السلام عليكم

انا فتاة لدي مبلغ فوق ال 200 الف ولله الحمد

كان المبلغ 100 الف على ما اظن بعد 3 سنوات اصبح 200 الف وفوق

بمعنى زيادة 40% كل سنة تقريبا

مو انا اللي اسوي المشروع ولد عمي واخوي هم يسوون مشروع وياخذون نسبة طبعا

لكن اريد مشروع يحقق لي ربح اكثر مثلا 50% او 60% على الاقل

بدون ما اتعب ودوخة وغيره يعني احد يديره لي ويكون ثقة لا تقولين احد من قرايبك لان قرايبنا اتوقع كلهم مشغولين والله اعلم

واللي يجيب لي حل له مني خمس مئة ريال والله شهيد على ما اقول والسموحة على القصور والمبلغ الضعيف

نصيحة لوجه الله المال السايب يعلم السرقه ياخوك قليل مستمر خير من كثير منقطع

اذا عندك ولد عمك وشغال مشروعهم خلي الوضع مثل ماهو عليه لما تفتحي مشروع خاص فيك وتشتغلي فيه افضل بنفسك وعلى شوف عيونك اضمن لك

مشروع ومربح وبدون تعب

طلباتك صعبه شوي

1/ منتج بالجمله من علي بابا
يعني اختاري منتج واطلبي كمية معقوله لا تكثرين
2/ مندوب تسويق سواء بنسبة او راتب
المندوب حتى لو اجنبي وشاطرين في التسويق بس خلي معك صوره من اقامته
وفاتورة تسليم واستلام طلبات
وبالتوفيق

السلام عليكم ورحمة الله وبركاته

ما دام مشروعك مع أقاربك ناجح أخوك وولد عمك استمري معاهم ولا تخرجي إلا إذا شعرتي بأنه غير مجدي

أما بخصوص بيتكم الجديد فاصرفي عليه من الأرباح وخلي رأس المال في المشروع السابق

وهكذا!! يعني رأس المال 100 ألف خليه واسحبي الارباح

هذا أفضل شيء وأنا أنصحك فيه والله أعلم

السلام عليكم
عشان المبلغ جاك بسهوله وبدون تعب تاكلك يدك ودك تضيعينه أحمدي ربك أن الله وفقك وأرباحك جميله واستمري في مشروعك لا يعميك الطمع وتغريك أكاذيب وحيل وأساليب تجارة الوهم والنصب والاحتيال أو تكوني حقل تجارب مثل فئران التجارب في المختبرات
ولاتصدقين مشاهير السناب كلهم سلنتح دشير حمقاء لاذمه ولاضمير حتى المطاوعه مايتحرك الواحد منهم الا يتكلم عن حفر آبار وبناء وقف
هل يعقل حفر بير بـ 500 ريال (كلم العاقل بما لا يعقل فأن صدق فلا عقل له )
مستغلين بذلك شهرتهم وكأن المشهور مقدس
ماعليش شطحت عن الموضوع ولكن خلق الله الانسان وميزه بالعقل عن غيره من المخلوقات لكي يفكر ويفهم ويتنبأ ولايصدق أي شيء غير معقول حنا في زمن الله يكفينا شره
المفروض تعطيني 500 على نصيحتي هذه