اخواني اسف ع الغيبه
كانت عندي ظروف
والحاله النفسيه اقل من الصفر (لم يتم قبولي)
ولاكن اللي منعني من دخول الموقع ظروف خاصه

عموماا راح اكتب لكم وش صار معاي بالتفصيل

السلام عليكم ورحمة الله وبركاته
اكرر اعتذاري لاخواني ابو زكي / و اقسى العتيبي ولاهنتم جميعا

رحت مستشفى الامير منصور الساعه 7 ودخلت حصلت تقريبا 20 شخص وكل شوي يجون مجموعه ،دخلت قال العسكري شوف صورتك من بين هاذي الوراق (مجموعة اوراق مصفوفه ع الاستقبال)
حصلت صورتي واخذت الاوراق ،وقالو انتظرو برا ،وجلسنا ننتظر لين نادونا ودخلونا طابور ع كشف الطول والوزن بعدين دكتور الباطنه كلهم متساهلين ،بعدها دخلونا ع طبيب النظر تجلس ع كرسي قدامك مرايه تعكس لوحة الكشف ،طبعا اللي قبلي واللي بعدي جابو اغلبها وبعضهم كلها ومتساهلين لللي يجيب اغلبها
انا ماجبت الا حرف cالكبار ثنتين او ثلاث بعدها ماجبت ولا وحده
صراحه انا خابر نظري ظعيف بس ماتوقعت لهالدرجه
وقالو فصل نظاره وتعال قلت لاتكتب شي طيب
وطلعت رحت كملت باقي الكشف ،سويت اشعة صدر وسحبت دم وسويت تحليل البول (وانتو بكرامه) ورحت للعظام ومشت اموري ،وبعدي واحد ردوه عشان تقوس بسيط في الساق ،لان اهم شي عندهم النظر والعظام ،طبعا هم مايردون يحولونك تخصص ثاني ،المهم سويت باقي الكشوفات وكلهم متساهلين ماعدا النظر والعظام
حتى الاسنان والله ناس سنونها تفجع مشوهم (ما شاء الله)
فرحت للاخوان اللي مشت اوراقهم الله يوفقهم
اما انا جلست احاول فيهم يمين يسار قالو الا تفصل نظاره ونحولك سلاح اشاره او مشاه ، قلت لا والله اذا ماهي مظلي ماني داخل
ومشيت وانا متضايق ولاكن الحمدلله
الله ماكتبها لي وبيعوضني ب احسن منها
واعذورنا ع الغيبه

انا رحت عيادة النظر تمام وكتب لي 6/6 6/6 21/21 ثم تحت كتب لي ارقام فصل نظارة غلطتي يوم دخلت العيادة ما قلت له اني اشوف بدون نظاره ولكن سالت الشباب قالو تامام اهم شي انو 6/6

كتب لك في النظر غير لائق وختم عليها ؟

انا ماشي اليوم باذن الله الطائف الساعه 4 بروح اخذ الكشف ثم اسلمه للتجنيد مع الدفتر الابيض والاحوال طبعاء البصمات تروح لهم باذن الله وربك يفوقنا باذن الله

لو انتظرت بيحولني مشاه او سلاح ثاني وانا صراحه اذا مو مظلي ماني داخلها

وبالنسبه للكشف على ماسمعت انك ماتاخذه
تروح للتجنيد تلقى النتيجه عندهم

اسئل الله العظيم ان يوفقكم جميعا

الحمد لله على كل حال لائق طبي درجه ثانيه طردوني مع الباب الحمد لله عليى كل حال ومبروك لكل من اجتاز الفحص الطبي ومبروك اقسيى العتيبي الله يوفقك فيها وهارد لي ولك اخوي احمد الحربي العوض على الله
بالنسبه يبي يحولنا سلاح اشاره يقول انك تتخلى عن شهادة ونحطك جندي اول قلت له لا والله ماجي جندي ابدآ