السلام عليكم

اخوي يفكر يفتح مطعم وانا يمكن اعطيه مبلغ مع مبلغة

هو مطعم بيتزا وفطاير في حي الياسمين

برايكم هل مشروع المطعم مجدي في هذا الحي خصوصا؟؟ هو يقول جمبه عمارات؟؟ هل الموقع ممتاز؟؟

وكم متوقع الربح وتنصحوني اخليه مطعم كبير ولا وسط ولا صغير ؟ ما يهمني الربح اهم شي ما يخسر

وهل لديكم افكار؟

شكررا لكم

حي الياسمين هو اللي في شمال الرياض

نصيحة حاولوا تبتعدوا عن الانشطة اللي تعتمد بالدرجة الأولى على العمالة الأجنبية، على الأقل في هذه الفترة

انا صراحة مدري عن حي الياسمين.. لكن اذا كان بيزا وفطائر فقط لايزيد المحل عن فتحتين او فتحه وحده من نوع العماير اللي لها عمق جوا.. ولازم تدرسون السوق دراسة جيدة بحيث ان مايكون لكم منافس قريب من محلكم مره .. وشي مهم ركزوا عن الجودة بافطائر ترا هي اللي بتخليكم بعد الله مستمرين.. الله يوفقك

جيراننا ��
تبين الصدق المشاريع اللي تعتمد على الأكل فيها مجازفه لكن وش رايك بمكتبة قرطاسيه يكون عليها الكلام لأن شوفي ومكتبه وحده الحين بس بالحي إذا هو يلبي طلبات الزباين بتلقين الإقبال عليه
وش رايكم بحينا حي النرجس المقابل لحي العارض تراه ما عندنا قرطاسيه مثل الناس تخلينا ما نحتاج نروح للصحافه و فيه مدرسة أهليه إحتياج الطلبه لهذي المكتبه بيكون كبير بالذات تصوير الملازم و توفير مذكرات
عاد الله الله سوي لي تخفيض إذا بتفتحون عندنا قرطاسيه

اهلا اختي

لانصحك بدخول اي مشروع في هذه الفترة امسكي فلوسك الاسواق راكدة ومنها المطاعم ومافي قوة شرائية مثل اول الكثير بدأ يطلع من السوق الامور غير واضحة كذلك فرض رسوم على العمالة ورفع سعر البنزين والكهرباء ورسوم البلدية الجديدة على اللوحة والمساحة سيؤثر بشكل كبير على السوق والمطاعم سنة 2017 ستكون سيئة على المنشأت الصغيرة والمطاعم
اتمنى لك التوفيق

هذا رد اخوي بخصوص اللي قالت عن القرطاسية

وعليكم السلام ورحمة الله وبركاته

والله ماودي احبطكم والله يرزقكم من واسع فضله ولكن الحياه علمتني الكثير ليس من تجربه فقط وانما من مشاهدة بعض المشاريع

التي تتعلق بالمواطن والصحه مباشره ..

المطعم سوا صغير او كبير تكلفته عاليه جدآ حتى تتمكن من انشاء معطهم صحي بما تعنيه الكلمه

ولا البلديه وصحة البيه والله لتاخذ الأخضر واليابس من الغرامات والأشتراطات وشهادات صحيه للمطعم والعماله

واقل ملاحظه من البلديه او صحة البيئه فعلم انكم رايح تدفعون غرامات لاطاقه لكم بها يعني بتدفعون الكبد والسقط..

لأن المطاعم خاصه لايدخلها الا اصحاب راس مال قوي يتحمل الصدمات اما الضعيف ماديآ لاانصحه بمطعم ..

وكذلك القرطاسيه لأن القرطاسيه تعد موسميه اي بداية العام الدراسي معظم دخلها اما الأيام المتبقيه نووووووووووووووووووووم

ولكن هناك مشروع طيب ومربح خاصه اذا اختير الموقع المناسب (( مغسلة ملابس )) ماتحتاج سوا ماء وصابون

ومكسبها مضمون 100% خاصه لو فتح فرعين في منطقه واحده حتى يسيطر على الموقع واقصد في حي واحد

ليس متجاورين وانما متابعدين في حي لايوجد به مغاسل بكثافه ...

وان شاء الله اذا اختير الموقع الصح سيكون المردود المادي ممتاز

ولا مشاكل بلديه ولا صحة بيئه صحيح لابد من تصاريح البلديه والدفاع المدني ولكن دون مشاكل وغرامات ..

لأن المغاسل اهون 100 % من المطاعم في الرقابه عليها وبالأصح مشاكلها مع البلديه لااطعمه مكشوفه او مخزنه تخزين خاطئ ووووووووالخ

التي مجرد غلطه بسيطه لاتذكر اقفال وغرامه للمطعم وخاصه عمال المطاعم نادرآ ماتجد من يحافظ على نظافة المكان

كونه لايهمه لاغرامه ولاغيره طالما صاحب المطعم سوف يدفع ويتضرر...