد الان ما سألت عن الراتب < ما ابغى ابغاتوا < يعني ثقيل و كذا
فجاءه مسكني انا و ثقلي ضربنا بعرض الحايط و تفل علينا كمان

يقولي الراتب 3000 الاف !!!!!!
قلت مع البدلات و حذف التأمينات كم يصفى ؟ قال : 2700 ؟
قلت له : اها ..

قَال هاه إيش رايك < بقلبي أقول ( اصقعه بالدباسة ذا ؟ ولا ايش اسوي معاه ) !
المهم رديت و قلت له خير إن شاء الله . أتركني أفكر
قلي انت المشكلة ما عندك خبرات وظيفية
من الزعل و الصدمة ما رديت عليه .. رغم إن عندي خبرات وظيفية
زي التدريب العملي أيام الجامعة و كذا

..

معقولة عشان خبرات تخسف بي و تخليني 2700 ؟
تدروا إيش المُشكلة ؟ المشكلة إن الدوام من 8 صباح إلين 6 مغرَب !
و يوم إجازة .. طبعاً بعد ما صرعني بهذه الأشياء قلك يبغى يسوي لي مفاجأة
قال : لك 6 شهور لو أثبت نفسك لك وظيفة مساعد اداريِ براتب كويس مرهَ
قلت طيب .. المهم أرد لك خبر بعد أيام
و أطلع و نفسي مسدودة ، مواصل 24 ساعة و قبلها كنت ببنـك إنماء !
يخي قسم بالله صرعة و صدمة و جلطة بنفس الوَقت !

خِير إن شاء الله خِير ! :D
أنا ما أحب اتحلطم كِثير لكن لو الوظيفة بـ 3500 والله لاخذها
لكن 2700 ؟ < خخخخخخ مستوعبين ؟
المهم اللي يبغى الوظيفة يجيني .. اعطيه إسم الشركة
الشركة بجـدة بحي الشرفية

يلا عاد علقوا على الموضوع و ترا مره متضايق

!
و مواصل 24 ساعة .. و لا نمت من كثر التفكير و الهم

كان معكم أخوكم:9AFWAN..

تجربتي مع أول مقابلة بحياتي .. و ظلم القطاع الخاص ( رفضت الوظيفة )

إستفسارات ونتائج وظائف القطاع الخاص

السَـلام عليكم و رحمةٌ من الله و بركاته :w كيفكم ، إن شاء الله تكونوا بأحسن حال ؟ حبيت اليوُم أذكُر لكم تجربتي الأولى في المقابلات الشخصية كِنت...

تجربتي مع أول مقابلة بحياتي .. و ظلم القطاع الخاص ( رفضت الوظيفة )

تسجيل الدخول

تجربتي مع أول مقابلة بحياتي .. و ظلم القطاع الخاص ( رفضت الوظيفة )

إستفسارات ونتائج وظائف القطاع الخاص

السَـلام عليكم و رحمةٌ من الله و بركاته :w كيفكم ، إن شاء الله تكونوا بأحسن حال ؟ حبيت اليوُم أذكُر لكم تجربتي الأولى في المقابلات الشخصية كِنت...

تجربتي مع أول مقابلة بحياتي .. و ظلم القطاع الخاص ( رفضت الوظيفة )