السلام عليكم ي شباب اخباركم ان شاء الله بخير
اولا : الله يوفقك دورة 46 الامنيه وربي يكتب لنا دورة 47

اول موضوع لي في هذا المنتدى وكنت اتابع مواضيع جميييله ومهمه طول السنوات الماضيه ..

ندخل فالموضوع:
انا طالب بكالوريوس كيمياء معدل جيدجدا 2,95 من 4
طولي 176 وزني 70 .
اللياقه عاااليه
درجتي 80 في اختبار قدرات جامعيين
انتظر اختبار قياس الكليه الامنيه يفتح علشان اختبر

والدي الله يطول بعمره يتمنى من اول سنه لي فالجامعه يشوف اليوم اللي انقبل فيه بالكليه الامنيه بحكم اني اكبر اخواني وابوي عسكري

المهم انا اتمنى احقق رغبته واوصل للشي اللي يتمناه بعد توفيق الله
ودايم اجيب اعلى الدرجات واجتهد لأوصل للهدف
واذا حسيت بيوم بالتعب والملل من الدراسه اتذكر هذا الشي ويتجدد فيني الحماس والنشاط والهمه ..

ادري طولت عليكم بسس هذا والله اللي في قلبي بس دايم اكتم واسوي نفسي مو مهتم وانا افكر فيها بإستمرار ..

نجي لزبدة الموضوع :
وشهي الاشياء اللي تزيد من فرصة قبولي بالكليه الامنييه ؟؟
والاشياء اللي تميز الشخص عن غيره من المتقدمين ؟
فيه بعض الشباب يقولو الدعوه حضوض والارزاق بيد الله وكل واحد بياخذ نصيبه من هالدنيا ..
انا ادري الرزق مكتوب للعباد وانا راضي سواء انقبلت او لا احمد الله واشكره ..

بس الواحد يبغى يبذل الجهد ويكمل المطلوب وبعدها يوكل الله
حتى لو لم اقبل اكون راضي عن نفسي اني اجتهدت وربي ماكتب نصيب.

اما لو تركت الشي وقلت الشغله ارزاق بقدم على نفس وضعي!!
هنا الندم لو ما انقبلت ..

اشكركم لأنكم اعطيتوني فرصه من وقتكم ..

ونسمع لآرائكم ونصايحكم واعتبروني اخوكم الصغير ولا تبخلون بمعلومه ..