السلام عليكم ورحمة الله وبركاته

عندي سؤالين يخص قريب لي عنده ضعف بالنظر ومسجل بالضمان بعد سنتين وقفوا الضمان وطلبوا تقرير
رحت معه للمستشفى عطوه موعد ثلاث اشهر بعد ماوصله قالوا مو عندنا روح للتخصصي
راح للتخصصي وصل للدكتور العيون وقاله ابي تقرير فحص قال روح للتقارير قال عطني ورقة عشان اروح للتقارير
قال لا ماعطي راح للتقارير رفضوا بحجة لازم ورقة من الدكتور اللي كشف رجع للدكتور قال لا ماعطي هم يعطونك
بعد اخذ وعطى اخيرآ اخذ ورقة وكتب ارجوا اعطاه تقرير راح للتقارير تورطوا!! قالوا خلاص تعال بعد اسبوع
رجع ماحصل نفس اللي قال تعالوا بعد اسبوع المهم حصلنا ناس تفطر وتشرب شاهي وحليب وضحك وقالوا لا مانعطي تقارير المهم عالم قذره ماتاخذ منها لاحق ولاباطل
ولايعطونك وجهه بالله سؤال هل اللي يطلبه ممنوع هل التقرير كل هالصعوبة يعني لازم واسطة عشان تقرير حق من حقوق اي شخص ؟؟!!

السؤال ماذا يفعل وكيف الطريقه لان كل المستشفى لامدير ولاموظفين يعرفون وين الله حاطهم ابي كيف نبدا من جديد بطريقة صحيحه ونحتج بها على اي موظف جااااااااااااااااااااهل

ثانيآ التاهيل الشامل يقول النظر ملغى موقف له سنه هل هالكلام صحيح ولاتصريفه

رجاء اللي يعرف اي شيء لايطلع بدون يفيدنا

الله يكون بالعون صدقت بعض الموضفين الله المستعان لكن اذالك نصيب في الاعانه راح تأخذها تتيسر انشاء الله تابع المنتدى وتويتر موقعهم وشف الاخبار باقي مهله 3 اشهر

بخصوص مهله مرحله التقارير المرحله الثانيه وهي خاصه لمستفيدي التاهيل فقط لاتشمل الضمان

حالة ضعف النظر ملغى من النظام .

اخوي شوف لو مستشفى المغربي قريبه منك الي اعرفه

انها معتمده لدى الوزارة يكشف عليك ويطلع لك تقرير وريح نفسك من زحام المستشفيات الحكوميه