يسعد صباحكم ..
انا عندي4 ولدين وبنتين. وطبعا مهجوره..من سنين..
ســؤالي اذا رفعت قضية.طلاق ونفقه ع زوجي هل القضـاء بيخلي بناتي يروحو معي وهل البنات يخيرو بين الام والاب او بس الاولاد
بناتي كبار وحــده16 والثانيه18
الله يوفق من يـــرد ويبرد قلبــي

هلا أختي مشكلة النساء مايفهمون القوانين وهذا اللي ضيع حقوقنا أولا إعمار بناتك كبار والحضانه فقط لسن الطفوله اذا الطفله او الطفل يعتمد ع الام في الخدمه والآن الحضانه من صالح الام حتى لو هو فوق 7 سنوات يتم التخير للولد والبنت والنفقه يتم إلزام الاب بالنفقه ولكن بعض القضاه وللاسف يجبر الام على التنازل مقابل الحضانه وحتى لو حكم ب النفقه 150 ريال الى 300 ريال يعني ماتوكل خبز بالنسبه لك بناتك عندك لاتخافين وهذا المعمول به في المحاكم السعوديه حضانة الاولاد والبنات للام واذا حضرتي عند القاضي قولي له البنات كبار ومالهم حضانع اصلا هذا كلام قاضي بالمحكمه بالرياض والله العظيم لوحده اعرفها عند م اشتكى ابوها يبي يأخذها وعمرها 20 قاله القاضي البنت قدها حرمه بالغه راشده مالك حضانه ماهيب طفله وحكم القاضي للبنت تسكن عند امها لحد ماتتزوج اما النفقه حكم القاضي ينفق على بنته لحد ماتتوظف او تتزوج لان ابوها تاجر والبنت ماتنازلت عن النفقه يعني يعتمد ع القاضي من ناحية النفقه

وعليكم السلام
ارى والرأي السديد لكم وللقارئ انه بأمكان الاخوات وضع تجاربهن هنا اذا وجدت وخاصه فيما يتعلق بالحالات المماثله لأختنا الكريمه كذلك ارى انه من الافضل ان الاخت الكريمه تلجأ الى احد المحامين الشرعيين ولديهم الخلفيه عن مثل هذه القضايا افضل منا لأن الحالات القضائيه تختلف بمضمونها
هذا مااراه وربي يوفقك

__________________
لااله الا انت سبحانك اني كنت من الظالمين .. استغفر الله العظيم
اللهم احفظ بلادنا وولاة امرنا وأمدهم بالصحه والعافيه
ان غبت يوما فتذكروني بدعوة صادقه وان اسأت او اخطأت بحقكم فكونوا كرماء
دخول للمنتدى قليل والمعذره

زي ماتفضلوا الأخوات بناتك كبار ومالهم حضانه والحين المحاكم مهي مثل قبل. صاروا يتعاطفون مع المراه لذلك توكلي ع الله واستخيري وربك راح يكتب لك الخير باذن الله

شكرا لك اخوي المنتـصر بالله ...واختي روح الشرقيه..
انا سالت كذا محامي واحد بس اللي رد علي وقال حسب القاضي ممكن يتفهم حالتك وممكن يوقف بصف الرجال..
وفي ناس قالو بناتك كبار هم يتكلمو قدام القاضي
وفكرة استاذ المنتصر مرره ممتازه ان اللي مرت بمثل حالتي تكتب اللي صار لها
والله يفرجها علي وع الجميع

تذكرون ايام مايكون الطفل تحت سبع سنوات يكون عند الام وفوق السبع يكون ل ابوه اخذت صك حضانه ع الى اقل من سبع سنوات وكان كل مايصير عمر الطفل سبع سنوات وشوي يجي طليقي يسحبة مني .
وقدر الله وتغيرت الاحكام وطلبني طليقي المحكمة ياخذ البنت الثانية لانها خلاص صار عمرها سبع سنوات وتدرس
وبالعلم انه اخذ بنت وولد قبلها وكان من الضروري اسلمه البنت حسب الصك ولكني حاربت بكل مافيني من قوة واخذتها هي واخوها اللي اصغر منها بالقوة واخذت نفقتهم بعد من ابوهم غصب عليه ونفقه سابقه بعد لانه ماكان ينفق عليهم وازيدكم من الشعر بيت اخذت الي عنده وكلهم الحين عندي كبار وصغار ونفقتهم ماشيه استقطاع من راتبه ومعي عليهم اعالة .
وقعد فتره يفكر كيف ياخذهم واخذهم لف فيهم المملكة بكبرها عشان مااخذهم وكل مايروح مدينة الحقه باخذهم ويهرب فيهم مدينة ثانية
واخر شي رحت الاماره عندنا بالرياض وقدمت معروض بالمشكلة وطلبوه وبعد ثلاث ايام من اصدار الخطاب جا وماجاب العيال معه
وقالوله بكره تجيبهم قال يصير خير وماجا ولا جابهم وعطوه يوم بعد قالو يمكن يجيبهم بكره ولا جابهم ولا شافوه
ف عطوني خطاب للبحث لشرطة الحي حقهم وقالو بنتصل عليك وبعد يومين دقو علي قالولي تعالي خذي عيالك ووقعي على استلامهم
واجي الاقيهم في حوش الاماره يلعبون مع عمهم وابوهم داخل كنه ارهابي مكلبش في يدينه ورجوله واخذتهم ووقعت ومشيت
اهم مافي الموضوع الصك حق الحضانه

أولاً الله يكون بعونك ويفرجها عليك وعلى كل من هي في هذا الحال ..
مريت بنفس اللي مريتي به بس انا مطلقة من وانا حامل فيها قعدت سبع سنوات عايشين بخوف لين يوم سار قلت ماعاد اقدر استحمل وقلت لأهلي ابي حضانة وبالفعل كلمت كذا محامي وكلهم كانو يطمنون دامك مو متزوجة لا تخافين وكذلك اذا مافية شي يعيب او يخدش بالحضانة لا تخافي وقدمت على موعد والحمدلله اخذت حضانتها واللهم له الحمد من بعدها ارتحت عشت بأمان الله يديمه ويرزق كل محروم بس تأكدي من القضاة ترا يختلفون في الاحكام , توي ماخذه الحضانة مالي كم شهر ونقول يا رب يبعده عنها واربيها واكبرها أنا ويبلغني ويبلغكم يا رب ..

انا كنت مهجوره ثلاثه سنين ومارحت المحاكم وصبرت كلو عشان بنتي لاياخدها
وبعد كذا قلت لمتى اجلس خايفه وحقوقي ضايعه واهلي مايحبو المحاكم والقضايا والشرطه الله يحفظهم ورحت لمحامي قلتلو جبلي حضانة البنت طبعا الاولاد ماكنت خايفه عليهم الله يحفظهم لانهم مخيرين كنت خايفه بس على بنتي وقلي ب 45 الف بالقليل تحصلي على الحضانه انا من فين اجيب هذا المبلغ رحت المحكمه ورفعت طلاق ورفعت حضانه والحمدلله وبتوفيق الله اخدت الحضانه ماشاء الله تبارك الله واخدت صك الطلاق واخدت صك نفقه بس النفقه من سنوات ماشفت منها ريال والحضانه ولله الحمد حتى لو تزوجت اطفالي معايا مكتوب كذا بصك حضانه مفتوحه
بس عاد مالقينا الزوج المناسب خخخخخ
والله ييسرلك ترى المحاكم دحين تخاف على الاطفال من المصايب الي تسير بذات على البنات

ياام لمى ابوهم من بعد ماكتبو عليه نفقه ماشفت وجهو عشان لايدفع ريال ورفعت عليه كم مره اطالب بنفقه ومايلاقوه وبعدين ولله الحمد رحت خرجت صك اعاله ولله الحمد لانو مايصرف عليهم وجبت ورقه التحويل انو عمرو ماحول
بس ساعات من مصاريف البزوره نفسي ارفع عليه ثاني المصاريف كثير وانا تراكمت عندو فلوس كثيره ليا بس الي خايفه منو نكاله فيا انو دفع يخطف بزورتي والا انا عارفه انو دحين سارت عقوبات مشدده للاب الي ماينفق
وصراحة ماعندي احد يوقف معايا اجلس اطارد وراه والاب الي ترك بزورتو كانهم ايتام هذا غير سوي فهذا الي مخليني ساكته عن نفقتهم