بسم الله الرحمن الرحيم
السلام عليكم ورحمه الله وبركاته
نشكركم اولا على هذا الصرح الجميل و المتاح لجميع رجال الوطن الشرفاء
انا اعمل بمشروع وارغب باضافه اخوان سعوديين طموحيين يرغبون بمصدر دخل ممتاز
فكره المشروع :
انا اعمل فيه من ٦ شهور و والله يخوان فيها خير ورزق ما يعلمو الا الله ..
با اختصار اني اروح كورنيش جده الجديد وافرش بسطه و ابيع عصير اناناس مع فاكهه مع خلطه سريه هههههههه
وابيعها اما في كاسات بلاستيك او استخدم الاناناسه نفسها وتكون مفرغه من الداخل وتستخدم ككوب للعصير .. يعني كأنك في هاواي
فالبدايه اجهز الموضوع والاناناس وازبط العصير والاكواب المفرغه واضعها فالترامس واجهز كل شي وانطلق الا الكورنيش واجلس بجانب بعض الشباب السعودين
اللي فاتحين بسطات شاهي على الجمر وعصيرات وبليله والخ ...
والزبايين اللطيفين من جميع الاجناس والاعمار والجو حلو والكل يكون مروق .. عاد جلسه وبحر ليه ماينبسطو
طيب ايش موضوع الشراكه؟
انا اقلكم
احتاج شباب سعوديين يرغبو فالعمل بالشغله .. يعني انا اجهز العصير والادوات بالترامس معاها طاوله وكرسي وجميع الاشياء مثل الاكواب والقفازات والمناديل ( شغل مرتب وحلو)
ونتقابل بقرب البحر يصير اعطيك الموضوع جاهز مجهز من غير ماتدفع ريال .. وتروح فالبحر وتبسط الين تخلص بالكثير ٦ ل ٧ ساعات
وبعدها نتقابل تعطيني الترامس والطاوله والاغراض والارباح النص بالنص .. تقريبا يطلعلك من
٢٠٠ -
٣٠٠ ريال فاليوم الواحد وممكن مع الاجازه تصل الارباح باذن الله للطرف الواحد ل
٤٠٠ ريال اذا ربنا اكرمنا ورزقنا من فضله
واذا عجبك الموضوع وتبغى تكمل فالشغله ماعليك الا تكلمني وانا اسوي العصير مع تفريغ حبات الاناناس وتجهيزها لتكون مثل الاكواب وارتبها فالترامس مع الثلج عشان تكون بارده وتحافظ على نظارتها وجمالها وانت ماعليك الا تجيني بالقرب من البحر اعطيك الاغراض وهكذا ...
اتمنى تكون فكره حلوه والاجمل فيها انها الارباح فيومها نتقاسمها من دون تحمل اي مشقه ..
وارجوكم لحد يقلي استحي الشغل مو عيب ولا عمرو حيكون عيب .. العيب هوا الجلسه عالفاضي
وايضا حتجد كثير من الشباب الانيقيين السعودين صغارا وكبارا مبسوطين جلسه على البحر ويبيع ويطلع ارباح جميله
اتمنى من تعجبه الفكره يضع رقمه ونتواصل على الواتس اب او هنا فالكومنتات ..
اتمنى يخوان اجد شباب سعودين يبغو يشتغلو و بالذات ان الاجازه قربت والجميع يحاول قضاء وقت مفيد
والله يعطيكم العافيه والمعذره على الاطاله
فمان الله
15-01-2017, 02:24 AM
العرض الشجري
