كيف تبدأ/ تبدئين مشروع ناجح بـ ( 2000 ) ريال؟؟؟

فتى نجد · #**1041** (**permalink**) 21-12-2009, 06:01 AM

اقتباس:

المشاركة الأصلية كتبت بواسطة سعودي هام

السلام عليكم ورحمه الله وبركاته
اخبارك اخوي
الله يقويك ويرزقك ويوفقك على الجهد الجبار
الي قاعد تسويه
وشكرا لك انك قاعد تفيدنا بأفكار جميلة ومربحه

انا يااخوي عندي مبلغ خمسين الف واقدر ادبر زياده عليها عشره
يعني تقريبا ستين ألف

أتمنى منك انك تفيدني بمشروووع جيد وذات عائد مادي ممتاز
علما اني من سكان مدينة جده

مع التحية

حياك اخوي , وأمين ومن يقول إن شاء الله ..
اخي الكريم صدقني صعب اني اوجهك على شغله معينه ولكن اذا في بالك شي ممكن نتناقش فيه وإن شاء الله الجميع ماهم مقصرين معك .

على فكره / بعد هالسيول الي جت جـــده الله يجيرنا واياكم منها , أتوقع فيه سيارات كثير تضررت وراح تمباع بتراب الفلوس للي بيشتريها ويصلحها .... مجرد دغدغه للمخيخ !!!!!!!!!!! وصلت ؟؟

وموفق بإذن الله ,,,

فتى نجد · #**1042** (**permalink**) 21-12-2009, 06:17 AM

اقتباس:

المشاركة الأصلية كتبت بواسطة مجتهددد

مساء الخير جميعا
بعد اذن اخوي فتى نجد
ولكن أنا اقرأ ان مشاريع تكلف 15-20 ألف ريال فقط
دون أي نظر لايجار المحل
مع أن أبسط قواعد التجارة تجنيب مخصصات الايجار ومصروفات المحل من فواتير ورواتب وغيرها لسنتين قادمة على الاقل وذلك لحماية المشروع من الإفلاس المبكر أو التعثر الطبيعي في البداية
ولم أقرأ أي ذكر لهذه النقطة الجميع يفكر كيف أفتح محل وخلاص
بكم الديكور بكم الأثاث واللوحة والاستقدام ووو !!! وهذه كل الحكاية بنظر البعض
التجارة ليست افتتاح محلات يا اخوان
تحياتي والمعذرة على التدخل

اخوي مجتهد , حياك الله وشاكر مرورك وتعليقك ... ولكن اسمح لي إني اخالف الرأي شوي

بما يخص نقطة ( تجنيب مخصصات الايجار ومصروفات المحل لمدة سنتين ) مع إني من أشد أعداء موضوع فتح محل أو معرض .

لكن لاتنسى إنك ممكن بمبلغ عشر الاف ريال وددسن وشوي جهد , ممكن تصفي شهرياً أكثر من ثمان الاف ريال وانت تضحك .... كيف ؟؟؟ ابيك تاخذ جوله بسيطه على الأسواق الشعبيه واللتي تقام خلال يوم معين في الاسبوع زي :
ــ سوق الخميس في مدينة الرس
ــ سوق الخميس في النعيريه
ــ سوق الخميس في خميس مشيط
ــ سوق الخوبه
ــ سوق الثلاثاء في ابها
ــ سوق الجمعه في المذنب
والاسواق هذي مليانه في جميع مدن ومحافظات وقرى المملكة ... لـــــــــكــــــــن وين اللي عنده جلد وصبر .

فيه شخص بدأ بجلب بضاعه معينه قبل حوالي 15 شهر وراس ماله وقتها 6000 ريال وهايلكس 94م غماره , وشجعته والحمد لله اتكل على الله وبدأ يوزع هالبضاعه على الاسواق اللي ذكرتها لك فوق ..... الأن !!!!!!!! الرجل عنده اكثر من خمس دينات كلها من الوكاله بسواقينها ويشتغل براس مال أكثر من مليون ريال مابين أصول وبضاعه .
التجارة في بلدنا ولله الحمد حتى الأن لاتحتاج لرأس مال نهائياً , بل تحتاج إلى عزيمه وإصرار وكفاح وصبر ونـبــاهــــــــــــــــــــــــــــــــــــــــــ ـــــه .... والتوكل على الله , هذا حتى الأن ولكن في المستقبل الله اعلم خصوصاً اذا غزونا الصينين وصار لهم شركات ومكاتب ومستودعات هنا زي ما صار في دبـــي .

والأختلاف في الرأي لايفسد للود قضيه ...

وتحيــــــــــاتـــي .

فتى نجد · #**1043** (**permalink**) 21-12-2009, 06:20 AM

اقتباس:

المشاركة الأصلية كتبت بواسطة عاطل وجوال

الف شكر لك على سرعة التجاوب و ( الاهتمام )

الموقع هو أصعب شئ حاليا لاني اشوف صوالين كثيرة فتحت وقفلت يعني طلعت خسرانه وانا ما ابغى اضطر بعد سنة او سنتين اني اشحذ الحلاقين يشترون الصالون وإاعلانات وتنزيلات وانت سيد العارفين ما انسى كافيتريا توهقت فيها الين بعتها بثمانية الاف وبعد ما كرهت حياتي

ما عليك ما راح ابدأ الا وفلوس الباكستاني في يدي والا ابطل

بخصوص الجمارك ما ادري التقليد اكيد فيها تشديد من المعاين الجمركي

لان اهم شئ المعاين اذا مشاها ماعليها خوف واذا استقعد انكب فيها وارجعها على حسابي !!

جرامين هذه بنك في الهند وبنقلادش أسسه واحد اسمه جرامين حصل قبل كم سنة على جائزة نوبل
وخطى على خطاه عبداللطيف جميل هنا بمشروع عبداللطيف جميل لخدمة المجتمع

متشكرين يا باشا

تسلم حبيبي على التسميه , أجل انت بسميك 3 جــرام

لأنك تستاهل

والله يكتب لك التوفيق بإذن الله .

ناصر المشيعلي · #**1044** (**permalink**) 21-12-2009, 06:26 AM

اخوي فتى نجد حاولت اتواصل معك عن طريق الرسائل ماقدرت

انا عندي استفسارات حول شراء الزعفران بالجمله مثل ماتفضلت بشرح موضوع عنه من قبل

المهم انا من القصيم وابي اشتري البضاعه من الرياض واقوم بتسويقها بالقصيم علما ان الملبلغ اللي معاي 3000 ريال فقط ياليت ترشدني اخوي للطريقه المناسبه لشراءه وتسويقه عندنا بالصيم

اخيرا كيف اتواصل معك على الموبايل او الا يميل لاستفسارات اخرى

شاكر لك المجهود الطيب االي سويته والله يجزاك الف خير

اخوك /ناصر

المكافحه · #**1045** (**permalink**) 23-12-2009, 12:46 AM

السلام عليكم اخوي فتى نجد

انا حابه استفسر عن اقمشة التنجيد من وين تستورد زي اللي عند محلات القثمي والسريع الجديعي وطقتهم هل لهالمصانع المنتجه لهالاقمشة كتالوج او مندوب عندنا بالسعودية لان لو ابي استورد قماش لازم مبلغ جامد .. سوق الجمله يبيعون المتر من 20 الى 70 ريال بس تعرفون درجة الفخامة وسط الى جيد جدا انا ابي اقمشه فخمة النقشه يطلعون منها اكثر من خاكة تمشي معاها من 5 الى 6 نقشات اللي راح للسريع والجديعي والقثمي راح يعرف قصدي انا ادور السعر المناسب ويناسب وضع المجتمع السعودي الفئة المتوسطه مع غلا هالمعيشه الله يرحمنا برحمته ابي خامة ممتازة بسعر جيد

ملاحظه انا افضل كتالوج انقي واختار واشوف عينه قبل لاشري الطاقه لاني ابحث عن التميز بشغلي..بالتوفيق

المكافحه · #**1046** (**permalink**) 26-12-2009, 01:37 AM

زي هالاشكال

حمود الطفران · #**1047** (**permalink**) 28-12-2009, 03:35 AM

اقتباس:

المشاركة الأصلية كتبت بواسطة فتى نجد

ام احمد حياك الله والله يكتب لكم التوفيق بإذن الله .
طبعاً أكيد ولد اختك عنده خبره في هالمجال عشان كذا لازم يروح بنفسه لدبي لمدة يوم واحد فقط وياخذ جوله ويسعر المحلات هناك .
المحلات المتخصصه في بيع الجوالات وملحقاتها تقع في منطقة شارع نايف (دبي) واكثر من 700 محل يعني طب وتنق .
وبرضوا اعرف واحد اماراتي شغال في هالمجال وسبق وعرض علي لكن للأسف ماهب شغلتي وبعطيكم رقمه وخلي ولد اختك يكلمه وياخذ من راسه (لكن ما ادري كيف اعطيكم الرقم في المنتدى ياليت يفيدني احد ).
ملاحظه / ممكن تضيفون نشاط بيع قطع غيار الجوالات وحسب علمي فيه رزق جيد وبرضو ركزو على الجوالات المستخدمه في الامارات .
وبالنسبه للشحن من دبي للرياض عندي ارقام مكاتب شحن كلموهم وشوفو اللي يناسبكم منهم.

والله يكتب لنا ولكم وللجميع التوفيق.

ممكن ترسل لي الرقم على الخاااااص ضرووووووووووووووووووووووووري............

انتظر ردك...

ولد بكة · #**1048** (**permalink**) 29-12-2009, 02:06 PM

السلام عليكم ورحمة الله وبركاته ،،
يا اخونا فتى نجد (أبو خالد)
انت بمثابة اخ لنا وكبيرنا وموجهنا ودليلنا للخير لما يحب ربي ويرضاه
الله يجعل كل حرف تكتبه وكل كلمه وتوجيه في ميزان حسناتك
وربي ييسر امورك كلها ويجعل كل صعب ذليل لك بإذن واحد أحد
وكثر الله من امثالك واحسن الله ختامي وختامك وختام جميع المسلمين ... آمين

ولد بكة · #**1049** (**permalink**) 29-12-2009, 02:28 PM

ودي استشيرك يابوخالد

بكشك كوفي شوب للسيارت مثل اللي بالمحطات
علما أني .. بقدم قرض من صندوق المئوية ورحت لهم وسألتهم واخذت المعلومات عن القرض

بس مدري كم يكلفني وملحقات الكوفي قصدي وش آلاته وديكوراته ووش افضل عماله تصلح للكوفي وكم رواتبهم
ومدري كم اقدر اخذ متر*متر كبدايه وأشياااء كثيييرة وكيف امسك الحسابات
ودي لو تطرحي بعض الافكار .. لأني جديد بالشغله وكيف اسوي دراسة جدوى
السكن في مكة

بصراحة يابو خالد ماني فاهم شي ابد بس اطلب منك ترشدني على الطريق الصحيح بالتجارة وشغلها الله يوفقك دنيا وءاخره انت واهل بيتك اجمعين .. امين

تحياتي لك
أبو يارا

حلم قيد التحقيق · #**1050** (**permalink**) 30-12-2009, 02:42 PM

السلام ععليكم ورحمة الله وبركاته

الى اخوي فتى نجد كيفك ان شالله تمام

(آمين )

اولا الله يجزاك الجنه على هاالعمل الخير لارشاد اخوانك واخواتك

الحائرين واقولك كثر الله من اشكالك يالطيب

وجعلك الله من كل ضيق مخرجا

انا عندي حيره وابي فزعتك يالطيب

انا عندي اثنين اطفال وابي أامن لهم مستقبلهم بشغله او مشروع صغير

يكون له دخل ثابت لو بسيط

راس مالي اللي عندي 8000 ولا عندي غيره

حاولت اديره بشي ينفعني واعيالي بس كثير ترددت

لاتها لو غامرت فيها وخسرت اعتبر خسرت الفرصه الوحيده

لتامين مستقبل اعيالي

وابي مشورتك اخوي هل ممكن لمبلغ صغير مثل هذا (8000 يفتح لي مشروع صغير

كثيركلمت اخوي يشوفلي صرفه بس كل ماحاول يرجع يقول انتظري اشوي

وانشالله القى لك مشروع صغير يفيدك

ولما دخلت الموقع قلت مافيه الا فتى نجد يحلها بعد الله

ولك مني كل الاحترام

أختك حلم قيد التحقيق

كيف تبدأ/ تبدئين مشروع ناجح بـ ( 2000 ) ريال؟؟؟

قسم مشاريع وأفكار

السلام عليكم... أولاً هذه أول مشاركة لي في المنتدى وأتمنى أن أكون ضيفاً خفيفاً ومفيداً لأخواني وأخواتي أعضاء المنتدى . بالنسبة لطريقة إبتكار المشاريع...

كيف تبدأ/ تبدئين مشروع ناجح بـ ( 2000 ) ريال؟؟؟

تسجيل الدخول

كيف تبدأ/ تبدئين مشروع ناجح بـ ( 2000 ) ريال؟؟؟

قسم مشاريع وأفكار

السلام عليكم... أولاً هذه أول مشاركة لي في المنتدى وأتمنى أن أكون ضيفاً خفيفاً ومفيداً لأخواني وأخواتي أعضاء المنتدى . بالنسبة لطريقة إبتكار المشاريع...

كيف تبدأ/ تبدئين مشروع ناجح بـ ( 2000 ) ريال؟؟؟