السلام عليكم ورحمة

انا باحثة عن عمل وقدمت بشركة سمارت لينك قبل شهرين وشي وكلموني واجتزت المقابلة ونزلت التجريب يومين مع المدرب (----) سعودي الجنسية ,وكان طول فترة التدريب يتكلم عن الاسلوب والطموح وغيره في نفس يوم انتهاء التدريب سالنا المشرفة صاحبة الاسلوب الراقي (من كثر انو ماعندها اسلوب صراحه ) وقالت الاسبوع القادم المباشرة وننتظر انا ومجموعه من البنات وننتظر وكل اسبوعين يكلمنا واحد من الرياض من الشركة ويسال توظفتو او لسا تنتظرون وكان الجواب انو ننتظر من الطبيعي انو راح ننتظر لانو خلصنا تدريب فصعب نقدم , كملنا اسبوعين وكلموني مقابلة ورحت ورحت بنفس اليوم لمقر الشركة وقابلة المشرفة قالت لي باسلوبها السيء انت مومربوطه معانا بعقد قدمي لحد مانكلمك قلت لها طيب لو فعلا قدمت ونزلت تدريب وكلمتوني تعالي داومو ايش موقفي قالت بكلم الرياض ونشوف بس ع فكرة راح تتصفون (انا انصفقت خير نتصفى مافي شركة تصفى بعد التدريب الابعد 3 شهور )الزبدة كلمت الرياض وجلست والله يااستاذ ازعجوني يجوني لمبنى الشركة مجموعات مجموعات ونتعمد مانرد عليهم ومن هالكلام واخر شي قفلت قالت لي قريب بنكلمكم مر شهر ومازال الموظف يتصل يتاكد انو لسا ماتوظفنا بعد شهرين بالتمام كلمني الموظف ان لازم اروح اسوي مقابلة من جديد لانو مدير المشروع يبغى كذا وفعلا اليوم الثاني اخذت السيفي مثل ماقالي ورحت الا القى الاخت الثاني تحت وتقولي شجابك قلت لها موظفكم كلمني امس ورج اتصل توه اني لازم اجي قالت لي اسمك موجود فوق بس محتاجين عدد كبير جدا جدا قلت لها طيب والنهايه قالت ع شهر واحد وهي شبه (تطنز) قلت لها طيب قالت يلا امشي قلت لها بكلم سيارتي لانو راحت قريب قالت مالي شغلي فيك اطلعي برا (بالله هذا اسلوب موظفه بشركة محترمه !!!)قلت لها نعم !!! كيف اطلع برا بالشارع وسيارتي موموجوده قالت موشغلي اطلعي برا وفعلا طلعت بالشارع انتظر سيارتي
الخلاصه انو الاسبوع الي فات كلمو كم بنت ع اساس يداومو هذا الاسبوع وكلمت (المشرفة ) وحده من البنات انت مسجله بطاقات قالت ايوا بس لي فتره ماادخل قالت اجل راح نستبعدك لانو لازم تكونين مفعله بطاقات واشتطت البنت يومين عشان ترجع ملفها بطاقات في النهايه ننصدم الصدمه الي مابعدها صدمه انو مايبغو متزوجات !!!!
كلمتهم وحده وبكل برود كان رد المشرفة ايوا المدير الجديد للمشروع مايبغى متزوجات وتم استبعاد كل المتزوجات قالت البنت طيب ليه خليتونا ننتظر ونتعشم طول هالشهرين قالت والله انا عبد مأمور

وكلمتها بنت ثانية عشان تتاكد (لان بصراحه ماكنا مصدقين وصدمه قوية بعد كل هالانتظار )الا تقول بكل برود اما احد قالكم انتظرو شركتنا وكلام كثير

الحين سؤال مين المسؤول عن محاسبة سمارت لينك !؟!؟
انا مؤمنه انو لو لي رزق فيها اخذته بس بعد كل الي قلته وصار معاي ومع غير مولازم يتحاسبون هالعصابة ؟!
وباي قانون يتم استبعاد المتزوجه ووين صارت وماكن في شرط انو تكون غير متزوجه
طيب وع افتراض وظفو بنات مونهايتهم راح يتزوجون ولا يظلون وقف عشان الشركة لوتزوجو راح يتم فصلهم !!!!

اعتذر عن اطالتي وممكن اسلوبي غير مرتب بس السالفه من امس وللحين في حرقة بقلبي وانتمنى يتعاقبون لان لو في جهة تعاقبهم كان ماتمادو بهالطريقة ,وانا مومقتنعه انو عبير ومنال ماعندهم خبر بهالقرار بس ظلو ساكتين

وحسبي الله والنعم الوكيل في المشرفة عبير والي معالها منال ومدير المشروع الجديد لانهم عشمونا على االفاضي

ارفعو شكوى لوزاره العمل تلاقي رقمهم في موقعهم عشان يتحاسبو على المهزله هذي

اسلوبهم وقح انا سمعت عنهم كثير والبنات شهرين ثلاث ويفصلون والمشرفه ذي
نفس ماقلتي مافي اسلوب المشكله اغلب الشركات اذا رؤوساء حريم ابعدي عنها
قسم فيهم تسلط وظلم الا من رحم ربي
دوري على غيرها وخذيها درس لك اي وظيفه يقولون تدريب لاتوافقين الا توقيع عقد
ثم تدريب

الله يعوضك بس قدمي شكوى عليهم بردي قلبك من جد مايستحوووون

الله يعوضك بالافضل سمارت لينك انا مقدمة عليهم وكل مره يتصل مصري علشان مقابلة واعتذر منه لان مقر الشركة بعيدة عني
بالبداية قبل ما اعتذر يسألني اذا متزوجة ولا لا شكلهم من البداية مايبغون المتزوجات علشان التأمين

ما استغرب كلامك
لأنه العن شركة في السوق السعودي هي شركة سمارت لينك
نصب وكذب وإحتيال عيني عينك
انصح وبشدة الإبتعاد عنها حتى لو كنت عاطل منتف لأنهم راح ينتفوك زيادة
إستغلال ل حاجة العاطلين